प्रकाशित वाक्य 21:3 - बारेली पावरी

³ पोछु मे सिहासन मा गोथू काहनास काजे उचला बुलोसी यो कोयतेलू सोमव्यू, “देख, परमेश्वरोन डेरू माणसोन इचमा छे चू हिंदरे साते डेरू कोरसे, एने चे हीना माणसे होयसे, एने परमेश्वर खुद हिंदरे साते रोयसे एने तिंदरू परमेश्वर होयसे.

प्रकाशित वाक्य 21:3 ပူးပေါင်းရင်းမြစ်များ

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 14:23

येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”

2 कुरीन्थियो 6:16

एने मुर्त्यान साते परमेश्वरोन मंदीरोन काय रीसतो? काहाकि आमु ते जीवतला परमेश्वरोन मंदीर छे; जोसू परमेश्वर कोयलु छे, “मे तिंदरेमा बोसीस एने तिंदरेमा चाल्या फिऱ्या कोरिस; एने मे हेरु परमेश्वर होयीस, एने चे मारा माणसे होयसे.”

2 कुरीन्थियो 6:18

एने मे तुमरू बास होयीस, एने तुमु मारा पुऱ्या एने पुरायटा होयसू यो आखा गोथू ताकत वावू प्रभू परमेश्वरोन वचन छे.”

1 थिस्सलुनीकियो 3:11

हिमी आमरा परमेश्वर एने बास खुदू एने आमरू प्रभू येसु, तुमरेनचा आवनेमा अगवाई कोरे;

इब्रानियो 11:16

बाकीन चे एक वरदान मतलब सोरगोन परमेश्वरोन लालच छे, इनान कोरता परमेश्वर तिंदरू परमेश्वर कोवायनेन नी लाजवायतू काहाकि चू तिंदरेन कोरता एक देस तीयार कोरलु छे.

इब्रानियो 8:10

एने प्रभू कोये तीनु वायदा बाद इस्राईलोन घोराना साते मे जी वाचा बांधीस ची जी छे; मे मारी शास्त्रनियम काजे तिंदरा मोनोमा नाखीस, एने तीनु काजे तिंदरे मोनोपोर लिखीस एने मे तिंदरू परमेश्वर होयीस, एने चे मारा माणसे होयसे.

इब्रानियो 8:2

चू तीना परमेश्वरोन घोर एने खोरला तंबून सेवक बोन्यू जीना काजे माणसे नी बाकीन प्रभू उबराख मेक्यू.

प्रकाशित वाक्य 10:4

जेतार सात आयळनेन बुले सोमवाय गोया, ती मी लिखने पोर होतु बाकीन मी सोरगोमा गोथू यो बुल सोमव्यू, “जी वात आयळनेन तिना सात बुलोसी सोमव्यू तीनुक एखलामा राख, एने मा लिखे.”

प्रकाशित वाक्य 10:8

जिना बुल काजे मे सोरगोमा गोथू बुलतेलू सोमवलू होतु, चू पोछु मारे साते वाते कोरणे बाज गोयू, “जा, जू सोरग दूत दोरीया एने कोवी पोर उबरोय रोयू, तिंदरा हातोम वावी किताब लीले.”

प्रकाशित वाक्य 12:10

एने मे सोरगमा गोथू यु मोटलु बुल आवतेलु सोमव्यू, “हिमी आमरू परमेश्वरोन छुटकारू एने ताकत एने राज एने तेरा मसिहन होक प्रगट होयलो छे, काहाकि आमरा भाशो पोर गुणू लागाळने वावू यु रात दाहळू आमरा परमेश्वर ओगोव तिंदरे पोर गुणू लागाळ्या कोरतू होतु, पाळाय गोयलु छे.”

प्रकाशित वाक्य 21:7

जू जय हासील कोरलु चू इना चीजोन वारीस होयसे, एने मे तेरु परमेश्वर होयीस एने चू मारू पुऱ्यु होयसे.”

प्रकाशित वाक्य 22:3

पोछु श्राप नी होये, एने परमेश्वरोन एने गाडरान सिहासन तिना गावमा रोयसे एने हेरा दास हेरी सेवा कोरसे.

प्रकाशित वाक्य 7:15

इनान वोजेसी चे परमेश्वरोन सिहासनोन ओगोव छे, एने तेरा मंदीरमा रात-दाहळू तेरी सेवा कोरतेला छे, एने जू सिहासन पोर बोसलु छे, चू हिंदरे उपोर आपनु तोंबू बांधसे.