प्रकाशित वाक्य 21:2 - बारेली पावरी

² पोछु मे चुखला गाव नोवलो यरुशलेम काजे सोरगसी परमेश्वरोनचा गोथो उतरतेलो देख्यू, चो हिनी लाडीन तोसो होतो जी आपना पाहणान कोरता सिंगार कोरली होसे.

प्रकाशित वाक्य 21:2 ပူးပေါင်းရင်းမြစ်များ

योहान 3:29

जेरी लाडी छे; चू लाडू छे बाकीन लाडान दुस्तीदार जू उभरोयीन तेरी सोमवतलु, लाडान बुलोसी घोनु खुश होयतलु; हिमी मारी जी खुशी पुरी होयली छे.

2 कुरीन्थियो 11:2

काहाकि मे तुमरा बारामा परमेश्वरोन आवाजोन आस लागाळतलु, इनान कोरता मे एकुत ओदमी पुठी तुमरी जूळावनी कोरतेलू तुमु चुखला कुवारी सारखा मसिह काजे सोप देवू.

इब्रानियो 11:10

चू तिनी पायु घालला देसोन वाट जुव रोयू होतु जीना काजे बोनावने वावू परमेश्वर छे.

इब्रानियो 11:16

बाकीन चे एक वरदान मतलब सोरगोन परमेश्वरोन लालच छे, इनान कोरता परमेश्वर तिंदरू परमेश्वर कोवायनेन नी लाजवायतू काहाकि चू तिंदरेन कोरता एक देस तीयार कोरलु छे.

इब्रानियो 12:22

बाकीन तुमरे साते सियोन बोयळानचा जीवतला परमेश्वरोन सोहोर सोरगोन यरुशलेमोन धोळे एने लाखो सोरोग दूत लिखलो छे एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

इब्रानियो 13:14

काहाकि न्या आपनो काहीन स्थाइक देस नी होय बाकीन आपु तिना देसोन हेरमा छे, जो आपने वावो छे.

प्रकाशित वाक्य 1:1

येसु मसिहन प्रकाशित वाक्य, जो योहान काजे परमेश्वर इनान कोरता आप्यू कि आपना दास काजे चे वाते, जेरु तेत्यारुत होयनो जोरुरी छे, देखाळ्यू; एने चू आपना सोरग दूत काजे मुकलीन तेरे लारे आपनु दास योहान काजे कोयू,

प्रकाशित वाक्य 1:4

योहान जू गोथो आसियान सात मंडव्यान नाव, तेरेनचा गोथु दया एने शांती जुळे, जू छे एने जू होतो एने जू आवने वावू छे; एने तीनु सात आत्मा जुव गोथो जो हेरा सिहासनोन ओगोव छे,

प्रकाशित वाक्य 1:9

मे योहान, जू तुमरू भाश, एने येसुन दुख, एने राज, एने धीरोमा तुमरू सहभागी छे, परमेश्वरोन वचन एने येसुन गोवायीन वोजेसी पतमुस वावान टापू होतु.

प्रकाशित वाक्य 11:2

बाकीन मंदीरोन बारथेलो आंगनो छुळ दे; तीनाक मा मापे काहाकि चो दिसरा जाती काजे आपाय गोयलो छे, एने चुखला गाव काजे बेचाळीस मोहना तोक रोंदवसे.

प्रकाशित वाक्य 21:10

तेत्यार चू मेसेक आत्मामा एक मोटला एने उचला बोयडा पोर लीगोयू, एने चुखला यरुशलेम गाव काजे सोरगोसी परमेश्वरोनचा गोथू उतरतेलु देखाळ्यू.

प्रकाशित वाक्य 21:9

ओवतेन जीनु सात सोरग दूतो जुव सात आखरी पिळा सी भोरलो सात वाटका होता, तीनामा गोथो एक मारेंचा आव्यु, एने मारे पुठी वाते कोरीन कोयू, “उरू आव, मे तुसेक लाडी मतलब गाडरान लाडी देखाळीस.”

प्रकाशित वाक्य 22:17

आत्मा एने लाडी दुयो कोयतेली छे, “आव” एने सोमवने वावू बी कोये, “आव” जू तीसलु छे चू आवे, एने जीनाक कुदा काजे जुवे चू जीवनोन पाणी सेंतमेंत ले.

प्रकाशित वाक्य 22:19

कोदि कुदू इना भविष्यवाणी किताबोन वाते मा गोथू काहीन निकाव नाखे, ती परमेश्वर तिना जीवनोन झाड एने चुखला गावोमा गोथू, जेरो वर्णन इना किताबमा छे तेरु वाटू निकाव देसे.

प्रकाशित वाक्य 3:12

“जो जय हासील कोरे हीनाक मे मारा परमेश्वरोन मंदीरमा एक खांबु बोनावीस, एने पोछु कोबी बारथे नी निकवे; एने मे मारा परमेश्वरोन नाव एने मारा परमेश्वरोन नोगोर मतलब नोवलो यरुशलेमोन नाव, जो मारा परमेश्वर जू गोथो सोरग गोथो उतरणे वावो छे एने मारो नोवलो नाव तिना पोर लिखीस.