प्रकाशित वाक्य 3:3 - बारेली पावरी

³ इनान कोरता फोम कोर कि तू कोसली शिक्षा हासील कोरलु छे एने सोमवलू होतु, एने तीनामा बोनीन रोय एने मोन फिराव कोदा माईन तू जागतू नी रोये ती मे चुटा सारखो आव लागीस, एने तू कोदि नी जान सोके कि मे कानले टेमे तारेनचा आव लागीस.

प्रकाशित वाक्य 3:3 ပူးပေါင်းရင်းမြစ်များ

मत्ती 25:13

इनान कोरता जागता रोयू काहाकि तुमु नी तिना दाहळाक जानतला नि तिनी टेमो काजे.

मरकुस 13:33

देखू, जागता एने प्रार्थना कोरता रोयू; काहाकि तुमु नि जानतेला कि ची टेम कोत्यार आवसे.

मरकुस 13:36

ओसो नि होयनो जुवे कि चू उचकालुन आवीन तुमु काजे सुवतेला देखे.

1 थिस्सलुनीकियो 5:2

काहाकि तुमु बोराबर जानतला छे कि जोसू राती चुटू आवतेलु छे, तोसोत प्रभून दाहळू बी आवने वावु छे.

1 तीमथी 6:20

हे तीमथी जो तुसेक आपलो छे तेरी राखवावी कोर; एने जिना ग्यान काजे ग्यान कोयनेन भूल छे, हेरी भुंडली वात एने खिलापोन वातोन गोथू ओलोग रोये.

2 तीमथी 1:13

जी ठारलो वात तू मार मुये सोमोवतलु छे तीनाक भुरसू एने मोंग पुठी जे मसिह येसुन मा छे आपनो वारलु बोनीन मेक.

इब्रानियो 2:1

इना वजेसी जुवे कि आमु तीनु वातो पोर जो आमु सोमवला छे, ओवी बी मोन लागाळू, ओसो नी होये कि वोयीन तिनासी नांबे जात रोये.

2 पतरस 1:13

मी यो आपनेन कोरता वारलो सोमोजतलु छे कि जेतार तोकून मे या डील छे, तेत्यार तोक तुमु काजे फोम देवाळी-देवाळीन जागतू रोयीस.

2 पतरस 3:1

हे मोंगावा हिमी मे तुमु काजे यो दुसरो चिट्ठी लिखलो छे, एने दुयू तुमुक फोम देवाळीन तुमरा चुखला मोनोक उबा राखो.

2 पतरस 3:10

बाकीन प्रभून दाहळू चुटान सारखो आवी जासे, तिने दाहळे सोरगोमा मोटलो आवाज बुलोसी जातु रोयसे एने कोवी जाताच ताती होयीन पीगवी जासे एने कोवी एने तिना पोरला कामे बी बोवी जासे.

प्रकाशित वाक्य 16:15

“देख, मे चुटा सारखू आवतेलु छे; सोयावू चू छे जू जागतू रोयतलु, एने आपना छिंदरा तपास कोरतेलु कि उगाडलु नी फिरे, कि माणसे हेरो उगेडला काजे नी देखे.”

प्रकाशित वाक्य 2:25

बाकीन होव, जो तुमरे जुव छे तीनाक मारे आवने तोक रुकीन मेकू.

प्रकाशित वाक्य 2:5

इनान कोरता फोम कोर कि तू कां गोथू पोळलु छे, एने मोन फिराव एने पेहेले सारखु काम कोर कोदि तू मोन नी फिरावे, ती मे तारेनचा आवीन तारा दिवटानु काजे तिंदरे जागे गोथू छेटू कोर दिस.

प्रकाशित वाक्य 22:7

“देख, मे मामार आवने वावू छे, सोयावा चे छे, जे इना किताबोन भविष्यवाणीन वाते मानतलु छे.”

प्रकाशित वाक्य 3:11

मी तेत्यारुत आवने वावु छे; जो काय तारे जुव छे तीनाक रुकायीन मेक कि कुदू तारू मुकुट हापकी नि लेये”.

प्रकाशित वाक्य 3:19

मे जिना-जिना पोर मोंग कोरो, तीनु आखा काजे (दुख) एने (तकलिप) आपो कि, इनान कोरता वारला कामे होय एने मोन फिरावे.

प्रकाशित वाक्य 3:2

जागतू होय, एने तीनु चीजो काजे जे बाकी रोय गोयला छे एने जे नाश होयने पोर छे, तीनु काजे पाका कोर; काहाकि मे तारेन कोरता, तारा कानला कामो काजे मारा परमेश्वरोन साते पुरो नी देख्यू.