प्रकाशित वाक्य 16:10 - बारेली पावरी

¹⁰ पाचवू सोरग दूत आपनो वाटको तिना चिल्लान सिहासन पोर रेचवी देदू, एने तेरा राज पोर आंदारलो होय गोयो, माणसे पिढान वजेसी आपनी-आपनी जीब चावने बाज गोया,

प्रकाशित वाक्य 16:10 ပူးပေါင်းရင်းမြစ်များ

मत्ती 13:42

एने तीनु काजे आगठान कुंडामा नाखायसे, जा सारीक रोडने एने दात पिसनो रोयसे.

मत्ती 13:50

एने तीनुक आगठान कुंडामा घालसे जा रोडनो एने दात पिसनो रोयसे.

मत्ती 22:13

तेत्यार राजा तेरा सेवक काजे कोयू, “तेरा हात पाय बांधिन तीनाक बारथे आंदारलामा नाख देवू, जा रोडणो एने दात कोकळावनो रोयसे,

मत्ती 24:51

तेत्यार चू हिना काजे भारी शिक्षा आपसे एने हेरु भाग कोपट्यान साते ठेरावसे चा रोडनो एने दात पिसणो रोयसे.

मत्ती 8:12

बाकीन राजोन पुऱ्या बारथे आंदारलामा नाखाय जासे चा रोडनो एने दात उकावने रोयसे.”

लुका 13:28

चा रोडणो एने दात कोकळावनो होसे; जेतार तुमु अब्राहाम एने इसाहाक एने याकुब एने आखा भविष्य कोरता काजे परमेश्वरोन राजमा बोस रोयला, एने आपना खुदो काजे बारथे निकावला देखसु.

1 पतरस 2:17

आखान आदर कोरु, भाशो पुठी मोंग राखू; परमेश्वर काजे बिहू, राजान सन्मान कोरु.

प्रकाशित वाक्य 11:10

कोवीम रोयने वावा हिंदरे मोरनेसी खुशीमा एने मगन रोयसे, एने एक दिसरानचा भेट मूकलसे, काहाकि जे दुय भविष्य कोरणे वावा कोवीन रोयने वावानु काजे तोकलीत आपता होता.

प्रकाशित वाक्य 11:2

बाकीन मंदीरोन बारथेलो आंगनो छुळ दे; तीनाक मा मापे काहाकि चो दिसरा जाती काजे आपाय गोयलो छे, एने चुखला गाव काजे बेचाळीस मोहना तोक रोंदवसे.

प्रकाशित वाक्य 11:8

तिंदरो धोळ तिना मोटला गावोन चौकमा पोळ रोयसे, यो आत्मिक रुपोसी सदोम एने मिसरी कोवायतेलो छे, जा हिंदरु प्रभू बी ख्रुस पोर चोळाय गोयलु होतु.

प्रकाशित वाक्य 17:17

काहाकि परमेश्वर तिंदरा मोनोमा यो घालसे कि चे तेरी मोर्जी पुरी कोरे, एने जेतार तोक परमेश्वरोन वचन पुरो नी होये, तेत्यार तोक एक मोन होयीन आपनो राज जोनावर काजे आप दे,

प्रकाशित वाक्य 17:9

जिना दिमाकोन कोरता जीनामा ग्यान छे, जीत टेम छे, चे सात मुंडका सात बोयडा छे जीना पोर ची बायोर बोस रोयी.

प्रकाशित वाक्य 18:2

चे मोटला बुलोसी आयळीन कोया, “पोळ गोयू, मोटलु बाबेल पोळ गोयलु छे, जो भुंडली आत्मान रोयनो, एने हर एक भुंडली आत्मान वस्ती, एने होर एक विटोवला एने भुंडला नी ते चिल्लान पांजरु होय गोयू.”

प्रकाशित वाक्य 18:21

पोछु एक ताकत वावू सोरग दूत मोटली घट्टीन पुळन तोसु एक दोगळू चूट्यु, एने यो कोयीन दोरीयामा नाख देदू, “मोटलो गाव बाबेलोन तोसोच मोटला ताकतसी पाळाय जासे, एने ओवतेन हेरो कोबी बी पोतू नि लागे.

प्रकाशित वाक्य 18:23

एने दिवान विजावो पोछो कोबी तारेमा नि चोमके, एने लाडू लाडीन बुल पोछु कोबी तारेमा सोमवाये नि; काहाकि तारा व्यापारी कोवीन प्रधान होता, एने तारा कुहराय सी आखा जात्या भुलवाय गोयला होता.

प्रकाशित वाक्य 8:12

चौथू सोरग दूत फेपाऱ्यो फुक्यू, एने दाहळान एक तिहाई, एने चांदोन एक तिहाई एने चांदण्यान एक तिहाई पोर सोंकोट आव्यो, न्या तोक कि हिंदरो एक तिहाई डील आंदारो होय गोयो एने दाहळान एक तिहाई मा विजावा नी रोयो, एने तोसोच रातमा बी.

प्रकाशित वाक्य 9:2

चू उंडा कुंडा काजे उगाळ्यु, एने कुंडाम गोथो मोटला भट्टी सारखु धुवाळू निकव्यू, एने कुंडान धुवाळासी दाहळू वाहवू आंदारलु होय गोयू.