प्रकाशित वाक्य 3:10 - बारेली पावरी

¹⁰ तू मारा डीलोन वचन काजे उभराख रोयू, इनान कोरता मी बी तुसेक पारखोन तिने टेमे वाचाडीन राखीस, जू धोरतीन रोयने वावान पारखनेन कोरता आखा जोगो पोर आवने वावु छे.

प्रकाशित वाक्य 3:10 ပူးပေါင်းရင်းမြစ်များ

मत्ती 24:14

एने राज्यान जी वारली खोबर आखा जोगोमा प्रचार कोराये जासे कि आखा जाती पोर गोवायी होये, तेत्यार आखरी आव जासे.

मत्ती 26:41

जागता रोयू, एने प्रार्थना कोरता रोयू, कि तुमु परीक्षामा नी पोळे, आत्मा ते तीयार छे बाकीन डील कोमजुर छे.”

मत्ती 6:13

एने आमु काजे परीक्षामा मा लावे, बाकीन बुराईसी वाचाड; काहाकि राज एने पराक्रम एने महिमा हमेशा तारीत छे’ आमेन.”

मरकुस 14:9

मे तुमु काजे छाचलीन कोयो कि आखा जोगोमा जा का बी वारली खोबरोन प्रचार कोरायसे, चा तेरा इना कामोन वात बी तेरी फोममा कोरायसे.

लुका 2:1

तीनु दाहळामा औगुस्तुस केसरोनचा गोथी आग्या निकवी कि आखा जोगोन माणसोन नावे लिखाय जाय.

योहान 17:6

“मे तारो नाव तीना माणसो पोर प्रगट कोरलु छे जीनाक तू जोगोमा गोथू मेसेक आपलु छे चे तारा होता एने तू मेसेक आप्यू, एने चे तारा वचन काजे मान लेदला छे.”

रोमी 1:8

पेहेले मे तुमरे आखान कोरीन येसु मसिहन लारे आपना परमेश्वरोन धन्यवाद कोरो, काहाकि तुमरा भुरसान वाते आखा जोगोमा होयने बाज रोय.

1 कुरीन्थियो 10:13

तुमु ओसी काहनली परीक्षामा मा पोळू माणसोन सोहोन कोरनेन बारथे छे, परमेश्वर खोरलु छे, एने चू ताकतसी बारथे परीक्षामा नी पोळनो देय, बाकीन परीक्षामा सहन कोरणे बाहर बी आपसे.”

इफिसीयो 6:13

इनान कोरता परमेश्वरोन आखा हत्यार बांध लेवू कि तुमु काठला दाहळामा लोळाय सोकसू, एने आखो काहीन पुरो कोरीन बोनला रोय सोकू.

2 तीमथी 2:12

अगर आमु धीरोज धोरीन रोयता रोयजू ती तेरे साथे राज बी कोरसु अगर आमु तेरु इनकार कोरतेलू ती चू भी आमु इनकार कोरतू चू भी आमु इनकार कोरसे.

याकुब 3:12

हे मारा भाशो, काय गुलोरोन झाडोमा जयतुनोन आंगुरोन वेलामा गुलोर लाग सोकतला काय? तोसोच खोरला झोरा मा गोथो गुवो पाणी नि निकवी सोकतलो.

1 पतरस 4:12

हे मोंगावा, जो दुखोन आगठो तुमुक पारखने कोरता जी तुमरेमा भोळेकली छे इनासी यो सोमजीन नोवलायी मा कोरु कि कानली ओलोग घोटणा तुमरे पोर घोड रोयी.

2 पतरस 2:9

तीबी भक्त काजे पारोखमा गोथू वाचाड लेणे एने अधोरमी काजे नियावोन दाहळे तोक दोंडोन हालोतमा राखणे बी जानतलु छे.

प्रकाशित वाक्य 1:9

मे योहान, जू तुमरू भाश, एने येसुन दुख, एने राज, एने धीरोमा तुमरू सहभागी छे, परमेश्वरोन वचन एने येसुन गोवायीन वोजेसी पतमुस वावान टापू होतु.

