प्रकाशित वाक्य 21:8 - बारेली पावरी

⁸ बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 21:8 ပူးပေါင်းရင်းမြစ်များ

मत्ती 10:28

जो डीलो काजे नाश कोर सोकतेला, बाकीन आत्मा काजे नाश नि कोर सोकतेलां, तिना काजे मा बिहू; बाकीन तिना काजे बिहू, जू आत्मा एने डील दुयू काजे नोरोगमा नाश कोर सकतेलू छे.

मत्ती 25:25

“इनान कोरता मे बिह गोयू एने जायीन तारा तुळा धोरतीमा डुकाळ देदू, देख जो तारो छे, चो यो छे.”

मत्ती 8:26

चू तीनु काजे कोयू, “हे कोम भुरस्या, काहा बिहीतेला?” तेत्यार चू उठीन आंजी एने पाणी काजे धोमकाव्यू, एने आखो हुगरोय गोयो.

मरकुस 9:44

जा तिंदरा कीळा नि मोरतेला एने आगठो नि उलवायतेलो.

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

2 थिस्सलुनीकियो 2:9

तिना अधोरमीन आवनो भुतडान कामोन अनसारे आखा रितीसी झुटी ताकत एने निशाणी एने नेवलायन कामो साते,

1 तीमथी 4:2

यो इनू झुटा माणसोन घोमंडोन वजेसी होयसे जेरु ग्यान जसो धोपतला आगठामा लुहळे कोरीन डामाय गोयलु छे.

तीतुस 1:16

चे कोयतेला कि आमु परमेश्वर काजे उवेखतला, बाकीन आपना कामोसी तेरु नकार कोरे काहाकि सिगी एने आग्या नि मानने वावा छे, एने कानलात वारला कामोन लायक भी नि होय.

इब्रानियो 12:24

एने नोवला वायदान अगवू येसुन एने छिळकनेन तिना लुयोनचा जो हाबिलोन लुयोन नियाव कोरन्यू परमेश्वर एने तीयार कोरला धोरमीन आत्मान ओगोव.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.

1 योहान 2:22

झूट कून छे? निसतू होयू जू येसुन मसिह होयनेन मोना कोरतेलु छे; एने मसिहक रुकने वावु होयू छे, जू बासोन एने पुऱ्यान इनकार कोरतेलु छे.

1 योहान 3:15

जू कुदू आपना भाशो पुठी दुष्मोनी कोरतेलू, चू हत्यारु छे, एने तुमु जानतेला छे कि काहना हत्यारमा ओमोर जीवन नी रोयतलु.

1 योहान 5:10

जे परमेश्वरोन पुऱ्या पोर भुरसू कोरे चु आपनेमा गोवायी राखतला, जे परमेश्वर पोर भुरसू नि कोऱ्या तीनुक चू झुटू ठेरावलू छे काहाकि चे तिनी गोवायी पोर भुरसू नि कोऱ्या जो परमेश्वर तेरा पुऱ्यान बारामा गोवायी आपलु से.

प्रकाशित वाक्य 14:10

चू परमेश्वरोन रीसोन आंगुरोन रोस, जो तेरा वाटकामा घालाय गोयलो छे, पिसे एने चुखला सोरग दूतोन सामने एने गाडरान सामने आगठो एने गंधकोण वेलामा पोळसे.”

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 2:11

जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, तीनु काजे दुसरी मोरोनसी नुकसान नी होये.

प्रकाशित वाक्य 2:2

मे तारो काम, एने तारी मेहनत, एने तारा धीरो काजे जानतलु छे एने जो भी कि तू भुंडला माणसो काजे देख नी सोकतलु, एने जे आपना खुदो काजे प्रेषितोन कोयतेला छे, एने नी होय, तीनुक तू पारखीन झुटू देख्यू.

प्रकाशित वाक्य 21:27

बाकीन हेरेमा कुदू विटोव चीजे, नीती भुंडला काम कोरणे वावा, नीती झुटान गाळने वावू काहना रितीसी जाय नि सोके, बाकीन निस्ता चे माणसे जिंदरा नावे गाडरान जीवनोन किताबमा लिखला छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.

प्रकाशित वाक्य 9:17

मेसेक इना दर्शन मा घुल्ला एने तेर पोरला ओसा बोसला देखाया जिंदरा झीलमे आगठो एने धुको, एने गोंधकोन तोसो होतो, एने तिना घुल्लान मुंडका सिह न मुंडकान तोसा होता; एने तिंदरा मुयोसी आगठो, धुवाळू एने गोंधोक निकवतो होतो.

प्रकाशित वाक्य 9:21

एने जोखून, एने कुहराय एने भुंडला विचार, एने चुरी चे कोरला होता, तीनामा गोथा मोन नि फिराव्या.