प्रकाशित वाक्य 2:14 - बारेली पावरी

¹⁴ बाकीन मेसेक तारा खिलापमा काहीन वाते कोयनो छे, काहाकि तारेनचा काहनास ओसा छे, जे बिलामोन शिक्षा काजे मानतला छे, जू बालाक काजे इस्राईलोन ओगोव ठूकरोन वोजा राखणे सिकाळयु, कि चे मोरला पोर चोळावला चीजे खाय एने व्यभिचार कोरे.

प्रकाशित वाक्य 2:14 ပူးပေါင်းရင်းမြစ်များ

मत्ती 18:7

ठूकरोन वोजेसी जोगो पोर हाय ठूकरोन लागनो जोरुरी छे; बाकीन हाय तिना माणसो पोर जिंदरे लारे ठूकर लागतेली छे.

प्रेषित 15:29

कि तुमु मूर्ती पोर बलिदान चोळावला चीजोसी, लुयसी, गोवू दाबीन मारलो जोनावर मास सी, एने सिनावो सी छेटा रोयजू इंदरेसी वाचीन रोयजू तुमरो भोलो होयसे.

प्रेषित 21:25

बाकीन तीनु दिसरा जातीन बारामा जे भुरसू कोरला छे; आमु यो फैसलु कोरीन लिखीन मुकली रोया कि चे मूर्तीन सामने बलि कोरला मास सी एने लुयसी एने गोवू दाबलान मास सी वाचीन रोयजू.”

रोमी 11:9

एने दाऊद कोयतेला, “तिंदरो खाणो तिंदरेन कोरता जाव एने फांद एने काठलो एने दोंडोन वोजा बोन जासे.

रोमी 14:13

आखरी ओगा आमु एक दिसरा पोर गुणू नि लागाळजे, पुन तुमु जो पाको मानतेला कि आपना भाशोन सामने दुख नीती ठूकर खाणेन वोजा होये.

रोमी 14:21

भोलोते यो छे कि तु नी मास खाय एने नि आंगुरोन रोस पिये, नि ओवी काहीन ओसो कोरे जीनासी तारू भाश ठूकर खाय.

रोमी 9:32

कालगान कोरता? इनान कोरता कि चे भुरसान नी, बाकीन मानु कामोसी तीनुक हेरता होता. चे तिना ठूकरायला दोगळा काजे ठूकर खादा.

1 कुरीन्थियो 1:23

बाकीन आमु ते इना ख्रुस पोर चोळावला मसिहन प्रचार कोरतेला छे, जू यहुदियान कोरता ठूकरोन वोजा एने दिसरा जातोन कोरता बिना दिमाक सारखो छे;.

1 कुरीन्थियो 7:2

बाकीन व्यभिचारोन बिकोसी होर एक माणसोन लाडी एने होर एक बायरोन पाहणू रोये.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.

1 पतरस 2:8

एने ठेस लागनेन दोगळू एने ठूकर खाणेन चाफुर होय गोयलु छे, काहाकि चा ते वचन काजे नि मानीन ठूकर खातला छे, एने एरेन कोरता चू कोवय बी गोया होता.

2 पतरस 2:15

चे सुदला वाट काजे छुळीन भटकी गोयला छे, एने बओरन पुऱ्यु बिलामोन वाटे पोर लाग गोयला छे, जे अधोरमी काजे मजबूरी काजे मोंगावा जानतला;.

यहुदा 1:11

तिंदरे पोर हाय काहाकि चे केनोन तोसी चाल चाले, एने दाहाळकीन कोरता बिलामोन तोसा खतोम होय गोयला छे, एने कोरहन तोसा खिलाप होयीन खतोम होय गोयला छे.

प्रकाशित वाक्य 2:20

बाकीन मेसेक तारा खिलापमा यो कोयनो छे कि तू ची बायर इजबेल काजे रोयने देतलु छे ची आपना खुदो काजे भविष्य कोरणे वावी कोयतेली छे, एने मारा दासो काजे व्यभिचार कोरणे एने मुर्त्यान ओगोव चोळावला चीजे खाणेन सिकाळीन फोसाळतली छे.

प्रकाशित वाक्य 2:4

बाकीन मेसेक तारा खिलापमा यो कोयनो छे कि तू तारे पेहेले सारखो मोंग छुळ देदलु छे.

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.