प्रकाशित वाक्य 22:9 - बारेली पावरी

⁹ बाकीन चू मेसे काजे कोयू, “देख, ओसू मा कोरे; काहाकि मे तारा, एने तारा भाशोन भविष्य कोरता, एने इना किताबोन वातोन मानने वावान साते दास छे परमेश्वर काजे नोमोन कोर.”

प्रकाशित वाक्य 22:9 ပူးပေါင်းရင်းမြစ်များ

मत्ती 4:9

तीना काजे कोयू, “कोदि तू वाकु वोवीन मेसे काजे नोमोन कोरे, ती मे यो आखो काय तुसेक आपदिस.”

लुका 4:7

इनान कोरता हिमी तू मेसेक नोमोन कोरे, ती यो आखो तारो होय जासे.”

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

प्रकाशित वाक्य 1:1

येसु मसिहन प्रकाशित वाक्य, जो योहान काजे परमेश्वर इनान कोरता आप्यू कि आपना दास काजे चे वाते, जेरु तेत्यारुत होयनो जोरुरी छे, देखाळ्यू; एने चू आपना सोरग दूत काजे मुकलीन तेरे लारे आपनु दास योहान काजे कोयू,

प्रकाशित वाक्य 1:11

“जो काय तू देखतलु छे तीना किताबमा लिखीन सात मंडव्या काजे मुकली दे, मतलब इफिस, स्मुरना, पीरगमून, थुआतीरा, एने सर्दीस, एने फिलादिलफिया, एने लौदीकिया काजे.”

प्रकाशित वाक्य 14:7

चू मोटला बुलोसी कोयू, “परमेश्वर सी बिहू, एने तेरी महिमा कोरु, काहाकि तेरु नाश कोरणेन टेम आव लागली छे; एने तेरु भजन कोरु, जू सोरग एने धोरती एने दोरीयान एने पाणीन झोरे बोनाव्यू.”

प्रकाशित वाक्य 15:4

हे प्रभू, कून तुसे काजे नि बिहे एने तारा नावोन महिमा नि कोर? काहाकि निस्तु तूत चुखलु छे आखा जात्या उठीन तेरे ओगोव नोमोन कोरसे, काहाकि तारा नियावोन काम आव लागलो छे.

प्रकाशित वाक्य 19:10

तेत्यार मे हिनाक नोमोन कोरणेन कोरता तेरा पायो पोर पोड गोयू चू मेसे काजे कोयू, “देख, ओसू मा कोरे, मे तारो एने तारा भाशो साते वावू दास छे जू येसुन गोवायी देणेपोर पाकु छे परमेश्वर काजे नोमोन कोर; काहाकि येसुन गोवायी भविष्यवाणीन आत्मा छे.”

प्रकाशित वाक्य 22:10

पोछु चू मेसे काजे कोयू, “इना किताबोन भविष्यवाणीन वातो काजे बोंद मा कोरे; काहाकि टेम साते छे.

प्रकाशित वाक्य 22:18

मे होर एक काजे, जो हीना किताबोन भविष्यवाणीन वाते सोमवाळतलो छे, गोवायी आपो, कोदि काहनुस माणूस इनी वातोमा काहीन वाते बोढावे ती परमेश्वर तिना पिळा काजे, जी इना किताबमा लिखली छे, तीना पोर बोढावसे.

प्रकाशित वाक्य 22:7

“देख, मे मामार आवने वावू छे, सोयावा चे छे, जे इना किताबोन भविष्यवाणीन वाते मानतलु छे.”

प्रकाशित वाक्य 4:10

तेत्यार चोवीस प्राचीन सिहासन पोर बोसने वावान ओगोव पोड जासे, एने चू जू कायम जीवतलु छे नोमोन कोरसे; एने चे आपना-आपना मुकुट सिहासनोन ओगोव यो कोयता जायीन मेक देसे,

प्रकाशित वाक्य 9:20

बाकी माणसे जे तिना महामारीसी नि मोऱ्या, आपना हातोन कामोसी मोन नि फिराव्या, कि भुंडली आत्मान, एने सोनो एने चांदी एने पितोव एने दोगळान एने काठोन मूर्तीन पूजा नी कोरे यो नी देखे, नी सोमवे, नी चाल सोकतली छे.