प्रकाशित वाक्य 21:14 - बारेली पावरी

¹⁴ गावोन शोरोनफनाहोन बारा निवे होता, एने तिना पोर गाडरान बारा प्रेषितोन बारा नाव लिखला होता.

प्रकाशित वाक्य 21:14 ပူးပေါင်းရင်းမြစ်များ

मत्ती 16:18

एने मे बी तुसेक कोयो कि तू पतरस छे, एने इना दोगळा पोर आपनी मंडवी बांधीस, एने अधोलोकोन झोपला तेरे पोर हावी नि होये.

प्रेषित 1:26

तेत्यार चे तिंदरे बारामा चीठ्या नाख्या, एने मतीयाह नावोन निकवी आखरी चू तीनु ग्यारा प्रेषितोन साते गीनाय गोयू.

गलातियों 2:9

एने जेतार चे इना दयासी जो मेसेक जोळलो होतो, सोमजी गोयू, ती याकुब एने कैफा, एने योहान जे मंडवीन खांबा सोमजता होता, मेसेक एने बरनाबास काजे संगतीन जेवळ्या हात मेवाळयु कि आमु दिसरा जातीन माणसोमा जाय, एने चे सुंता कोरलानचा;

इफिसीयो 2:20

एने प्रेषितोन एने भविष्य कोरतान पायो पोर जिनान कुपरान दोगळू येसु मसिह खुद छे, बोनाव गोयलो छे.

इफिसीयो 3:5

जो ओलोग टेमे माणसोन पुऱ्या काजे ओसो नी देखाळलो होतो जोसो कि आत्मान लारे हिमी तेरा चुखला प्रेषितोन एने भविष्य कोरता पोर प्रगट कोराय गोयो.

इफिसीयो 4:11

चू कुदा काजे प्रेषित नेवाळीन, एने काहनास काजे भविष्य कोरता नेवाळ्या एने वारली खोबर सोमवाळनेवावा नेवाळीन एने काहनास काजे राखवावी कोरने वावा एने प्रचारक नेवाळीन आप देदु.

इब्रानियो 11:10

चू तिनी पायु घालला देसोन वाट जुव रोयू होतु जीना काजे बोनावने वावू परमेश्वर छे.

यहुदा 1:17

बाकीन हे मोंगावा, तुमु हिनी वातोन फोम राखू जू आमरू प्रभू येसु मसिहन प्रेषितोन पेहेले कोय देदला छे.

प्रकाशित वाक्य 18:20

“हे सोरग, एने चुखला माणसे, एने प्रेषितोन, एने भविष्य कोरता, तिना पोर खुशी कोरु, काहाकि परमेश्वर नियाव कोरीन तिनी जुव गोथू यु बोदलू लेदलु छे.”

प्रकाशित वाक्य 21:13

पूर्व भूनी गोथा तीन फाटक, उत्तर भूनी तीन फाटक, दक्षिण भूनी तीन फाटक, एने बुडेवना भूनी तीन झोपला होता.