13 दोरीया तीना मोरला काजे जे हेरेमा होता आप देदू, एने मोरनो एने अधोलोक तीनु मोरला काजे जे हिंदरेमा होता आप देदा; एने हिंदरेमा गोथो होर एक कामोन अनसारे तिंदरू नियाव कोराय गोयू.
कफर्णहुम, काय तू सोरग तोक उचू कोरायसे? तू ते अधोलोक तोक नेचू कोरायसे जे मोटला कामे तारेमा कोरायला छे, ओगर सदोममा कोरायता, ती चू आज तोक रोयतु.
माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.
आखरीमा दुष्मोन बी खतोम कोराय जासे, चो मोत छे.
मे मोर गोयलु होतु, एने देख हिमी कायमोन जीवतलु छे; एने मरणे एने अधोलोक माणसोन कुच्या मारेत जुव छे.
मे हेरा पुऱ्या काजे मार नाखीस; तेत्यार आखा मंडव्या जान लेसे कि मोन एने मोन पारखने वावू मेत छे, एने मे तुमु होर एक काजे तेरे कामोन अनसारे बोदलु आपीस.
पोछु मे नानला मोटला आखा मोरला काजे सिहासनोन सामने उभरोहलू देख्यू, एने किताबे उगळी गोया; एने ओवी पोछि एक किताब उगळाय गोयी; मतलब जीवनोन किताब; एने जोसो तिना किताबमा लिखायलो होतो, तोसोच हिंदरा कामोन अनसारे मोरलान नियाव कोराय गोयू.
मोरनो एने अधोलोक बी माणसे आगठान झीलमा घालाय गोया जो आगठान झील दुसरो मोरोन छे;
चू हिंदरा डूवासी आखान आसवा नूस देसे; एने एरेन ओवतेन मोरोन नी रोये, एने नी दुख, नी विलाप, नी पिढा रोये; पेहेली वाते जात रोयी.”
मे नोजोर नाख्यू, एने देखू, एक पेव्वू घुल्लू छे; एने तेरे पोर बोसलान नाव मोरनो छे, एने अधोलोक तेरे पोछो-पोछो छे; एने तीनुक धोरतीन एक चौथाइ पोर यु होक आपाय गोयू कि तलवार, एने काव, एने मरी, एने धोरतीन बोयडा मायला जोनावरोन लारे माणसो काजे मार नाखे.