प्रकाशित वाक्य 17:2 - बारेली पावरी

² जेरे पुठी कोवीन राजा व्यभिचार कोऱ्या, एने कोवीम रोयने वावा तेरा व्यभिचारोन मोंदसी छाक गोयला होता.”

प्रकाशित वाक्य 17:2 ပူးပေါင်းရင်းမြစ်များ

योहान 2:10

“हर एक माणूस पेहेलेत वारलो आंगुरोन रोस आपतलु छे, एने जेतार माणसे पिन छाक जातला ती, तेत्यार कोमजुर आपतला; बाकीन तू वारला आंगुरोन रोस हिमी तोक राख रोयू.”

प्रकाशित वाक्य 14:8

एने एरेन ओवतेन एक एने, दिसरू, सोरग दूत यो कोयतू जायीन आव्यु, “पोळ गोयू, चू मोटलु बाबेलोन पोळ गोयू, जू आपना भुंडला विचार कोऱ्यु रीसोन आंगुरोन रोस आखी जात्या काजे पिवाळली छे.”

प्रकाशित वाक्य 17:13

जे आखा एक मोन होयसे, एने चे आपनी-आपनी ताकत एने होक तिना जोनावर काजे आपसे.

प्रकाशित वाक्य 17:17

काहाकि परमेश्वर तिंदरा मोनोमा यो घालसे कि चे तेरी मोर्जी पुरी कोरे, एने जेतार तोक परमेश्वरोन वचन पुरो नी होये, तेत्यार तोक एक मोन होयीन आपनो राज जोनावर काजे आप दे,

प्रकाशित वाक्य 17:5

तेरा माथा पोर यो नाव लिखलो होतो, “भेद-मोटला बाबेलोन कोवीन वेश्यान एने भुंडला चीजोन आया.”

प्रकाशित वाक्य 17:8

जो जोनावर तू देखलू छे चू पेहेले ते होतु बाकीन हिमी नी होय, एने उंडा खाडामा गोथू निकवीन विनाशमा पोळसे; एने कोवीम रोयने वावा जिंदरो नाव जोगोन घोडनेन टेमे जीवनोन किताबमा लिखाय नी गोयो, तिना जोनावरोन जी दशा देखीन कि पेहेले होतु एने हिमी नी होय एने पोछु आव लागसे, नोवलाय कोरसे.”

प्रकाशित वाक्य 18:23

एने दिवान विजावो पोछो कोबी तारेमा नि चोमके, एने लाडू लाडीन बुल पोछु कोबी तारेमा सोमवाये नि; काहाकि तारा व्यापारी कोवीन प्रधान होता, एने तारा कुहराय सी आखा जात्या भुलवाय गोयला होता.

प्रकाशित वाक्य 18:3

काहाकि हेरा व्यभिचारोन भयानक आंगुरोन रोस वोजेसी आखा जात्या पोळ गोयला छे, एने कोवीन राजा तिनी पुठी व्यभिचार कोरला छे, एने कोवीन व्यापारी तेरु सुख-विलासोन जादा होयनेसी धोनवान होयला छे.

प्रकाशित वाक्य 18:9

“कोवीन राजा चे हेरे पुठी व्यभिचार एने सुख-विलास कोऱ्या, जेतार हिंदरो धोपनेन धुवाळू देखसु, ती हेरेन कोरता रोडसु एने छाती ठूकसु.

प्रकाशित वाक्य 2:22

देख, मे हिनी काजे पिढ्यापोर घालो; एने जे हेरे पुठी व्यभिचार कोरतेला छे कोदि चे भी हीनासी मोन नि फिरावे ती मे हीनु काजे मोटला दुखोमा नाखीस.

प्रकाशित वाक्य 3:10

तू मारा डीलोन वचन काजे उभराख रोयू, इनान कोरता मी बी तुसेक पारखोन तिने टेमे वाचाडीन राखीस, जू धोरतीन रोयने वावान पारखनेन कोरता आखा जोगो पोर आवने वावु छे.

प्रकाशित वाक्य 9:21

एने जोखून, एने कुहराय एने भुंडला विचार, एने चुरी चे कोरला होता, तीनामा गोथा मोन नि फिराव्या.