प्रकाशित वाक्य 18:14 - बारेली पावरी

¹⁴ एने तारा मोनोक गोवे तोसो फोव तारेनचा गोथो जातो रोये, एने सोवादो एने भटकायला चीजे तारे गोथा नांबे होयला छे, एने चो पोछो कांखुर माईन नी जोळे.

प्रकाशित वाक्य 18:14 ပူးပေါင်းရင်းမြစ်များ

मत्ती 11:8

एने तुमु काय देखणे गोयला होता? काय मोखमोलोन छिंदरा पेहेरला माणसो काजे? देखू, जे घाटावा छिंदरा पेहेरला, चे राजान राजवाळामा रोयतेला.

लुका 12:20

बाकीन परमेश्वर तीनाक कोयू, “हे बिन ओकली, इने राती तारू जीव तारे जुव गोथू मांगाय जासे; तेत्यार जो काहीन तू एखठो कोरलु छे चो कुनीन होयसे?”

लुका 16:25

बाकीन अब्राहाम कोयू, हे पुऱ्या, फोम कोर कि तू तारा जीवनोमा वारला चीजे ली लेदलु छे, एने तोसोत लाजर भुंडली चीजे बाकीन हिमी चू या शांतीमा रोयू, एने तू फोपळने बाज रोयू.

1 कुरीन्थियो 10:6

जे वाते आमरेन कोरता दाखलु ठेहेऱ्यु, कि जोसो चे लालच कोऱ्या, तोसा आपु भुंडा चीजोन लालच नी कोरजे.

याकुब 4:2

तुमु लालच राखतला छे, एने तुमु काजे जोळतलो नि; तेरेन कोरता तुमु खुन कोरतेला छे तुमु छोमचू कोरतेला छे, एने कुदाक जोळतो नि ती तुमु झोगळतेला एने लोळायतला छे तुमु काजे एरेन कोरीन नि जोळतलो कि तुमु मांगतला नि.

प्रकाशित वाक्य 18:13

एने दालचीनी, मोसाला, धुप, इत्तर, लोबान, आंगुरोन रोस, तेल, मोयदा, गोहू, गाय-बुले, गाडरा, बुकळा, घुल्ला, रोथ, दास, एने माणसोन जीव एने डील.

प्रकाशित वाक्य 18:15

इना चीजोन व्यापारी जे हेरे लारे धोनवान होय गोयला होता, तिंदरी तोकलीतोन बिकोन मारे नांबे उभा रोयसे, एने रोडता एने दुख कोरता जायीन कोयसे,