प्रकाशित वाक्य 14:10 - बारेली पावरी

¹⁰ चू परमेश्वरोन रीसोन आंगुरोन रोस, जो तेरा वाटकामा घालाय गोयलो छे, पिसे एने चुखला सोरग दूतोन सामने एने गाडरान सामने आगठो एने गंधकोण वेलामा पोळसे.”

प्रकाशित वाक्य 14:10 ပူးပေါင်းရင်းမြစ်များ

मत्ती 20:22

येसु जोवाब आप्यू, “तुमु नि जानतला कि काय मांगतला जू प्यालू मे पिणे पोर छे, काय तुमु पी सोकतला?” चे तीना काजे कोया, “पी सोकतला छे.”

मत्ती 25:41

“तेत्यार चू डाखऱ्या धोळे वावा काजे कोयसे, ‘हे शापित माणसो मारे ओगोव गोथा तिना ओमोरकाईन आगठामा जात रोयू जो भुतडान एने तेरा दूतोन कोरता तीयार कोरलो छे,

मत्ती 26:39

ओवतेन येसु थुलूक ओगु जायीन उबळू पोळ गोयू; एने जी प्रार्थना कोऱ्यु, कि हे मारा बास ओगर होय सोके ती यो दुख मारेनचा गोथो तोव जाय बाकीन जोसो मे लागे तोसो नि बाकीन जोसो तूसेक लागे तोसोत होयने दे.”

मरकुस 8:38

जू कुदू जे भुंडला विचारे एने पापी जातीन इचमा मेसेक एने मारी वातो काजे लाजवायसे, माणसोन पुऱ्यु बी तेत्यार चू चुखला सोरग दूत पुठी आपना बासोन महिमा साते आवसे, तेतार तीनाक बी लाजवाळसे.”

मरकुस 9:44

जा तिंदरा कीळा नि मोरतेला एने आगठो नि उलवायतेलो.

प्रेषित 10:22

चे कोया कुरनेलियुस सुभेदार जू धोरमी एने परमेश्वरोक बिहीने वावू एने आखा यहुदि जातीमा धोरमी माणूस छे, चू एक चुखला सोरग दूतो सी यो दर्शन देखलू कि तुसेक आपने घोर बुलावीन तारा मुयसी वचन सोमवे.

2 थिस्सलुनीकियो 1:7

एने तुमु जे तोकलीत झेलतला, आमरे पुठी आराम आपे; तिने टेमे जेतार कि प्रभू येसु आपना ताकत वावा दूतो साते हुळू-हुळू धापतला आगठामा सोरगोमा गोथू प्रकट होयसे,

यहुदा 1:7

जिना रितीसी सदोम एने गोमोरा एने हिंदरा साते वावा गाव, जे हिंदरेन तोसो भुंडला विचार वावा होय गोयलो होतो एने पारका डीलो पोछोव लाग गोयला होता, आगठान ओमोरकाईन दोंडमा पोळीन दाखलु बोन गोयला छे.

प्रकाशित वाक्य 15:7

तिना चारू जोनावरमा एक तीनु सात सोरग दूत काजे परमेश्वर, जू कायम जीवतलु छे, कि रीससी भोरला सात वाटका आप्यू;

प्रकाशित वाक्य 16:19

इनासी तिना मोटला सोहोरोन तीन तुकडा होय गोया, एने जाती जातीन गावे पोड गोया; एने मोटला बाबेलोन फोम परमेश्वर काजे आवी कि चू तेरी रीसोन जलजलाहाटोन, आंगुरोन रोस हिनाक पियाळे.

प्रकाशित वाक्य 18:3

काहाकि हेरा व्यभिचारोन भयानक आंगुरोन रोस वोजेसी आखा जात्या पोळ गोयला छे, एने कोवीन राजा तिनी पुठी व्यभिचार कोरला छे, एने कोवीन व्यापारी तेरु सुख-विलासोन जादा होयनेसी धोनवान होयला छे.

प्रकाशित वाक्य 18:6

जोसू चू तुमुक आपलु छे तोसोच हिना काजे आप, एने तेरा कामोन अनसारे हिनाक दुय गुणा बोदलाव देवू; जिना वाटकामा चू भोरीन आपलु होतु तीनामा हिनाक दुय गुणा भोर देवू.

प्रकाशित वाक्य 19:15

जाती-जाती काजे मारनेन कोरता तेरा मुयोमा गोथी एक धार वावी तोलवार निकवतली छे चू लुहळान राज दोंड लीन हिंदरे पोर राज कोरसे, एने आखा गोथो ताकतवान परमेश्वर भयानक रीसोन जलजलाहटन आंगुरोन रोसोन कुंडामा आंगुरोन रोस रोंदवसे.

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 20:10

तीनुक भूलवावने वावु भुतडू आखठो एने गंधकोण तिना झीलमा, जिनामा चू जोनावर एने झुटू भविष्य कोरणे वावू बी होसे, घालाय जासे; एने चे रात दाहळू कायम पिढामा तोडपता रोयसे.

प्रकाशित वाक्य 20:14

मोरनो एने अधोलोक बी माणसे आगठान झीलमा घालाय गोया जो आगठान झील दुसरो मोरोन छे;

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.