प्रकाशित वाक्य 2:26 - बारेली पावरी

²⁶ जे जय हासील कोरे एने मारा कामोन अनसारे आखरी तोक कोरता रोये, मे हिनुक जाती जातीन माणसो पोर होक आपीस,

प्रकाशित वाक्य 2:26 ပူးပေါင်းရင်းမြစ်များ

मत्ती 10:22

मारा नावोन वोजेसी आखा माणसे तुमरे पुठी दुष्मोनी कोरसे, एने जू आखरी तोक धीर धोरीन रोयसे तेरु छुटकारू होयसे.

मत्ती 19:28

येसु तीनु काजे कोयू, “मे तुमु काजे छाचलीन कोयो कि नोवली जोगोमा जेतार माणसोन पुऱ्यु आपनी महिमान सिहासन पोर बोठसे, ती तुमु मारे पोछोव आवला छे, बारा सिहासन पोर बोसीन इस्राईलोन बारा पिढीन नियाव कोरसू.

मत्ती 24:13

बाकीन जू आखरी तोक वाट जुवीन हिंमत धोर रोयसे, तेरु छुटकारू होयसे.

योहान 6:29

येसु तीनुक जोवाब आप्यू, “परमेश्वरोन काम योत छे कि तुमु तीना पोर, जीनाक चू मुकलु छे, भुरसू कोरु,”

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

रोमी 8:37

बाकीन इनी आखी वातोमा आमु तेरे लारे जू आमरेपोर मोंग कोरलु छे, जयवंतसी भी बोढीन छे.

1 थिस्सलुनीकियो 3:5

इना वोजेसी जेतार मेसे काजे एने नि रोवायो, ती तुमरा भुरसान हाल जाननेन कोरीन मुकल्या, कि कोदि ओसो नी होये कि पारख कोरणे वावू तुमरो पारख कोरलु छे, एने आमरी मेहनत वायबार होय जाय.

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

याकुब 2:20

पुन हे रिकामा माणूस, काय तू यो भी नि जानतलु कि काम बिगोर भुरसू बिन कामोन छे?

1 योहान 2:19

होया निकोवला ते आमरेमा गोथो छे, पुन आमरे मायला नि होता काहाकि जोर होया आमरे मायला होता, ती आमरे साते रोयता; पुन इनान कोरता निकवी गोया कि यो प्रकट होयो कि होया आखा आमरे मायला नि होय.

1 योहान 3:23

तेरी आग्या जी छे कि आमु तेरा पुऱ्या येसु मसिहन नावो पोर भुरसू कोरजे एने जोसो चू आमुक आग्या आपलु छे तिनान लारे तीनामा मोंग राखे

1 योहान 5:5

जोगो पोर जय हासील कोरणे वावु कून छे? बाकीन चू तेरु भुरसू छे कि, येसु परमेश्वरोन पुऱ्यु छे.

प्रकाशित वाक्य 2:11

जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, तीनु काजे दुसरी मोरोनसी नुकसान नी होये.

प्रकाशित वाक्य 2:17

जेरा कानटा होसे चू सोमवी लेये कि आत्मा मंडव्या काजे काय कोये. जो जय हासील कोरे, तीनु काजे मे डूकाळला मोनोमा गोथो आपीस, एने तीनाक एक धोव्वु दोगळू बी आपीस; एने तिना दोगळा पोर एक नाव लिखलो रोयसे, जीनाक एरू लेणे वावा सिवाय कुदू नी जाणे.

प्रकाशित वाक्य 2:7

जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, मे तीनु काजे तिना जीवनोन झाडोमा गोथू जो परमेश्वरोन सोरगो लोकमा छे, फोव खाणेन कोरीन आपीस.

प्रकाशित वाक्य 20:4

ओवतेन मे सिहासन देख्यू, एने तिना पोर माणसे बोस गोया, एने तीनुक नियाव कोरनेन होक आपाय गोयू, मे तिंदरी आत्मा काजे बी देख्यू, जिंदरा मुंडका येसुन गोवायी देणे एने परमेश्वरोन वचनोन वोजेसी काटाय गोयला होता, एने जे नी तिना जोनावरोन, एने नी तेरा मूर्तीन पूजा होती. एने नी तेरा छापू आपना निंडावा पोर एने हातो पोर ली लेदला होता. चे जीवतला होयीन मसिह साते होजार साल तोक राज कोरता रोये.

प्रकाशित वाक्य 21:7

जू जय हासील कोरलु चू इना चीजोन वारीस होयसे, एने मे तेरु परमेश्वर होयीस एने चू मारू पुऱ्यु होयसे.”

प्रकाशित वाक्य 22:5

पोछि रात नी होये, एने तिना दिवा एने दाहळान विजावान गोरोज नी रोये, काहाकि प्रभू परमेश्वर हिनुक विजावो आपसे, एने चे कायम राज कोरसे.

प्रकाशित वाक्य 3:12

“जो जय हासील कोरे हीनाक मे मारा परमेश्वरोन मंदीरमा एक खांबु बोनावीस, एने पोछु कोबी बारथे नी निकवे; एने मे मारा परमेश्वरोन नाव एने मारा परमेश्वरोन नोगोर मतलब नोवलो यरुशलेमोन नाव, जो मारा परमेश्वर जू गोथो सोरग गोथो उतरणे वावो छे एने मारो नोवलो नाव तिना पोर लिखीस.

प्रकाशित वाक्य 3:21

जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.

प्रकाशित वाक्य 3:5

जे जय हासील कोरे तीनुक इना रितीन धोव्वा छिंदरा पेरावसे, एने मे तेरो नाव जीवनोन किताबमा गोथो कानला रितीसी नी निकावो; बाकीन हेरो नाव आपनु बास एने आपना सोरग दूतो सामने मान लीस.