10 तेरा तोकलीतोन बिकोन मारे चे जादा नांबे उभरोहीन कोयसे, ‘हे मोटला नगर, बाबेलोन, हे पाक्का गाव, हाय, हाय, घोळी भोरमात तुसेक दोंड जोळ गोयलो छे’”
तिंदरो धोळ तिना मोटला गावोन चौकमा पोळ रोयसे, यो आत्मिक रुपोसी सदोम एने मिसरी कोवायतेलो छे, जा हिंदरु प्रभू बी ख्रुस पोर चोळाय गोयलु होतु.
एने एरेन ओवतेन एक एने, दिसरू, सोरग दूत यो कोयतू जायीन आव्यु, “पोळ गोयू, चू मोटलु बाबेलोन पोळ गोयू, जू आपना भुंडला विचार कोऱ्यु रीसोन आंगुरोन रोस आखी जात्या काजे पिवाळली छे.”
इनासी तिना मोटला सोहोरोन तीन तुकडा होय गोया, एने जाती जातीन गावे पोड गोया; एने मोटला बाबेलोन फोम परमेश्वर काजे आवी कि चू तेरी रीसोन जलजलाहाटोन, आंगुरोन रोस हिनाक पियाळे.
जे दोस सिंगडा तू देख्यू चे दोस राजा छे बाकीन हिनुक हिमी तोक राज नी जोळ्यो, बाकीन तीना जोनावरोन पुठी घोळीभोरोन कोरता राजान तोसो होक जोळसे.
एने तेरु धोपनेन धुवाळू देखता जायीन आयळीन कोयसे, “काहनलो गाव इना मोटला गावोन तोसलो छे?”
एने आपना-आपना मुंडका पोर छोयळू नाखसे, एने रोडता जायीन एने कापता जायीन आयळी आयळीन कोयसे, “हाय, हाय, यो मोटलो गाव जेरो धोनोन लारे दोरीयान आखा जहाज वावा मालदार होय गोयला होता, घोळी भोरमा उजळी गोया.”
पोछु एक ताकत वावू सोरग दूत मोटली घट्टीन पुळन तोसु एक दोगळू चूट्यु, एने यो कोयीन दोरीयामा नाख देदू, “मोटलो गाव बाबेलोन तोसोच मोटला ताकतसी पाळाय जासे, एने ओवतेन हेरो कोबी बी पोतू नि लागे.
इनान वोजेसी एकुत दाहळामा तिना पोर पिढा आव लागसे, मतलब मोरोन, एने दुख, एने काव; एने ची आगठामा नाश कोराय जासे, काहाकि हेरु नियाववावू प्रभू परमेश्वर ताकत वावू छे.