प्रकाशित वाक्य 2:9 - बारेली पावरी

⁹ ‘मे तारा दुख एने गोरीबी काजे जानतलु छे (बाकीन तू धोन वावू छे,) एने जे माणसे आपना खुदो काजे यहुदि कोयतेला छे एने होय नी, बाकीन भुतडान मीटिंग छे, तिंदरे बुराई काजे बी जानतलु छे.’”

प्रकाशित वाक्य 2:9 ပူးပေါင်းရင်းမြစ်များ

मत्ती 4:10

तेत्यार येसु तीना काजे कोयू, “हे भुतडा नांबे होय जा, काहाकि लिखलो छे, तू प्रभू आपना परमेश्वर काजे नमस्कार कोर, एने निस्तु तेरीत आराधना कोर.”

लुका 12:21

ओसुत चू माणूस बी छे जू आपनेन कोरता धोन एखठो कोरतेलू, बाकीन परमेश्वरोन नोजोरमा मालदार नि होय.

लुका 22:65

एने चे घोन सोवटी ओवी बी बुराईन वाते तेरा खिलापमा कोया.

लुका 4:18

“प्रभून आत्मा मार पोर छे इनान कोरता कि चू गरीब काजे वारली खोबर सोमवाळनेन कोरता मारू अभिषेक कोरलु छे, एने मेसेक इनान कोरता मुकेल्लू छे कि बोंदी वावा काजे छुटकारान एने आंदवा काजे नोजोर मेवाळणेन वारली खोबरोन प्रचार कोरो एने छेंदायला काजे छुळावू,

लुका 6:20

तेत्यार चू तेरा चेला भूनी देखीन कोयू, “सोयावा छे तुमु जे दीन छे, काहाकि परमेश्वरोन राज तुमरो छे”

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

प्रेषित 14:22

एने चेलान मोनो काजे पाका कोरता एने भुरसामा टीकिन रोयनु जुवे कोरीन तीनु काजे धीर आपता गोया, “आमु काजे जुदो तोकलीत कोरीन परमेश्वरोन राजमा जाणो छे.”

प्रेषित 26:11

मे खुद आखा आराधनालयमा जायीन तीनुक तोकलीत आप्या कोरतू होतु एने येसुन बुराई कोरावता होता, एने रीसवायीन देस मायीन गावमा तिंदरे पोछो पोळतू होतु.

रोमी 12:12

आसमा खुश रोयू; दुखोमा नी बिहीता उबरोयू, प्रार्थना हमेशा कोरता रोयू.

रोमी 2:17

अगर तू खुद काजे यहुदि कोये, नियम शास्त्र पोर भुरसू कोरे, परमेश्वरमा घमंड कोरे.

रोमी 5:3

निस्तु योत नी, बाकीन आमु तोकलीतमा भी मोटाय कोरु यो सोमजीन कि तोकलीतसी धीर,

रोमी 8:35

कून आमु काजे येसु मसिहन मोंगसी ओलोग कोरे, काय वेला, संकट, काव, छोळ, उपासमार, उगाळलो, तोकलीते, तलवार?

रोमी 9:6

बाकीन यो नि कि परमेश्वरोन वचन टोव गोयो इनान कोरता कि जे इस्राईलोन पिढी छे चे आखा इस्राईली नी होय;.

2 कुरीन्थियो 6:10

दुख कोरणे वावान सारखो छे, बाकीन दाहळीन खुशी कोरतेला छे; भिकारी सारका छे, बाकीन जादा जोना काजे मालदार बोनाव देतला छे; ओसला छे जोसा आमरे पुठी काय नी होय ते बी आखो काय राखतला छे.

2 कुरीन्थियो 8:2

दुखोन मोटली परीक्षामा तिंदरी मोटली खुशी एने जुदो काम गोरीबी तिंदरो मोनमोकवा जादा बोढ गोयो.

2 कुरीन्थियो 8:9

तुमुक आपना प्रभू येसु मसिहन दया मालूम छे कि चू धोनवान होयीन बी तुमरेन कोरता गोरीब बोन गोयू, काहाकि तेरे गोरीब होयनेसी तुमु धोनवान बोन जावू.

1 थिस्सलुनीकियो 3:4

काहाकि पेहेलेत, जेतार आमु तुमरेनचा होता, ती तुमु काजे कोया कोरता होता कि आपनु काजे तोकलीत झेलणू पोळसे, एने ओसोत होयलो छे, जोसो कि तुमु काजे मालूम छे.

1 तीमथी 1:13

मे ते पेहेल बुराई कोरणे वावू एने तोकलीत आपनेवावू एने आंदारो कोरणे वावू होतु; ते बी मार पोर दया होयली, काहाकि मे अविस्वासन हालोतमा बिना सोमजे यो काम कोरलु होतु.

1 तीमथी 6:18

चे वारलो कोरे, एने वारला कामोमा मालदार बोने एने उदार एने मदतमा हमेशा उभू रोये.

प्रकाशित वाक्य 1:9

मे योहान, जू तुमरू भाश, एने येसुन दुख, एने राज, एने धीरोमा तुमरू सहभागी छे, परमेश्वरोन वचन एने येसुन गोवायीन वोजेसी पतमुस वावान टापू होतु.

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 2:2

मे तारो काम, एने तारी मेहनत, एने तारा धीरो काजे जानतलु छे एने जो भी कि तू भुंडला माणसो काजे देख नी सोकतलु, एने जे आपना खुदो काजे प्रेषितोन कोयतेला छे, एने नी होय, तीनुक तू पारखीन झुटू देख्यू.

प्रकाशित वाक्य 2:24

बाकीन तुमु थुआतीरा रोयला माणसो काजे, जोतरा इना शिक्षा काजे नी मानतला एने ती नी वात काजे जीनुक भुतडान उंडली वाते कोयतेला छे नी जानतला, यो कोय कि मे तुमरे पोर एने भार नी मेको.

प्रकाशित वाक्य 3:9

“देख, मे भुतडान तीनु स्वभाव वावानुक काजे तारा ताबामा कोर दिस जे यहुदि बोनीन बोसला छे, बाकीन होय नी तेत्यार झूट बुलतला छे-देख, मे ओसो कोरिस कि चे आवीन तारा पायो पोर पोळसे, एने यो जान लेसे कि मे तुमरे पोर मोंग कोरलु छे.

प्रकाशित वाक्य 7:14

मे तीना काजे कोयू, “हे स्वामी, तूत जानतलु छे” चू मेसे काजे कोयू “जे चे छे, चे तिना मोटला दुखोमा गोथा निकवीन आवला छे चे आपना-आपना छिंदरा गाडरान लुयमा धुवीन धोव्वा कोरला छे.”