प्रकाशित वाक्य 15:4 - बारेली पावरी

⁴ हे प्रभू, कून तुसे काजे नि बिहे एने तारा नावोन महिमा नि कोर? काहाकि निस्तु तूत चुखलु छे आखा जात्या उठीन तेरे ओगोव नोमोन कोरसे, काहाकि तारा नियावोन काम आव लागलो छे.

प्रकाशित वाक्य 15:4 ပူးပေါင်းရင်းမြစ်များ

रोमी 15:9

एने दिसरा जात्या बी दयान वजेसी परमेश्वरोन स्तुती कोर; जोसो लिखलो छे, “इनान कोरता मे जाती-जातीमा तारू धन्यवाद कोरीस, एने तारा नावोन भजन कोरिस.”

1 पतरस 1:16

काहाकि लिखलो छे, “चुखला बोनु, काहाकि मे चुखलु छे.”

प्रकाशित वाक्य 11:15

तेत्यार सातवू सोरग दूत फेपाऱ्यो फुक्यू, ती सोरगोमा एरा बारामा मोटला-मोटला बुले होयने बाज गोया, “जोगोन राज आमरा प्रभून एने हेरा मसिह होय गोयो, एने चू कायम राज कोरसे.”

प्रकाशित वाक्य 14:7

चू मोटला बुलोसी कोयू, “परमेश्वर सी बिहू, एने तेरी महिमा कोरु, काहाकि तेरु नाश कोरणेन टेम आव लागली छे; एने तेरु भजन कोरु, जू सोरग एने धोरती एने दोरीयान एने पाणीन झोरे बोनाव्यू.”

प्रकाशित वाक्य 16:5

तेत्यार मे पाणीन सोरग दूतो काजे यो कोयतेला सोमव्यू, “हे चुखला, जू छे एने जू होतु, तू नियाव कोरन्यू छे एने तू यो नियाव कोरलु छे.

प्रकाशित वाक्य 16:7

पोछु मे वेदी सी यो बुल सोमव्यू, “होव, हे आखा गोथू ताकत वावा प्रभू परमेश्वर, तारू फेसलू ठीक एने खोरलू छे.”

प्रकाशित वाक्य 19:2

काहाकि हेरा फेसलू खोरलु एने ठीक छे. चू तिनी मोटली वेश्यान, जी आपना व्यभिचारसी कोवी काजे भ्रष्ट कोरती होती, नियाव कोऱ्यु एने तेरे जुव गोथू आपना दासोन लुयोन बोदलु लेदलु छे.”

प्रकाशित वाक्य 19:8

हिनी काजे चुखलो एने चमकदार महीन मलमल पेहेरनेन होक आपाय गोयो” काहाकि तिना महीन मलमलोन मतलब चुखला माणसोन धोरमोन कामे छे.

प्रकाशित वाक्य 3:7

फिलादिलफियान मंडव्यान दूतो काजे यो लिख, “जे चुखला एने खोरला छे, एने जे दाऊदन कुच्या राखतलु छे, जेरा उगळला काजे कुदु बोंद नी कोर सोके एने बोंद कोरला काजे कुदू उगाळी नी सोकतो चू यो कोये कि,

प्रकाशित वाक्य 4:8

चारू जोनावरोन छोव-छोव पाखळा छे, एने चारू धोळे एने माहिय डूवात डूवा छे; एने चे रात दाहळू बिना आराम कोरे यो कोयता रोयतला, “चुखलो, चुखला, चुखला प्रभू परमेश्वर, आखा गोथू ताकत वावू, जू होतु एने जू छे एने जु आवने वावू छे.”

प्रकाशित वाक्य 6:10

चे मोटला बुलोसी आयळीन कोया, “हे स्वामी, हे चुखला एने खोरला, तू कोत्यार तोक न्याय नी कोरे? एने धोरतीन रोयने वावासी आमरा लुयोन बोदलु कोत्यार तोक नि लेये?”