प्रकाशित वाक्य 18:3 - बारेली पावरी

³ काहाकि हेरा व्यभिचारोन भयानक आंगुरोन रोस वोजेसी आखा जात्या पोळ गोयला छे, एने कोवीन राजा तिनी पुठी व्यभिचार कोरला छे, एने कोवीन व्यापारी तेरु सुख-विलासोन जादा होयनेसी धोनवान होयला छे.

प्रकाशित वाक्य 18:3 ပူးပေါင်းရင်းမြစ်များ

लुका 7:25

ती तुमु काय देखणे गोयला होता? काय घाटावा छिंदरा पेहेरला माणसो काजे? देखू, जे मोहेंगलो छिंदरा पेहेरतेला एने सुख शांतीसी रोयतेला, चे राजवाळामा रोयतेला.

1 तीमथी 5:11

पुन जुवान रोंडायलान नाव नि लिखनो, काहाकि जेतार चो मसिहन खिलाप कोरीन सुखमा पोड जातली छे, ची वियाव कोरणे कोरतेली.

प्रकाशित वाक्य 14:8

एने एरेन ओवतेन एक एने, दिसरू, सोरग दूत यो कोयतू जायीन आव्यु, “पोळ गोयू, चू मोटलु बाबेलोन पोळ गोयू, जू आपना भुंडला विचार कोऱ्यु रीसोन आंगुरोन रोस आखी जात्या काजे पिवाळली छे.”

प्रकाशित वाक्य 17:2

जेरे पुठी कोवीन राजा व्यभिचार कोऱ्या, एने कोवीम रोयने वावा तेरा व्यभिचारोन मोंदसी छाक गोयला होता.”

प्रकाशित वाक्य 18:19

एने आपना-आपना मुंडका पोर छोयळू नाखसे, एने रोडता जायीन एने कापता जायीन आयळी आयळीन कोयसे, “हाय, हाय, यो मोटलो गाव जेरो धोनोन लारे दोरीयान आखा जहाज वावा मालदार होय गोयला होता, घोळी भोरमा उजळी गोया.”

प्रकाशित वाक्य 18:23

एने दिवान विजावो पोछो कोबी तारेमा नि चोमके, एने लाडू लाडीन बुल पोछु कोबी तारेमा सोमवाये नि; काहाकि तारा व्यापारी कोवीन प्रधान होता, एने तारा कुहराय सी आखा जात्या भुलवाय गोयला होता.

प्रकाशित वाक्य 18:7

जोतरी चू तेरी बोढाई कोऱ्यु कि एने सुख-विलास कोऱ्यु तोतरी हिनाक पिढा एने दुख आपु; काहाकि ची आपना मोनोमा कोये, “मे राणी होयली चे, बेटीस छे, रोंडायला नी होय; एने दुखोमा कोदि नी पोळो.”

प्रकाशित वाक्य 18:9

“कोवीन राजा चे हेरे पुठी व्यभिचार एने सुख-विलास कोऱ्या, जेतार हिंदरो धोपनेन धुवाळू देखसु, ती हेरेन कोरता रोडसु एने छाती ठूकसु.