प्रकाशित वाक्य 11:10

कोवीम रोयने वावा हिंदरे मोरनेसी खुशीमा एने मगन रोयसे, एने एक दिसरानचा भेट मूकलसे, काहाकि जे दुय भविष्य कोरणे वावा कोवीन रोयने वावानु काजे तोकलीत आपता होता.

प्रकाशित वाक्य 13:10

जीनाक बंदीमा पोळनो छे, चू बंदीमा पोळसे; जू तलवार सी मोरनो जुवे चू तलवार सी मोरसे. चुखला माणसोन धीरोज एने भुरसू इनामा छे.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 13:8

कोवीन चे आखा रोयने वावा, जिंदरे नावे तिना गाडरा काजे जीवनोन किताबमा लिखाय नी गोयो जू जोगोन पेहलेत टेमे घात होयलू छे, तिना चिल्लान पूजा कोरसे.

प्रकाशित वाक्य 14:12

चुखला माणसोन धीर इनाम छे, जो परमेश्वरोन आग्याणु काजे मानतला एने येसु पोर भुरसू कोरतेला छे.

प्रकाशित वाक्य 14:6

पोछु मे एक एने सोरग दूतो काजे वादवान इचमा उळतलो देख्यू, जेरे जुव कोवी पोर रोयने वावान होर एक जाती, एने पिढी एने भाषा, एने माणसो काजे सोमवाळनेन कोरता ओमोरकाईन वारली खोबर होतु.

प्रकाशित वाक्य 16:14

यो निशाणी देखणे वावा भुंडली आत्मा छे, यो आखो जोगोन राजान साथे निकवीन इनान कोरता जातलो छे कि तीनुक आखी ताकत वावु परमेश्वर तीना मोटला दाहळान लोळायीन कोरता एखठा कोरे.

प्रकाशित वाक्य 17:2

जेरे पुठी कोवीन राजा व्यभिचार कोऱ्या, एने कोवीम रोयने वावा तेरा व्यभिचारोन मोंदसी छाक गोयला होता.”

प्रकाशित वाक्य 17:8

जो जोनावर तू देखलू छे चू पेहेले ते होतु बाकीन हिमी नी होय, एने उंडा खाडामा गोथू निकवीन विनाशमा पोळसे; एने कोवीम रोयने वावा जिंदरो नाव जोगोन घोडनेन टेमे जीवनोन किताबमा लिखाय नी गोयो, तिना जोनावरोन जी दशा देखीन कि पेहेले होतु एने हिमी नी होय एने पोछु आव लागसे, नोवलाय कोरसे.”

प्रकाशित वाक्य 2:10

जे दुख तुसेक झेलणो पोळसे, तीनु काजे मा बिहे काहाकि देखू, भुतडू तुमरेमा गोथू काहनास काजे जेल खाणामा घालणेमा छे, काहाकि तुमु पारखाय जावू एने तुमु काजे दोस दाहळा तोक दुख झेलणो पोळसे जीव आपता तोक विश्वासी रोयजी, ती मे तुसेक जीवनोन मुकुट आपीस.

प्रकाशित वाक्य 3:8

मे तारा कामो काजे जानतलु छे देख, मे तारे सामने एक झोपलू उगाळलु छे, जीनाक कुदू बोंद नी कोर सोकतलो; तार ताकत इतरोकुत छे, ते बी तू मारा वचन काजे पावलु छे एने मारा कामोक मोना नी कोऱ्यु.”

प्रकाशित वाक्य 6:10

चे मोटला बुलोसी आयळीन कोया, “हे स्वामी, हे चुखला एने खोरला, तू कोत्यार तोक न्याय नी कोरे? एने धोरतीन रोयने वावासी आमरा लुयोन बोदलु कोत्यार तोक नि लेये?”

प्रकाशित वाक्य 8:13

जेतार मे पोछु देख्यू, ती सोरगोन इचमा एक घुवळ काजे उळतलु एने उचला बुलोसी यो कोयतलु सोमव्यू, “तीना तीन सोरग दूतोन फेपाऱ्यान बुलोन वोजेसी, जिंदरो फुकनो हिमी बाकी छे, कोवीन रोयने वावा पोर हाय, हाय, हाय.”