प्रकाशित वाक्य 2:3 - बारेली पावरी

³ तू धीर धोरतलु छे, एने मारा नावोन कोरता दुख झेली झेलीन नि थाक्यू.

प्रकाशित वाक्य 2:3 ပူးပေါင်းရင်းမြစ်များ

मरकुस 15:21

सिकनदर एने रुफूस इंदरु बाबू शिमोन, एक कुरेनेकर माणूस, यु गाव गोथू आवने बाजरोयलू चा गोथू निकव्यू; चे तीना काजे जोब्रानसी धोऱ्या कि तेरू ख्रुस हाकलीन चाले.

लुका 14:27

एने जु कुदू आपनु ख्रुस नि हाकले, एने मार पोछोव नि आवे, चू बी मारू चेलू नि बोन सोके.”

लुका 18:1

ओवतेन येसु एरा बारामा कि, हमेशा प्रार्थना कोरणे एने हिंमत नि छुळनो जुवे, तीनुक यु दाखलू कोयू.

लुका 21:19

आपना धीरसी तुमु आपना जीवो काजे वाचाडीन राखसू.

लुका 5:5

शिमोन तीना काजे जोवाब आप्यू, “हे मालिक, आमु ते आखी रात मेहनत कोऱ्या एने काहीन नि धोऱ्या; ते बी तारे कोयनेसी जाव नाखीस.”

लुका 8:15

बाकीन वारली जागा मायला ये चे छे, जे वचन सोमवीन वारू एने घोनो वारू आपना मोनोमा सोमावीन राखतला एने धीर धोरीन फोवे लावतेला छे.

योहान 15:21

बाकीन चे यो आखो काय चे मारा नावोन कोरता तुमरे साते कोरसे, काहाकि चे मारा मूकलने वावा काजे नि जानतला.

रोमी 12:12

आसमा खुश रोयू; दुखोमा नी बिहीता उबरोयू, प्रार्थना हमेशा कोरता रोयू.

रोमी 16:12

त्रुफेना एने त्रूफासा काजे जू प्रभूमा मेहनत कोरला छे, नमस्कार मारा मोंगावा पिरसिस काजे, जी प्रभूमा जादा मेहनत कोरली, नमस्कार.

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

रोमी 8:25

बाकीन जिना चीजो काजे आमु नी देखतला एने तेरी आस राखतेला ती धीर धोरीन तेरी वाट बी जुवे.

1 कुरीन्थियो 13:7

ची आखा वाते सोहोतली, आखा वातोन पारोख कोरतेली, आखा वातोन भुरसू कोरतेली, आखा वातोन धीर धोरतली.

1 कुरीन्थियो 16:16

इनान कोरता मे तुमु काजे विनता कोरो कि तुमु ओसलान अधीन रोयू, बाकीन होर एक जो इना कामोमा मेहनत वावा एने सोहोकारी छे.

2 कुरीन्थियो 10:15

आमु हदोन बारथे दिसरान मेहनतमा मोटायकी नि कोरता; बाकीन आमुक आस छे कि जे तुमुक भुरसू बोढावता जासे तेत्यार-तेत्यार आमु आपना हदोन अनसारे तुमरे वजेसी ओवी बी बोढता जासू,

2 कुरीन्थियो 11:23

काय चेत मसिहन सेवक छे. मे गांडान तोसु कोयो, मे तिंदरेसी बोढीन छे, जादा मेहनत कोरणेमा; घोळी-घोळी बोंदी होयनेमा; चाबका खाणेमा; घोळी-घोळी मोतोन सोंकोटमा.

2 कुरीन्थियो 4:1

इनान कोरता जेतार आमरे उपर परमेश्वरोन ओसी दया होई कि आमु काजे जी सेवा जोळी ती आमु हिंमत नी छुळतला.

2 कुरीन्थियो 4:16

इनान कोरता आमु हिंमत नी छुळता; हिंमत आपनो बारथेलो स्वभाव मनुषत्व खोतम होय जातलो छे, ते बी आपने वावो माणसोन स्वभाव दाहळी दाहळीन नोवलो बोनतो जातलो छे.

2 कुरीन्थियो 5:9

इनान वोजेसी आपना मोनोन मोर्जी छे कि अगर साते रोये-नीती ओलोग रोये बाकीन आपनु तीनाक लेता रोयू.

2 कुरीन्थियो 6:5

चाबका खाणेसी, बोंदी होयनेसी, आयळने वावासी, मेहनतसी, जागता रोयनेसी, उपास कोरणेसी,

गलातियों 6:2

तुमु एक दिसरान भार हाकलु एने इना रितीसी मसिहन नियम शास्त्र काजे पुरा कोरु.

गलातियों 6:9

आमु वारला कामे कोरणेन धीर नी छुळे, काहाकि ओगर आमु ढिला नी होयजे ती टेमो पोर काटनी काटसु.

