प्रकाशित वाक्य 17:17 - बारेली पावरी

¹⁷ काहाकि परमेश्वर तिंदरा मोनोमा यो घालसे कि चे तेरी मोर्जी पुरी कोरे, एने जेतार तोक परमेश्वरोन वचन पुरो नी होये, तेत्यार तोक एक मोन होयीन आपनो राज जोनावर काजे आप दे,

प्रकाशित वाक्य 17:17 ပူးပေါင်းရင်းမြစ်များ

लुका 22:22

काहाकि माणसोन पुऱ्यु ते जोसो तेरेन कोरता ठेरावलो गोयलो छे, बाकीन हाय तिना माणसो पोर जीनान लारे चू धोराय जातलू छे.

लुका 22:3

तेत्यार भुतडू यहुदामा भोराय गोयू, जू इस्कारीयोत कोवायतलु एने बारा चेलामा गीनायतू होतु.

लुका 22:37

काहाकि मे तुमुक कोयो, कि यो लिखलो से, चू अधोरमी साते गीनाय गोयू, तेरो मारेमा पुरो होयनो गरजोन छे, काहाकि मारे बारामा वाते पुरी होयने पोर छे.

योहान 10:35

ओगर चे तीनाक परमेश्वर कोया जिंदरेनचा परमेश्वरोन वचन पुग्यो (एने पवित्र शास्त्रान वात झुटी नि होय सोकतली),

योहान 13:18

मे तुमुक आखान बारामा नि कोयतू; जीनुक मी नेवाळ देदलु छे, तीनुक मे उवखतलु; बाकीन चू इनान कोरता छे कि पवित्र शास्त्रान यो वचन पुरो होये; यु मारू रुटू खादला, चे मार पोर लात देखाळे.

योहान 13:2

जेतार भुतडू शिमोनोन पुऱ्यु यहुदा इस्कारीयोतन मोनोमा यो नाख देदलु होतु कि चू धोरावे, ती खाणो खाणेन टेमे.

योहान 19:24

इनान कोरता चे आपोसमा कोया, “आमु इना काजे नि फाडता, बाकीन इनापोर चिठ्या नाखजे कि यु कुनीन होयसे” यो इनान कोरता होयो कि पवित्र शास्त्रामा जो कोवाय गोयलो होतो चो पुरो होये, “चे मारा डोगला आपोसमा वाट लेदा एने मारा डोगलापोर चिठ्या नाख्या.”

योहान 19:28

इनान ओवतेन येसु यो जानीन कि हिमी आखो पुरो होय गोयलो छे, इनान कोरता कि पवित्र शास्त्रमा जो कोवाय गोयलो चो पुरो होये, कोयू, “मे तीसलु छे.”

2 कुरीन्थियो 8:16

परमेश्वरोन धन्यवाद होये, जे तुमरेन कोरता जीत खुशी तीतुसोन मोनोमा मेक देदलु छे,

प्रकाशित वाक्य 10:7

नि ती सातवू सोरग दूत फेपाऱ्यो फुकने पोर होयने वावा बुलोन दाहळामा परमेश्वरोन एखलामा मेकलो मनोरथ तीना वारली खोबरोन अनसारे जू चू आपनु दास भविष्य कोरता काजे आप्या, पुरो होयसे.”

प्रकाशित वाक्य 15:1

पोछु मे सोरगोमा एक एने मोटू एने नेवलायन निशाणी देख्यू, मतलब सात सोरग दूत जिंदरे जुव सात आखरी तोकलीत होता, काहाकि तिंदरो सोर जाणेसी परमेश्वरोन रीसोन आखरी छे.

प्रकाशित वाक्य 17:13

जे आखा एक मोन होयसे, एने चे आपनी-आपनी ताकत एने होक तिना जोनावर काजे आपसे.

प्रकाशित वाक्य 19:9

तेत्यार सोरग दूत मेसे काजे कोयू, “यो लिख, कि सोयावा चे छे, जो गाडरान वियावोन खाणो खाणे बुलावला गोयला छे” पोछु चू मेसे काजे कोयू, “यो वचन परमेश्वरोन खोरलो वचन छे.”

प्रकाशित वाक्य 6:11

तीनुमा गोथो होर एक जोना काजे धोव्वा छिंदरा आपाय गोया, एने तीनु काजे कोवाय गोयो कि एने थुलिक वार तोक आराम कोरु, जेतार तोक कि तुमरे साते वावा दासे एने भाशे ये आमरे सारखा माराय जाणे वावा छे तिंदरी बी गिनती पुरी नि होय.