प्रकाशित वाक्य 18:15 - बारेली पावरी

¹⁵ इना चीजोन व्यापारी जे हेरे लारे धोनवान होय गोयला होता, तिंदरी तोकलीतोन बिकोन मारे नांबे उभा रोयसे, एने रोडता एने दुख कोरता जायीन कोयसे,

प्रकाशित वाक्य 18:15 ပူးပေါင်းရင်းမြစ်များ

मरकुस 11:17

एने सिकाळीन तीनु काजे कोयू, “काय यो नि लिखलो होय कि मारा घोरोमा आखा जातीन कोरता प्रार्थनान घोर कोवायसे? बाकीन तुमु इना काजे लुटारून घोर बोनाव देदला छे.”

प्रेषित 16:19

जेतार तेरु मालिक देख्यू कि आपनी कोमायीन आस जाणे बाज रोयी ती पौलुस एने सिलास काजे धोरीन चौकोमा प्रधानोनचा हापकीन लीगोयू;

प्रकाशित वाक्य 18:12

मतलब सोनो, चांदी, रत्न, मोती, एने मलमल, एने जामन्या, रेशमी, एने रातला रोंगोन कापळा, एने हर एक भातीन सुगोंद वावा लाकळा एने हात्तीण दातोन हर एक भातीन चीजे, एने मोहेंगला लाकळा एने पितोव एने लुहळान एने संगमोरमोरोन आखा भातीन चीजे,

प्रकाशित वाक्य 18:13

एने दालचीनी, मोसाला, धुप, इत्तर, लोबान, आंगुरोन रोस, तेल, मोयदा, गोहू, गाय-बुले, गाडरा, बुकळा, घुल्ला, रोथ, दास, एने माणसोन जीव एने डील.

प्रकाशित वाक्य 18:14

एने तारा मोनोक गोवे तोसो फोव तारेनचा गोथो जातो रोये, एने सोवादो एने भटकायला चीजे तारे गोथा नांबे होयला छे, एने चो पोछो कांखुर माईन नी जोळे.

प्रकाशित वाक्य 18:19

एने आपना-आपना मुंडका पोर छोयळू नाखसे, एने रोडता जायीन एने कापता जायीन आयळी आयळीन कोयसे, “हाय, हाय, यो मोटलो गाव जेरो धोनोन लारे दोरीयान आखा जहाज वावा मालदार होय गोयला होता, घोळी भोरमा उजळी गोया.”

प्रकाशित वाक्य 18:3

काहाकि हेरा व्यभिचारोन भयानक आंगुरोन रोस वोजेसी आखा जात्या पोळ गोयला छे, एने कोवीन राजा तिनी पुठी व्यभिचार कोरला छे, एने कोवीन व्यापारी तेरु सुख-विलासोन जादा होयनेसी धोनवान होयला छे.