प्रकाशित वाक्य 2:10 - बारेली पावरी

¹⁰ जे दुख तुसेक झेलणो पोळसे, तीनु काजे मा बिहे काहाकि देखू, भुतडू तुमरेमा गोथू काहनास काजे जेल खाणामा घालणेमा छे, काहाकि तुमु पारखाय जावू एने तुमु काजे दोस दाहळा तोक दुख झेलणो पोळसे जीव आपता तोक विश्वासी रोयजी, ती मे तुसेक जीवनोन मुकुट आपीस.

प्रकाशित वाक्य 2:10 ပူးပေါင်းရင်းမြစ်များ

मत्ती 10:22

मारा नावोन वोजेसी आखा माणसे तुमरे पुठी दुष्मोनी कोरसे, एने जू आखरी तोक धीर धोरीन रोयसे तेरु छुटकारू होयसे.

मत्ती 10:28

जो डीलो काजे नाश कोर सोकतेला, बाकीन आत्मा काजे नाश नि कोर सोकतेलां, तिना काजे मा बिहू; बाकीन तिना काजे बिहू, जू आत्मा एने डील दुयू काजे नोरोगमा नाश कोर सकतेलू छे.

मत्ती 24:13

बाकीन जू आखरी तोक वाट जुवीन हिंमत धोर रोयसे, तेरु छुटकारू होयसे.

मरकुस 13:13

एने मारा नावोन वोजेसी आखा माणसे तुमरे पोर खिलाप कोरसे; बाकीन जु आखरी तोक धीर धोर रोयसे, तिंदरू छुटकारू होयसे.

मरकुस 8:35

काहाकि जू कुदू आपनु जीव वाचाडनेन देखसे चू तीना काजे खुवाळ देसे, बाकीन जू कुदू मारा एने वारली खोबरोन कोरता आपनु जीव खुवाळसे, चू तीनाक वाचाडसे.

लुका 21:12

बाकीन इनी आखी वातोसी पेहेले चे मारे नावोन वाजेशी तुमु काजे धोरसे, एने तोकलीत देसे, एने पंचायतोन हवाले कोरसे, एने जेलमा घालाड देसे, एने राजा एने पुढारीन सामने लीजासे.

योहान 12:25

यु आपना जीवो पोर मोंग कोरे, चू तीनाक खुवतेलु; एने जू इना जोगोमा आपना जीवो पोर मोंग नि कोरतेलू चू ओमोर जीवनोन कोरता तीनाक सोमावतलु.

योहान 13:2

जेतार भुतडू शिमोनोन पुऱ्यु यहुदा इस्कारीयोतन मोनोमा यो नाख देदलु होतु कि चू धोरावे, ती खाणो खाणेन टेमे.

योहान 13:27

भूकरु लेतेच भुतडू तीनामा भोराय गोयू तेत्यार येसु तीना काजे कोयू, “जो तू कोयने बाज रोयू, मामार कोर.”

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

प्रेषित 21:13

बाकीन पौलुस जोवाब आप्यू, “तुमु काय कोरणे बाज रोया कि रोडी-रोडीन मारो मोन दुखाळतला? मे ते प्रभू येसुन नावोसी यरुशलेममा नि सुतू बांधायनेन नी बाकीन मोरनेन कोरता बी तीयार छे.”

1 कुरीन्थियो 9:25

होर एक पेहेलवान आखा रितीन तंबू कोरतेलू छे; होयु एक चिमटायने वावा मुकुट काजे हासील कोरनेन कोरता यो आखो कोरतेलू छे, बाकीन आमु ते तीना मुकुटोन कोरता कोरतेला जो चिमटायतेलो नी.

इफिसीयो 2:2

जीनामा तुमु पेहेले इना संसारन रिती पोर एने वादवा मायला मालकोन राज मतलब तिना आत्मान अनसारे चालता होता, जे हीमी बी आग्या नि मानने वावामा काम कोरतेलू छे.

इफिसीयो 6:12

काहाकि आपनो यो लोळायनो लुय एने मासोपुठी नी होय बाकीन प्रधानो पुठी, एने अधिकारी पुठी एने इना जोगोन आंदारलान सुभेदारोपुठी एने भुंडला भुंड लाव आत्मिक सेना पुठी छे जे सोरगोमा छे.

याकुब 1:12

सोयावू छे जू माणूस जू पारखमा वातळू रोयतलु छे, काहाकि चू छाचलीन निकवीन जीवनोन होयू मुकुट जोळ जासे जेरी वायदू परमेश्वर एने आपना मोंग कोरने वावा साते कोरलु छे.

1 पतरस 5:4

जेतार प्रोधान राखनेवावू प्रगट होयसे ती तुमु अमोर महिमान मुकुट जोळसे.

1 पतरस 5:8

शांत एने सावध रोयू, तुमरु दुष्मोन भुतडा डोखारनेवावा नाहारो सारखो इना हेरमा रोयतलु छे, कि कुदा काजे फाडीन खाम.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 13:2

जो चिल्ला मे देख्यू चो चिता सारखो होतो एने तेरु पाय रिछडान सारखो एने मूय वाघो सारखो होतो चू अजगर तेरा ताकत एने तेरा सिहासन एने मोटो होक तीनाक आप्या.

प्रकाशित वाक्य 13:7

तीनाक यु बी होक आपाय गोयू कि चुखला माणसोसी लोळाये एने तिंदरे पोर जय हासील कोरे, एने तीनाक होर एक जातीन एने माणसे एने भाषा एने जाती पोर होक आपाय गोयो.

प्रकाशित वाक्य 17:14

चे गाडरा पुठी लोळायसे, एने गाडरो तिंदरे पुठी जय हासील कोरसे, काहाकि चू प्रभून प्रभू एने राजान राजा छे, एने जे बुलावला एने नेवाळला एने विस्वासी छे, चे तेरे पुठी छे; चे बी जय हासील कोरसे.

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 2:9

‘मे तारा दुख एने गोरीबी काजे जानतलु छे (बाकीन तू धोन वावू छे,) एने जे माणसे आपना खुदो काजे यहुदि कोयतेला छे एने होय नी, बाकीन भुतडान मीटिंग छे, तिंदरे बुराई काजे बी जानतलु छे.’”