प्रकाशित वाक्य 22:18 - बारेली पावरी

¹⁸ मे होर एक काजे, जो हीना किताबोन भविष्यवाणीन वाते सोमवाळतलो छे, गोवायी आपो, कोदि काहनुस माणूस इनी वातोमा काहीन वाते बोढावे ती परमेश्वर तिना पिळा काजे, जी इना किताबमा लिखली छे, तीना पोर बोढावसे.

प्रकाशित वाक्य 22:18 ပူးပေါင်းရင်းမြစ်များ

मत्ती 15:13

चू जोवाब आप्यू, “बाकीन झाड जो मारा सोरगो मायलु बास नी लागाळयु, उखाडणेमा आवसे.”

इफिसीयो 4:17

इनान कोरता यो कोयो कि एने प्रभूमा विनता कोरो कि जोसा दिसरा जातीन माणसे आपना मोनोन दिसरा रिती पोर चालतला तुमु आखा हिमी गोथा ओसा मा चालु.

1 थिस्सलुनीकियो 4:6

इना वातोमा कुदू आपना भाश काजे नि ठोगे, एने नि तीना पोर दोगु चालाळे, काहाकि प्रभू इनी आखा वातोन बदलू लेणे वावु छे; जोसो कि आमु पेहेले तुमु काजे कोयला एने जोताळला भी होता.

प्रकाशित वाक्य 1:3

सोयावा छे, जे इनी भविष्यवाणीन वचन काजे मानतला छे, एने चे जे सोमवतला छे एने इनाम लिखायली वातो काजे मानतला छे; काहाकि टेम साते छे.

प्रकाशित वाक्य 15:1

पोछु मे सोरगोमा एक एने मोटू एने नेवलायन निशाणी देख्यू, मतलब सात सोरग दूत जिंदरे जुव सात आखरी तोकलीत होता, काहाकि तिंदरो सोर जाणेसी परमेश्वरोन रीसोन आखरी छे.

प्रकाशित वाक्य 15:6

एने चे सात सोरग दूत जिंदरे साते सात तोकलीत होता, मलमल पोर सोनान पट्या बांधीन मंदीरमा गोथा निकव्या.

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 20:10

तीनुक भूलवावने वावु भुतडू आखठो एने गंधकोण तिना झीलमा, जिनामा चू जोनावर एने झुटू भविष्य कोरणे वावू बी होसे, घालाय जासे; एने चे रात दाहळू कायम पिढामा तोडपता रोयसे.

प्रकाशित वाक्य 20:15

एने जेरो कुदान नाव जीवनोन किताबमा लिखायलो नि जोळ्यो, चू आगठान झीलमा घालाय गोयू.

प्रकाशित वाक्य 22:10

पोछु चू मेसे काजे कोयू, “इना किताबोन भविष्यवाणीन वातो काजे बोंद मा कोरे; काहाकि टेम साते छे.

प्रकाशित वाक्य 22:16

“मेसेक येसु तेरा सोरग दूतो काजे इनान कोरता मूकल्यु कि तुमरे ओगोव मंडव्यान बारामा इनी वातोन गोवायी आपे मे दाऊदन मुव एने पिढी, एने सोंदारेन चोमोकने वावी चांदणी छे.”

प्रकाशित वाक्य 22:7

“देख, मे मामार आवने वावू छे, सोयावा चे छे, जे इना किताबोन भविष्यवाणीन वाते मानतलु छे.”

प्रकाशित वाक्य 22:9

बाकीन चू मेसे काजे कोयू, “देख, ओसू मा कोरे; काहाकि मे तारा, एने तारा भाशोन भविष्य कोरता, एने इना किताबोन वातोन मानने वावान साते दास छे परमेश्वर काजे नोमोन कोर.”

प्रकाशित वाक्य 3:14

लौदीकियान मंडव्यान दूतो काजे यो लिख, “जो आमेन एने भुरसान लायक एने खोरलो गोवा छे, एने परमेश्वरोन कोवीन खास वोजा छे, चू यो कोये कि