प्रकाशित वाक्य 19:20 - बारेली पावरी

²⁰ चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 19:20 ပူးပေါင်းရင်းမြစ်များ

मत्ती 7:15

“झुटा भविष्य कोरतासी हुशारीमा रोयू, जे गाडरान भेसमा तुमरेनचा आवता, बाकीन ओवतेन चे फाळनेवावा कुल्या छे.”

प्रकाशित वाक्य 14:10

चू परमेश्वरोन रीसोन आंगुरोन रोस, जो तेरा वाटकामा घालाय गोयलो छे, पिसे एने चुखला सोरग दूतोन सामने एने गाडरान सामने आगठो एने गंधकोण वेलामा पोळसे.”

प्रकाशित वाक्य 17:12

जे दोस सिंगडा तू देख्यू चे दोस राजा छे बाकीन हिनुक हिमी तोक राज नी जोळ्यो, बाकीन तीना जोनावरोन पुठी घोळीभोरोन कोरता राजान तोसो होक जोळसे.

प्रकाशित वाक्य 19:19

तेत्यार मे तिना जोनावरे एने कोवीन राजान एने तेरी सेनान एने तिना घुल्ला पोर बोसने वावा एने तिंदरी सेनासी लोळायने वावा एखठा देख्यू.

प्रकाशित वाक्य 20:10

तीनुक भूलवावने वावु भुतडू आखठो एने गंधकोण तिना झीलमा, जिनामा चू जोनावर एने झुटू भविष्य कोरणे वावू बी होसे, घालाय जासे; एने चे रात दाहळू कायम पिढामा तोडपता रोयसे.

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.

प्रकाशित वाक्य 9:17

मेसेक इना दर्शन मा घुल्ला एने तेर पोरला ओसा बोसला देखाया जिंदरा झीलमे आगठो एने धुको, एने गोंधकोन तोसो होतो, एने तिना घुल्लान मुंडका सिह न मुंडकान तोसा होता; एने तिंदरा मुयोसी आगठो, धुवाळू एने गोंधोक निकवतो होतो.