प्रकाशित वाक्य 16:14 - बारेली पावरी

¹⁴ यो निशाणी देखणे वावा भुंडली आत्मा छे, यो आखो जोगोन राजान साथे निकवीन इनान कोरता जातलो छे कि तीनुक आखी ताकत वावु परमेश्वर तीना मोटला दाहळान लोळायीन कोरता एखठा कोरे.

प्रकाशित वाक्य 16:14 ပူးပေါင်းရင်းမြစ်များ

मत्ती 24:14

एने राज्यान जी वारली खोबर आखा जोगोमा प्रचार कोराये जासे कि आखा जाती पोर गोवायी होये, तेत्यार आखरी आव जासे.

मत्ती 24:24

“काहाकि झुटा मसिह एने झुटा भविष्य कोरता उठीन उभरोय, एने मोटा निशाणी एने नेवलायीन काम देखाळसे, कि ओगर होय सोके ती नेवाळला माणसो काजे बी फोसाळ देसे.”

मरकुस 13:22

काहाकि झुटा मसिह एने झुटा भविष्य कोरता उठीन उबरोय से, एने चिन्हा एने चमत्कारी काम देखाळसे कि ओगर होय सोके ती नेवाळला काजे बी फोसाळ देसे.

लुका 2:1

तीनु दाहळामा औगुस्तुस केसरोनचा गोथी आग्या निकवी कि आखा जोगोन माणसोन नावे लिखाय जाय.

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

रोमी 1:8

पेहेले मे तुमरे आखान कोरीन येसु मसिहन लारे आपना परमेश्वरोन धन्यवाद कोरो, काहाकि तुमरा भुरसान वाते आखा जोगोमा होयने बाज रोय.

2 थिस्सलुनीकियो 2:9

तिना अधोरमीन आवनो भुतडान कामोन अनसारे आखा रितीसी झुटी ताकत एने निशाणी एने नेवलायन कामो साते,

1 तीमथी 4:1

पुन आत्मा साफ रितीसी कोये कि आवने वावी टेममा कोतरा माणसोन फोसाळने वावी आत्मा, एने भुंडली आत्मान शिक्षा पोर मन लागाळीन भुरसासी भटक जासे.

याकुब 3:15

यो ग्यान चो नि होय जो उपोर गोथो उतरतेलो छे, एने संसारोन, एने शरीरोन, एने भुतडान छे.

1 योहान 5:19

आमु जानतला कि आमु परमेश्वरोनचा गोथा से एने आखो जोग भुतडान वशमा छे.

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 13:3

मे तेरा मुंडकामा गोथू एक पोर ओसू मोटू घाव लागलु देख्यू जोसू चो मारेन पोर छे, एने तेरो जीव लेनेन घाव वारू होय गोयो, आखी कोवीन माणसे तिना चिल्लान पोछोव वाहरायीन चाल पोळ्या.

प्रकाशित वाक्य 16:16

एने चे तीनु काजे तिने जागे एखठू कोऱ्यु जो इब्रीमा हर-मगीदोन कोवायतेलो छे.

प्रकाशित वाक्य 16:7

पोछु मे वेदी सी यो बुल सोमव्यू, “होव, हे आखा गोथू ताकत वावा प्रभू परमेश्वर, तारू फेसलू ठीक एने खोरलू छे.”

प्रकाशित वाक्य 17:14

चे गाडरा पुठी लोळायसे, एने गाडरो तिंदरे पुठी जय हासील कोरसे, काहाकि चू प्रभून प्रभू एने राजान राजा छे, एने जे बुलावला एने नेवाळला एने विस्वासी छे, चे तेरे पुठी छे; चे बी जय हासील कोरसे.

प्रकाशित वाक्य 20:8

चू तिना जात्या काजे जे कोवीन चारू धोळे होसे, मतलब गोग एने मागोक काजे जोतरी गिनती दोरीयान रेवतो बोराबोर होसे भूलवाडीन लोळायीन कोरता एखठा कोरनेन निकवसे.

प्रकाशित वाक्य 3:10

तू मारा डीलोन वचन काजे उभराख रोयू, इनान कोरता मी बी तुसेक पारखोन तिने टेमे वाचाडीन राखीस, जू धोरतीन रोयने वावान पारखनेन कोरता आखा जोगो पोर आवने वावु छे.

प्रकाशित वाक्य 6:17

काहाकि हिंदरा दोंडोन भयानक दाहळू आव लागलु छे, हिमी कून उभरोय सोकतलो”?