प्रकाशित वाक्य 3:11 - बारेली पावरी

¹¹ मी तेत्यारुत आवने वावु छे; जो काय तारे जुव छे तीनाक रुकायीन मेक कि कुदू तारू मुकुट हापकी नि लेये”.

प्रकाशित वाक्य 3:11 ပူးပေါင်းရင်းမြစ်များ

1 कुरीन्थियो 9:25

होर एक पेहेलवान आखा रितीन तंबू कोरतेलू छे; होयु एक चिमटायने वावा मुकुट काजे हासील कोरनेन कोरता यो आखो कोरतेलू छे, बाकीन आमु ते तीना मुकुटोन कोरता कोरतेला जो चिमटायतेलो नी.

फिलिप्पि 4:5

तुमरी नोरमाय आखा माणसोमा प्रगट होये. प्रभू साते छे.

2 तीमथी 2:5

उखाडामा लोळायने वावू अगर रिती अनसारे नी लोळाये ती मुकुट नी जोळे.

2 तीमथी 4:8

भविष्यमा मारेन कोरता धोरमोन होयो मुकुट मेक मेक्यो छे, जीनाक प्रभू जू धोरमी न्यायी छे मेसेक तीने दाहळे आपसे, एने मेसे ओतरु नि एने हीन आखा काजे बी हिंदरा प्रकट होयनेन काजे मोंगावू मानताला छे.

याकुब 1:12

सोयावू छे जू माणूस जू पारखमा वातळू रोयतलु छे, काहाकि चू छाचलीन निकवीन जीवनोन होयू मुकुट जोळ जासे जेरी वायदू परमेश्वर एने आपना मोंग कोरने वावा साते कोरलु छे.

याकुब 5:9

हे भाशो, एक दिसरा पोर दोष मा लागाळू, काहाकि तुमु गुणावा नि बोने; देखू नियाव कोरन्यू झोपला पोर उभू छे.

प्रकाशित वाक्य 1:3

सोयावा छे, जे इनी भविष्यवाणीन वचन काजे मानतला छे, एने चे जे सोमवतला छे एने इनाम लिखायली वातो काजे मानतला छे; काहाकि टेम साते छे.

प्रकाशित वाक्य 16:15

“देख, मे चुटा सारखू आवतेलु छे; सोयावू चू छे जू जागतू रोयतलु, एने आपना छिंदरा तपास कोरतेलु कि उगाडलु नी फिरे, कि माणसे हेरो उगेडला काजे नी देखे.”

प्रकाशित वाक्य 2:10

जे दुख तुसेक झेलणो पोळसे, तीनु काजे मा बिहे काहाकि देखू, भुतडू तुमरेमा गोथू काहनास काजे जेल खाणामा घालणेमा छे, काहाकि तुमु पारखाय जावू एने तुमु काजे दोस दाहळा तोक दुख झेलणो पोळसे जीव आपता तोक विश्वासी रोयजी, ती मे तुसेक जीवनोन मुकुट आपीस.

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 2:25

बाकीन होव, जो तुमरे जुव छे तीनाक मारे आवने तोक रुकीन मेकू.

प्रकाशित वाक्य 22:12

“देख, मे तेतारुत आवने वावू छे; एने होर एकोन कामोन अनसारे बोदलु आपनेन कोरता प्रतीफोव मारजुव छे.

प्रकाशित वाक्य 22:20

जू इना वातोन गोवायी आपतलु छे चू यो कोये, “होव, मे मामार आवने वावू छे.” आमेन. हे प्रभू येसु आव.

प्रकाशित वाक्य 22:7

“देख, मे मामार आवने वावू छे, सोयावा चे छे, जे इना किताबोन भविष्यवाणीन वाते मानतलु छे.”

प्रकाशित वाक्य 3:3

इनान कोरता फोम कोर कि तू कोसली शिक्षा हासील कोरलु छे एने सोमवलू होतु, एने तीनामा बोनीन रोय एने मोन फिराव कोदा माईन तू जागतू नी रोये ती मे चुटा सारखो आव लागीस, एने तू कोदि नी जान सोके कि मे कानले टेमे तारेनचा आव लागीस.

प्रकाशित वाक्य 4:10

तेत्यार चोवीस प्राचीन सिहासन पोर बोसने वावान ओगोव पोड जासे, एने चू जू कायम जीवतलु छे नोमोन कोरसे; एने चे आपना-आपना मुकुट सिहासनोन ओगोव यो कोयता जायीन मेक देसे,

प्रकाशित वाक्य 4:4

तीना सिहासनोन चारू धोळे चोवीस सिहासन छे; एने तिना सिहासन पोर चोवीस जूनला धोव्वा डोगला पेहेरला बोस रोया, एने तिंदरा मुंडका पोर सोनान मुकुट छे.