प्रकाशित वाक्य 3:1 - बारेली पावरी

¹ सर्दीसोन मंडव्यान दूतो काजे यो लिख, “जेरे जुव परमेश्वरोन सात आत्मा एने सात चांदण्या छे, चू यो कोये कि मे तारा कामो काजे जानतलु छे तू जीवतलु ते कोवायतलु छे, बाकीन मोरलु छे.”

प्रकाशित वाक्य 3:1 ပူးပေါင်းရင်းမြစ်များ

लुका 15:24

काहाकि मारू यु पुऱ्यु मोर गोयलु होतु, पोछु जीव गोयलु छे, खुवाय गोयलु होतु, हिमी जोळ गोयलु छे एने चे खुशी कोरणे बाज गोया.

लुका 15:32

बाकीन हीमी खुशी कोरणे एने मुजा कोरनु जुवे काहाकि यु तारू भाश मोर गोयलु होतु, पोछु जीवतु होय गोयू; खुवाय गोयलु होतु, हिमी जोळ गोयलु छे.

योहान 1:16

काहाकि तेरी पूर्णता मा गोथू आमु आखा ली लेदला छे मतलब आशिष पोर आशिष.

योहान 1:33

मे ते तीनाक उवोखतू नि होतु, बाकीन जू मेसेक पाणीसी बाप्तिस्मा आपने मूकल्यु, चू मेसेक कोयू, जीना पोर तू आत्मा काजे उतरतेलु एने उभ रोयतलु देख्यू, चू पवित्र आत्मासी बाप्तिस्मा आपनेवावू छे.

योहान 20:22

यो कोयीन चू तिंदरे पोर फुक्यू एने तीनु काजे कोयू, “पवित्र आत्मा लेवू.

योहान 3:34

काहाकि जीनाक परमेश्वर मूकललु छे, चू परमेश्वरोन वाते कोयतेलु काहाकि चू आत्मा माप-मापीन नि आपतलु.

प्रेषित 2:33

इना रितीसी परमेश्वरोन जेवळे हातोसी आखान मोटो पोद एने बासोनचा गोथो पवित्र आत्मा लीन जेरो वायदू कोरलो होतो चू उतार देदू चू तुमु देख रोया एने सोमवी रोया.

इफिसीयो 2:1

चू तुमु काजे बी जीवाळ्यु, जे आपना गुणा एने पापोन कोरता मोरला होता.

इफिसीयो 2:5

जेतार आपनु गुणान वजेसी मोरला होता ती आपनुक मसिह साते जीवाळ्यु (मोंगसी तुमरो छुटकारू होयलो छे).

कुलुस्सि 2:13

चू तुमु काजे जे आपना पापे एने आपना डीलोन बिना सुंतान दशामा मोरला होता, परमेश्वर तीनु पुठी जीवाळ्यो एने आपना आखा पापो काजे माफ कोऱ्यु,

1 तीमथी 5:6

पुन जी सुखोमा पोड गोयी, ची जीवतलीत मोर गोयी.

याकुब 2:26

आखरी जोसो डील आत्मा बिगर मोरली छे, तोसो भुरसू कामो बिगुर मोरलु छे.

1 पतरस 1:11

हीनु काजे इना वातोन हेर कोऱ्या कि मसिहन आत्मा जी तिंदरेमा होती, एने पहेले गोथो मसिहन दुखोंचा तेरेन ओवते होयने वावी महिमान गोवायी आपतू होतु, चू कानला एने काहना टेमोन इशारू कोरलु होतु.

यहुदा 1:12

जे तुमरी मोंगोन सभामा तुमरे पुठी खातला-पितला, दोरीयामा डूकायला दोगळा सारखा छे, एने बेधडक आपनोत पेट भोरनेवावा राखवाव्या छे; चे बिना पाणीवावा वादवो छे, जीनुक वाहवो उळाव ली जातलो छे; पांटा गोवनेन बिना फोवोन झाड छे, जे दुय कावार मोर गोयला छे, एने मुवोम गोथा उखवी गोयला छे;.

