प्रकाशित वाक्य 15:2 - बारेली पावरी

² तेत्यार मे आगठो मेवायलो काचो सारखो एक दोरीयु देख्यू; एने जे माणसे तिना चिल्ला पोर एने तेरी मूर्ती पोर एने तेरे नावोन आकळा पोर जीत गोयला होता, तीनुक तिना आरसीन दोरीयान साते परमेश्वरोन फेपाऱ्या काजे लीन उबरोयलु देख्यू.

प्रकाशित वाक्य 15:2 ပူးပေါင်းရင်းမြစ်များ

मत्ती 3:11

मे पाणी कोरीन तुमुक मोन फिरावने बाप्तिस्मा आपतलु, बाकीन जू मारे बादमा आवने वावु छे चू मार गोथा ताकत वावू छे; तेरा चाट्या चूटनेन बी लायक नि होय, चू तुमुक पवित्र आत्मा एने आगठासी बाप्तिस्मा आपसे.

1 पतरस 1:7

एने जो एरेन कोरता छे तुमरु पारखायलु भुरसू, जू आगठामा तातलो कोरीन नाशवान सोना गोथो बी जाफा, किमती छे, परमेश्वरोन येसु मसिह प्रकट होयने से बोळाय एने महिमा एने आदर कोरनेन ठेरावसे.

1 पतरस 4:12

हे मोंगावा, जो दुखोन आगठो तुमुक पारखने कोरता जी तुमरेमा भोळेकली छे इनासी यो सोमजीन नोवलायी मा कोरु कि कानली ओलोग घोटणा तुमरे पोर घोड रोयी.

प्रकाशित वाक्य 12:11

चे गाडरान लुयोन वोजेसी एने आपना गोवायीन वचनोन वोजेसी तिना पोर जयवंत होया, एने चे आपना जीवो काजे मोंगावू नी जाण्या, या तोक कि मोरोन बी सोहोनेन कोर लेदा.

प्रकाशित वाक्य 13:1

तेत्यार मे एक चिल्ला काजे दोरीयामा गोथो निकवतेलु देख्यू, जेरा दोस सिंगळा एने सात मुंडका होता तेरा सिंगडापोर दोस राजमुगुट, एने तेरा मुंडका पोर परमेश्वरोन बुराईन नावोसी लिखलो होतो.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 13:17

कि जीनाक जुळे तिना पोर छापू मतलब तिना चिल्लान नाव नीती तिंदरे नावोन आकळू होये, दिसरा कुदू लेन देन नि कोर सोके.

प्रकाशित वाक्य 21:18

हेरी शोरोनफनाह योशोबोन बोनावली होती, एने गाव ओसला चुखला सोनान होतो जो चुखला आरसा सारखो होतो.

प्रकाशित वाक्य 4:6

एने तिना सिहासनोन सामने माणू बिलोराण तोसो आरसा तोसो दोरीयु छे, सिहासनोन इचमा एने सिहासनोन चारू धोळे चार जोनावरे छे, तिंदरे ओगोव पोछोव डूवात डूवा छे.

प्रकाशित वाक्य 5:8

तेत्यार चू किताब ली लेदू, ती ते चार जोनावरे एने चोवीस पुढाऱ्या तिना गाडरा ओगोव पोड गोया, तीनामा गोथा होर एकोन हातमा फेपाऱ्या एने धुप, जो चुखला माणसोन प्रार्थना छे, एने भोरलो सोनान वाटका होता.