6 सोयावा एने चुखला चे छे, जे एरेन पेहेले पोछो जीव उठनेन भागीदार छे ओसलापोर दुसरा मोरोनोन कायबी होक नी होय, बाकीन परमेश्वर एने मसिहन पुजारू होयसे एने तिंदरे साते होजार साल तोक राज कोरसे.
तेरे साते खाणो खाणे वावा मायलु एक जोनू ये वाते कोयीन सोमवीन येसु काजे कोयू, “सोयावा छे चे जे परमेश्वरोन राजोन रूट खासे.”
इनान कोरता हे भाशो एने बोहनिश्या, मे तुमु काजे परमेश्वरोन दया फोम आपीन विनता कोरो कि आपना डीलो काजे जीवतला, एने चुखला एने परमेश्वर काजे गोवणे वावा चीजे बलिदान कोरीन चोळावू यित तुमरी आत्मिक आराधना छे.
एने अगर पुऱ्या छे ती वारीस बी, बाकीन परमेश्वरोन वारीस एने येसु मसिह साते वारीस छे कि जेतार आमु तेरे साते दुख उठावे ती तेरे साते महिमा बी जोळे.
अगर आमु धीरोज धोरीन रोयता रोयजू ती तेरे साथे राज बी कोरसु अगर आमु तेरु इनकार कोरतेलू ती चू भी आमु इनकार कोरतू चू भी आमु इनकार कोरसे.
तुमु बी जीवतलु दोगळान तोसो आत्मिक घोर बानावतला छे, जेरेन कोरता पुजारान चुखला सोमाज बोनीन, ओसो आत्मिक बलिदान चोळावू जू येसु मसिहन परमेश्वर काजे मान्यो छे.
पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.
एने आमुक एक राज एने आपनु बास परमेश्वर जुगू पुजारू बी बोनाव देदु; तेरीत महिमान एने पराक्रम कायम रोये. आमेन.
पोछु मे सोरगोमा गोथू यो बुल सोमव्यू, “लिख, जे मोरला प्रभूमा मोरतला छे चे हिमी गोथा सोयावा छे” आत्मा कोये, “होव, काहाकि चे आपना आखा मेहनतसी आराम कोरसे, तिंदरा कामे हिंदरे साते जात रोयतला छे.”
जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, तीनु काजे दुसरी मोरोनसी नुकसान नी होये.
मोरनो एने अधोलोक बी माणसे आगठान झीलमा घालाय गोया जो आगठान झील दुसरो मोरोन छे;
बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.
पोछि रात नी होये, एने तिना दिवा एने दाहळान विजावान गोरोज नी रोये, काहाकि प्रभू परमेश्वर हिनुक विजावो आपसे, एने चे कायम राज कोरसे.
“देख, मे मामार आवने वावू छे, सोयावा चे छे, जे इना किताबोन भविष्यवाणीन वाते मानतलु छे.”
जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.
एने तीनुक आमरा परमेश्वरोन कोरता एक राज एने पुजारू बोनाव्यू; एने चे कोवी पोर राज कोरतेला छे.”