प्रकाशित वाक्य 14:15 - बारेली पावरी

¹⁵ एने एक एने सोरग दूत मंदीरमा गोठू निकवीन, जू वादवा पोर बोसलु होतु, मोटला बुलोसी आयळीन कोयू, “आपनु दातवू लागाळीन वेरनी कोर, काहाकि वेरनीन टेम आव लागली छे, इनान कोरता कि धोरतीन खेतोमा पाक गोयलो छे.”

प्रकाशित वाक्य 14:15 ပူးပေါင်းရင်းမြစ်များ

मत्ती 13:30

काटनेण दाहळे तोक दुयो काजे मोटा होयने दे, एने काटनेण टेमे काटने वावा काजे कोयीस पेहेले जंगली दाना वावा रूपे एखठा कोरीन बावनेन कोरता तिंदरा पुवा बांद लेवू, एने गोहू काजे मारा कुठारामा एखठा कोरु.

मत्ती 13:39

जू दुष्मोन तीनु काजे वेऱ्यु चू भुतडू छे; काटनी जोगोन आखरी छे, एने काटनी कोरणे वावु सोरग दूत छे.

मत्ती 23:32

आखरी तुमु आपना बाप दादान पापोन घोळू भोर देवू.

मरकुस 4:29

बाकीन जेतार दाणा पाक जातेला छे, तेत्यार चू तेत्यारुत दातवू घालतेलु छे, काहाकि काटनी आव लागली छे.”

1 थिस्सलुनीकियो 2:16

एने चे दिसरा जातीसी तिंदरू छुटकारान कोरता वाते कोरणेसी आमुक रुके कि कायम आपना पापोन माप भोरता रोये; पुन तीनु पोर परमेश्वरोन घोन मोटू दोंड आवतेलु छे.

प्रकाशित वाक्य 11:19

तेत्यार परमेश्वरोन यो मंदीर सोरगमा छे, उगळी गोयो, एने तेरा मंदीरमा तेरी वायदान संदूक देखाय पोळ्यो; एने वीजव्या एने बुल एने गाजनो एने भूकंपो होयो एने मोटला गारा पोळ्या.

प्रकाशित वाक्य 13:12

चू तिना पेहला जोनावरोन आखू होक तेरे सामने कामोमा लावतू होतु; एने कोवी एने तेरेमा रोयने वावासी तिना पेहला चिल्लान, जेरु जीव लेने वावू वारू होय गोयलु होतु, पूजा कोरतू होतु.

प्रकाशित वाक्य 14:14

मे नोजोर नाख्यू एने देखू, एक विजावो वादवो छे, एने तिना वादवा पोर माणसोन पुऱ्या सारखो एने बोस रोयू, जेरा मुंडका पोर सोनान मुकुट एने हातोमा धार वावू दातवु छे.

प्रकाशित वाक्य 14:16

आखरी, जू वादवा पोर बोसलु होतु चू कोवी पोर आपनु दातवू लागाळयू, एने कोवीन वेरनी कोराय गोयी.

प्रकाशित वाक्य 14:17

पोछु एने एक सोरग दूत तिना मंदीरमा गोथू निकव्यू जू सोरगोमा छे, एने तेरे जुव बी धार वावू दातवू होतु.

प्रकाशित वाक्य 14:18

एने एक एने सोरग दूत जीनाक आगठापोर होक होतु, वेदीमा गोथू निकव्यू, एने जेरे जुव धार-धार दातवू होतु तिना पुठी उचला बुलोसी कोयू, “आपना धारदार दातवू लागाळीन कोवीन आंगुरोन वेलान गुछा काट लेवू काहाकि तिंदरा आंगुरोन वेला पाक गोयला छे.”

प्रकाशित वाक्य 15:6

एने चे सात सोरग दूत जिंदरे साते सात तोकलीत होता, मलमल पोर सोनान पट्या बांधीन मंदीरमा गोथा निकव्या.

प्रकाशित वाक्य 16:17

सातवू सोरग दूत तेरो वाटको वाहवा पोर रेचवी देदू, एने मंदीरोन सिहासन गोथू यो बुल सोमवायो, “होय.”

प्रकाशित वाक्य 6:10

चे मोटला बुलोसी आयळीन कोया, “हे स्वामी, हे चुखला एने खोरला, तू कोत्यार तोक न्याय नी कोरे? एने धोरतीन रोयने वावासी आमरा लुयोन बोदलु कोत्यार तोक नि लेये?”