प्रकाशित वाक्य 3:15 - बारेली पावरी

¹⁵ मे तारा कामो काजे जानतलु छे कि तू ते सेवू छे एने नी तातलु, भोलो होयतो कि तू सेवू नीती तातलु रोयतू.”

प्रकाशित वाक्य 3:15 ပူးပေါင်းရင်းမြစ်များ

मत्ती 10:37

“जू आश नीती बास काजे मारे गोथू जादा मोंगावू जानतेला छे, चे मारा लायक नि होय; एने जू पुऱ्यु नीती पुराय काजे मारे गोथू जादा मोंगावू जाणे, चू मारु लायक नि होय

मत्ती 24:12

पाप बोढनेसी लोकेत जोनान मोंग कोम होय जासे,

मत्ती 6:24

“काहनलु माणूस दुय मालक्यान सेवा नि कोर सोकतलु, काहाकि चू एक पोर दुष्मोनी एने दिसरा पोर मोंग कोरसे, नि ती एक पुठी साते रोयसे एने दिसरा काजे विटेवलु माणसे तुमु परमेश्वरोन एने धोन दुयोन सेवा नी कोर सोकतला”.

रोमी 12:11

कोशिश कोरणेमा उजगाय मा कोरु; आत्मामा भोरायला रोयू; प्रभून सेवा कोरता रोयू.

1 कुरीन्थियो 16:22

कोदि कुदु प्रभूसी मोंग नी राखे ती चू शापित होये. हे आमरा प्रभू, आव.

2 कुरीन्थियो 12:20

काहाकि मेसेक बिक छे, कोदि ओसो नी होयनो जुवे कि मे आवीन जोसो जुवे, तोसो तुमुक नी देखो; एने तुमरेमा झोगळू, डाहा, रीस, खिलाप, रीस, चुगली, अभिमान एने झुटा छे.

फिलिप्पि 1:9

मे जी प्रार्थना कोरो कि तुमरो मोंग ग्यान एने आखा भातीन ओकोल साते ओवी बी बोढतू जाय.

2 थिस्सलुनीकियो 1:3

हे भाशो, तुमरा बारामा आमु काजे होर टेमे परमेश्वरोन धन्यवाद कोरनो जुवे, एने यो सही बी से इनान कोरता कि तुमरू भुरसू जादा बोडतो जातलू, एने तुमरे आखान मोंग एक दिसरामा जादा बोळतू जातलु.

याकुब 1:8

चू माणूस दुय धोळ्यु छे एने आपनी आखी वातोमा चंचल छे.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

प्रकाशित वाक्य 2:2

मे तारो काम, एने तारी मेहनत, एने तारा धीरो काजे जानतलु छे एने जो भी कि तू भुंडला माणसो काजे देख नी सोकतलु, एने जे आपना खुदो काजे प्रेषितोन कोयतेला छे, एने नी होय, तीनुक तू पारखीन झुटू देख्यू.

प्रकाशित वाक्य 2:4

बाकीन मेसेक तारा खिलापमा यो कोयनो छे कि तू तारे पेहेले सारखो मोंग छुळ देदलु छे.

प्रकाशित वाक्य 3:1

सर्दीसोन मंडव्यान दूतो काजे यो लिख, “जेरे जुव परमेश्वरोन सात आत्मा एने सात चांदण्या छे, चू यो कोये कि मे तारा कामो काजे जानतलु छे तू जीवतलु ते कोवायतलु छे, बाकीन मोरलु छे.”

प्रकाशित वाक्य 3:16

इनान कोरता कि तू कुकनु छे, एने नी सेवू छे एने नी तातलु, मे तुसेक मारा मुयोमा गोथू उखोवने पोर छे.