प्रकाशित वाक्य 1:11

“जो काय तू देखतलु छे तीना किताबमा लिखीन सात मंडव्या काजे मुकली दे, मतलब इफिस, स्मुरना, पीरगमून, थुआतीरा, एने सर्दीस, एने फिलादिलफिया, एने लौदीकिया काजे.”

प्रकाशित वाक्य 1:16

चू तेरे जेवळ्या हातमा सात चांदण्या लेदू, एने तेरो मुयोसी दुयधारी तलवार निकवती होती, तेरो मूय ओसो तेजोमोय होतु, जोसू दाहळू ज्यादा तोपोन टेमे चोमोकतो होतो.

प्रकाशित वाक्य 1:20

मतलब तीना सात चांदण्यान भेद जीनाक तू मारा जेवळ्या हातोमा देखलू होतु, एने तीनु सात सोना वावान दिवठान भेद, चे सात चांदण्या सात मंडव्यान दूते छे, एने चे सात दिवठा सात मंडव्या छे.

प्रकाशित वाक्य 1:4

योहान जू गोथो आसियान सात मंडव्यान नाव, तेरेनचा गोथु दया एने शांती जुळे, जू छे एने जू होतो एने जू आवने वावू छे; एने तीनु सात आत्मा जुव गोथो जो हेरा सिहासनोन ओगोव छे,

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 2:19

मे तारा कामे, तारू मोंग एने भुरसू एने सेवा एने धीर, जानतलु छे, एने यो बी कि तारा पोछला कामे पेहेले गोथा बोढीन छे.”

प्रकाशित वाक्य 2:2

मे तारो काम, एने तारी मेहनत, एने तारा धीरो काजे जानतलु छे एने जो भी कि तू भुंडला माणसो काजे देख नी सोकतलु, एने जे आपना खुदो काजे प्रेषितोन कोयतेला छे, एने नी होय, तीनुक तू पारखीन झुटू देख्यू.

प्रकाशित वाक्य 2:9

‘मे तारा दुख एने गोरीबी काजे जानतलु छे (बाकीन तू धोन वावू छे,) एने जे माणसे आपना खुदो काजे यहुदि कोयतेला छे एने होय नी, बाकीन भुतडान मीटिंग छे, तिंदरे बुराई काजे बी जानतलु छे.’”

प्रकाशित वाक्य 3:15

मे तारा कामो काजे जानतलु छे कि तू ते सेवू छे एने नी तातलु, भोलो होयतो कि तू सेवू नीती तातलु रोयतू.”

प्रकाशित वाक्य 3:2

जागतू होय, एने तीनु चीजो काजे जे बाकी रोय गोयला छे एने जे नाश होयने पोर छे, तीनु काजे पाका कोर; काहाकि मे तारेन कोरता, तारा कानला कामो काजे मारा परमेश्वरोन साते पुरो नी देख्यू.

प्रकाशित वाक्य 3:8

मे तारा कामो काजे जानतलु छे देख, मे तारे सामने एक झोपलू उगाळलु छे, जीनाक कुदू बोंद नी कोर सोकतलो; तार ताकत इतरोकुत छे, ते बी तू मारा वचन काजे पावलु छे एने मारा कामोक मोना नी कोऱ्यु.”

प्रकाशित वाक्य 4:5

तिना सिहासन मा गोथा विजव्या एने मोटलु ओवाज निकवतला छे एने सिहासनोन सामने आगठान सात दिवा धोप रोया, चे परमेश्वरोन सात आत्मा छे,

प्रकाशित वाक्य 5:6

तेत्यार मे तिना सिहासन एने चार जोनावरे एने तीनु पुढाऱ्यान इचमा, जोसो एक खुन कोरलु गाडरो उबरोयलु देख्यू. तेरा सात शिंगडा एने सात डूवा होता; जे परमेश्वरोन सात आत्मा छे जे आखी कोवी पोर मुकली रोया.