प्रकाशित वाक्य 2:18 - बारेली पावरी

¹⁸ थुआतीरा मंडव्या दूतो काजे यो लिख, “परमेश्वरोन पुऱ्यु जेरा डूवा आगठान ज्वालान तोसो, एने जेरा पाय वारला पितोवोन तोसा छे, चू यो कोये कि,

प्रकाशित वाक्य 2:18 ပူးပေါင်းရင်းမြစ်များ

मत्ती 17:5

पतरस बुलतु होतु कि एक धोव्वो वादवो तिंदरे पोर छावाय गोयो, एने तिना वादवा गोथू यु बुल निकव्यू “यु मारू मोंगावू पुऱ्यु छे, जीनासी मे खुश छे तेरी सोमवू.”

मत्ती 27:54

तेत्यार सुभेदार एने जे हिंदरे साते येसुन पेहरु दि रोया होता, भूकंप एने जो काय होयलो होतो तीनाक देखीन जादा बिह गोया एने कोया, “छाचलीन यु परमेश्वरोन पुऱ्यु होतु”

मत्ती 3:17

एने जी सोरग वाणी होयी, यु मारू मोंगावू पुऱ्यु छे, जीना पोर मी खुश छे.

लुका 1:35

सोरगो दूत तिनी काजे जोवाब आप्यू, पवित्र आत्मा तारे पोर आवसे, एने परमप्रधानोन ताकत तारे पोर सहावू कोरसे; इनान कोरता चू पवित्र जू पोयदा होयने वावू छे, परमेश्वरोन पुऱ्यु कोवायसे.

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 1:49

नथनेल तीनाक जोवाब आप्यू, “हे रब्बी, तू परमेश्वरोन पुऱ्यु छे; तू इस्राईलोन महाराजा छे.”

योहान 10:36

ती जीनाक बास चुखो ठेरावीन जोगमा मुकलु छे, तुमु तीनाक कोयतेला छे, “तू बुराई कोरतेलू छे,” इनान कोरता कि मे कोयू, “मे परमेश्वरोन पुऱ्यु छे?”

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 3:18

जू कुदू तेरे पोर भुरसू कोरे तेरे पोर दोंडोन आग्या नि होये, बाकीन जो तेरे पोर भुरसू नि कोरे चू गुणावू ठेराय गोयलु छे एरेन कोरता कि चू परमेश्वरोन पुऱ्यान नाव पोर भुरसू नि कोऱ्या.

योहान 5:25

मे तुमु काजे छाचलीन-छाचलीन कोयो ची टेम आव रोयी, एने हिमी छे, जीनामा मोरला परमेश्वरोन पुऱ्यान बुल सोमोवसे, एने जे सोमोवसे चे जीवसे.

प्रेषित 16:14

लुदिया नावोन थुआतीरा देसोन जामन्या रोगोंन कापळा वेचने वावी एक भोक्तोन बायर सोमवी रोयी होती, प्रभू तेरु मोन उगाळ देदू कि ची पौलुसोन वातो पोर ध्यान लागाळे.

प्रेषित 8:36

वाटे चालता-चालता चे एक पाणीन जागा पोर पुग गोया तेत्यार ग्यानी कोयू, “देख चा पाणी छे, हिमी मेसेक बाप्तिस्मा लेनेमा काय रुकावट नि होय.”

रोमी 1:4

एने पवित्र आत्मान सहायतासी मोरलाम गोथू जीव उठनेन वजेसी ताकत साते परमेश्वरोन पुऱ्यु ठेरावलु छे. येसु मसिह आमरू प्रभु,

रोमी 8:32

जू आपना एखलु पुऱ्या काजे बी नी छुळ्यु बाकीन तिना काजे आपने आखान कोरीन आप देदु चू तेरे साते आमु काजे एने आखा काजे आखो काहीन बी आपे?

प्रकाशित वाक्य 1:11

“जो काय तू देखतलु छे तीना किताबमा लिखीन सात मंडव्या काजे मुकली दे, मतलब इफिस, स्मुरना, पीरगमून, थुआतीरा, एने सर्दीस, एने फिलादिलफिया, एने लौदीकिया काजे.”

प्रकाशित वाक्य 2:1

इफिसोन मंडवीन दूतो काजे यो लिख, जे सात चांदण्या हेरा जेवळ्या हातोमा छे, एने सोनान सात दिवान इचमा फिरतलु छे, चू जो कोये कि.

प्रकाशित वाक्य 2:24

बाकीन तुमु थुआतीरा रोयला माणसो काजे, जोतरा इना शिक्षा काजे नी मानतला एने ती नी वात काजे जीनुक भुतडान उंडली वाते कोयतेला छे नी जानतला, यो कोय कि मे तुमरे पोर एने भार नी मेको.