फिलिप्पि 2:16

कि मसिहन दाहळामा मेसेक मोटाय कोरनेन मतलब रोये कि नी मारो दोवळनो नी मारी मेहनोत कोरनो वायबार होयो.

फिलिप्पि 4:3

जे खोरला साथीदारमा तुसे काजे बी विनता कोरो कि तू तीनु बायराण मदत कोर, काहाकि चे मारे साते वारली खोबर कोयनेमा क्लेमोस एने दिसरा साती साते मेहनत कोऱ्या, जिंदरो नाव जीवनी किताबमा लिखायलो छे.

कुलुस्सि 1:11

तेरी महिमान अनसारे आखा भातीन ताकतसी ताकतवाला बोनता जावू, न्या तोक कि खुशीमा आखा भातीन धीर एने सहन शीलता देखाळ सोके.

1 थिस्सलुनीकियो 1:3

एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

1 थिस्सलुनीकियो 2:9

काहाकि हे भाशो तुमु आमरा कामोन एने मेहनतोन फोम कोरतेला; आमु ते इनान कोरता रात दाहळू काम धोंदू कोरता जायीन तुमरेमा परमेश्वरोन वारली खोबरोन प्रचार कोऱ्या कि तुमरे मायला कुदा पोर भार नी पोळे.

1 थिस्सलुनीकियो 5:12

हे भाशो, आमु तुमु काजे विनता कोरजे कि जो तुमरेमा मेहनत कोरतेला छे, एने प्रभूमा तुमरे ओगोव छे, एने तुमुक भोनाळतला छे, तिंदरू आदर कोरु.

2 थिस्सलुनीकियो 3:13

तुमु हे भाशो भोलाई कोरनेमा हिंमत मा छुळू.

2 थिस्सलुनीकियो 3:5

परमेश्वरोन मोंग एने मसिहन धीर एने प्रभू तुमरे मोनमा ओगवाई कोरे.

2 थिस्सलुनीकियो 3:8

एने कुदान रुटू फुकोटोन नि खादा, बाकीन काम एने मेहनतसी रात दाहळू काम धोंदा कोरता होता कि तुमु काजे कुदासी भार नि होये.

1 तीमथी 4:10

काहाकि आमु मेहनत एने कोशिश एरेन कोरता कोरतेला छे कि आमरी आस हीना जीवतला परमेश्वर पर छे, जू आखो माणसोन एने खास विस्वास्यान छुटकारू आपने वावु छे.

1 तीमथी 5:17

जे डाह-डाहा वारला पुरती कोरतेला छे, खास कोरीन चे जे वचन सोमवाळने एने सिकाळनेमा मेहनत कोरतेला छे, दुय गुणा आदरन लायक समजनो जुवे.

इब्रानियो 10:36

काहाकि तुमु काजे धीर धोरणो गोरोजोन छे, कि तुमु परमेश्वरोन मोर्जी पुरो कोरीन इनी वायदान फोव काजे ली लेय.

इब्रानियो 12:1

इना वजेसी जेतार कि गोवा एक ओसो मोटला वादवो आपनुक घेरवी रोयो, ती आवू, आखा रुकने वावी चीजे एने घेरनेवावा पाप काजे छेटा कोरीन, जी दोवोळ जीनामा आपनु काजे दोवळनो छे धीर धोरीन दोवळू.

इब्रानियो 13:13

इनान कोरता बुराई आपने उपोर लीन साहवान बारथे तीनानचा निकवी गोया.

इब्रानियो 6:10

काहाकि परमेश्वर अधोरमी नी होय कि तुमरा कामो एने तिना मोंग काजे विसरी जाय जे तुमु तिनान नावोन रुपमा इना रितीसी देखाळ्या कि चुखला माणसोन सेवा कोऱ्या एने हिमी बी कोर रोया.

इब्रानियो 6:12

जीनासी कि तुमु उजगायला मा बोनु बाकीन तेरो अनुकरण कोरुजू भुरसू एने धीरजोन लारे बासोन वायदान पुऱ्या होये.

इब्रानियो 6:15

एने इना रितीसी धीर धोरीन वाट जुवीन चू वायदू ली लेदू,

2 पतरस 1:6

एने सोमज पोर संयम, एने संयम पोर धीर, एने धीरो पोर भोक्ती.

प्रकाशित वाक्य 1:9

मे योहान, जू तुमरू भाश, एने येसुन दुख, एने राज, एने धीरोमा तुमरू सहभागी छे, परमेश्वरोन वचन एने येसुन गोवायीन वोजेसी पतमुस वावान टापू होतु.

प्रकाशित वाक्य 3:10

तू मारा डीलोन वचन काजे उभराख रोयू, इनान कोरता मी बी तुसेक पारखोन तिने टेमे वाचाडीन राखीस, जू धोरतीन रोयने वावान पारखनेन कोरता आखा जोगो पोर आवने वावु छे.