प्रकाशित वाक्य 22:17 - बारेली पावरी

¹⁷ आत्मा एने लाडी दुयो कोयतेली छे, “आव” एने सोमवने वावू बी कोये, “आव” जू तीसलु छे चू आवे, एने जीनाक कुदा काजे जुवे चू जीवनोन पाणी सेंतमेंत ले.

प्रकाशित वाक्य 22:17 ပူးပေါင်းရင်းမြစ်များ

योहान 1:37

तेत्यार चे दुयू चेला तेरो यो सोमवीन येसु पोछोव जात रोया.

योहान 4:10

येसु जोवाब आप्यू, “ओगर तू परमेश्वरोन वरदान काजे उवखती, एने यो बी जानती कि चू कून छे, जू तुसेक कोयने बाज रोयु, मेसेक पाणी पाव, ती तू तीना जूव मागती एने चू तुसेक जीवनोन पाणी आपतू.”

योहान 4:11

बायर येसु काजे कोयी, “हे प्रभू, तार जुव ते पाणी भोरणे बालटी नि होय, एने कुवू उंडूत छे; ती चो जीवनोन पाणी तार जुवू का गोथो आव्यो?

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

योहान 4:29

“आवू, एक माणूस काजे देखू, जू आखो काहीन जो मे कोरली मेसेक कोय देदू कांखुर मायीन यु ते मसिह नि होय?”

योहान 7:37

तीहीवारोन आखरी दाहळे, जू खास दाहळू छे, येसु उभू रोयू एने आयळीन कोयू, “कोदि कुदू तीसलो होसे ती मारेंचा आवे एने पिये.

रोमी 3:24

बाकीन तेरे दयासी तिना छुटकारान लारे जू येसु मसिहमा छे तेरे पुठी चू धोरमी ठेराय जातलू.

1 कुरीन्थियो 2:12

बाकीन आमु जोगोन आत्मा नी, बाकीन ची आत्मा ली लेदला छे जी परमेश्वर भूनी गोथी छे कि आमु तिनी वातो काजे जानजे, जू परमेश्वर आमुक आपलु छे.

प्रकाशित वाक्य 14:13

पोछु मे सोरगोमा गोथू यो बुल सोमव्यू, “लिख, जे मोरला प्रभूमा मोरतला छे चे हिमी गोथा सोयावा छे” आत्मा कोये, “होव, काहाकि चे आपना आखा मेहनतसी आराम कोरसे, तिंदरा कामे हिंदरे साते जात रोयतला छे.”

प्रकाशित वाक्य 2:7

जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, मे तीनु काजे तिना जीवनोन झाडोमा गोथू जो परमेश्वरोन सोरगो लोकमा छे, फोव खाणेन कोरीन आपीस.

प्रकाशित वाक्य 21:2

पोछु मे चुखला गाव नोवलो यरुशलेम काजे सोरगसी परमेश्वरोनचा गोथो उतरतेलो देख्यू, चो हिनी लाडीन तोसो होतो जी आपना पाहणान कोरता सिंगार कोरली होसे.

प्रकाशित वाक्य 21:6

पोछु चू मेसे काजे कोयू, “जे वाते पुरा होय गोयला छे मे सूरवात एने आखरी पेहेलु एने शेवटलु छे, मे तीसला काजे जीवनोन पाणीन झोरोमा गोथू सेंतमेंत पिवाडीस.

प्रकाशित वाक्य 21:9

ओवतेन जीनु सात सोरग दूतो जुव सात आखरी पिळा सी भोरलो सात वाटका होता, तीनामा गोथो एक मारेंचा आव्यु, एने मारे पुठी वाते कोरीन कोयू, “उरू आव, मे तुसेक लाडी मतलब गाडरान लाडी देखाळीस.”

प्रकाशित वाक्य 22:1

एने चू मेसेक बिल्लौर सारखो झोलोगतलो, जीवनोन पाणीन नोदी देखाळ्यू, जो परमेश्वर एने गाडरान सिहासनसी निकवीन.

प्रकाशित वाक्य 22:16

“मेसेक येसु तेरा सोरग दूतो काजे इनान कोरता मूकल्यु कि तुमरे ओगोव मंडव्यान बारामा इनी वातोन गोवायी आपे मे दाऊदन मुव एने पिढी, एने सोंदारेन चोमोकने वावी चांदणी छे.”

प्रकाशित वाक्य 7:17

काहाकि गाडरु जू सिहासनोन इचमा छे तिंदरी राखवावी कोरसे, एने तीनुक जीवन रुपी पाणीन झोरोनचा लीजासे; एने परमेश्वर तिंदरा डूवासी आखा आसवा नूछ लेसे.