प्रकाशित वाक्य 14:4 - बारेली पावरी

⁴ चे ये छे जे बायरा पुठी विटोव होया, बाकीन कुवारु छे; जे चेत छे कि जा का गाडरो जातलो छे, चे तिनान पोछोव चाल पोळतेला; जे ते परमेश्वरोन कोरता पेहेला फोव होयनेन कोरता माणसोमा गोथो मुले लेवाय गोयला छे.

प्रकाशित वाक्य 14:4 ပူးပေါင်းရင်းမြစ်များ

मत्ती 19:12

काहाकि कुदु नपुसक ओसा छे, जे आशोन खुवामा गोथा ओसात जोनायला छे; एने काहनास ओसा छे, तीनु काजे माणसे नपुसक बोनाया; एने काहनास नपुसक ओसा छे, जे सोरगोन राजोन कोरता खुदो काजे नपुसक बोनावला छे जू इना काजे स्वीकार कोर सोकतला, चू ग्रहण कोरे.

मत्ती 25:1

सोरगोन राज “तीनु दोस कुवारीन सारखो होयसे जे तिंदरा दिवा लीन दुल्हा काजे भेटने कोरीन निकव्या.

मत्ती 8:19

तेत्यार एक शास्त्री तेरेनचा आवीन तीनाक कोयू, “हे गुरु, जा का बी तू जायीस, मे तार पोछोव आवीस”.

योहान 10:27

मारा गाडरा मारू बुल सोमवतला छे; मी तीनु काजे उवखतलु एने चे मारा पोछोव-पोछोव आवतेला छे;

योहान 12:26

ओगर कुदु मारी सेवा कोरसे ती, मारे पोछोव चालू; एने चा मे छे, चा वारू सेवक बी रोयसे ओगर कुदु मारी सेवा बी कोरसे ती, बास तेरु मान कोरसे.

योहान 13:37

पतरस तीना काजे कोयू, “हे प्रभू, मे हिमी तारे पोछोव कानली आव सोकतेलु? मे ते तारेन कोरता आपनु जीव बी आपदिस.”

योहान 8:12

येसु ओवी माणसो काजे कोयू “जोगोन विजावो मे छे; जू मार पोछोव आवसे चू आंदाराम नि चाले, बाकीन जीवनोन विजावो जोळसे.”

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

1 कुरीन्थियो 16:15

हे भाशो, तुमु स्तेफनोन घोराना काजे जानतला छे कि अखायान पेहेलो फोव छे, एने चुखला माणसोन सेवान कोरता तीयार रोयतला छे.

1 कुरीन्थियो 6:20

काहाकि दाम आपीन मुले लेवाय गोयला छे, इनान कोरता आपना डीलोन लारे परमेश्वरोन महिमा कोरु.

1 कुरीन्थियो 7:28

बाकीन कोदि तू वियाव बी कोरे, ती पाप नी होय; एने कोदि कुवारी वियाव कोराय जाय ती काय पाप नी होय बाकीन ओसला काजे डीलोन दुख होयसे, एने मे वाचाडने हिंड रोयू.

2 कुरीन्थियो 11:2

काहाकि मे तुमरा बारामा परमेश्वरोन आवाजोन आस लागाळतलु, इनान कोरता मे एकुत ओदमी पुठी तुमरी जूळावनी कोरतेलू तुमु चुखला कुवारी सारखा मसिह काजे सोप देवू.

इफिसीयो 1:14

चू तेरा मुले लेवायलान छुटकारान कोरता आमरी भागीदारी बोनावलु छे कि तेरी महिमान बडाय होये.

इफिसीयो 5:27

एने तीनाक ओसी चोमोकने वावी मंडवी बोनावीन आपनेनचा उबरोये; जीनाक नी डाग, सुरकुती नी काहीन ओसी चीज होय पुन चुखला एने निरदोष होये.

1 तीमथी 4:3

जू वियाव कोरनेसी रुकसे, एने खाणेन दिसरा चीजे अलग रोयनेन आग्या आपसे, जीनुक परमेश्वर इनान कोरता सजाड्यू कि एने खोरला पारखन्या काजे धन्यवादन साते खासे.

इब्रानियो 12:23

एने महासभा एने तीनु पेहेला पुऱ्यान मंडवीनचा जेरो नाव सोरगोमा लिखायली छे, एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

याकुब 1:18

हेरी मोर्जीसी आमुक खोरो वचनोन लारे पोयदा कोऱ्यु काहाकि आमु तेरी बोनावला चीजो पोर से एक भातीन पेहलु फोव छे.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.

प्रकाशित वाक्य 17:14

चे गाडरा पुठी लोळायसे, एने गाडरो तिंदरे पुठी जय हासील कोरसे, काहाकि चू प्रभून प्रभू एने राजान राजा छे, एने जे बुलावला एने नेवाळला एने विस्वासी छे, चे तेरे पुठी छे; चे बी जय हासील कोरसे.

प्रकाशित वाक्य 21:22

मे हेरो काहनलो मंदीर नि देख्यू, काहाकि आखा गोथू ताकत वावू प्रभू परमेश्वर एने गाडरो हेरो मंदीर छे.

प्रकाशित वाक्य 21:23

तिना गावमा सूर्यान एने चांदोन विजावान गोरोज नी होय, काहाकि परमेश्वरोन तेजोसी तिनामा विजावो होयलो छे, एने गाडरु हिंदरु दिवू छे.

प्रकाशित वाक्य 3:4

बाकीन होव, सर्दीसमा तारेनचा कहनास ओसा माणसे छे, चे तिंदरा-तिंदरा छिंदरा विटोव नी कोऱ्या, चे धोव्वा छिंदरा पेहेरीन मारे साते हिंडसे, काहा जे इनान लायक छे.

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,