5 मोटला बुले बुलने एने बुराई कोरनेन कोरता तीनाक एक मूय आपाय गोयो, एने तीनाक बेचाळीस मोहना तोक काम कोरनेन होक आपाय गोयो.
काहना रितीसी, कुदान धोकामा नि आवनो काहाकि चू दाहळू नि आवे जा तोक धोरमोन त्याग नि होये, एने चू अधोरमी माणूस मतलब नाशोन पुऱ्यु प्रगट नि होये.
जे विरोध कोरतेला छे, एने होर एक साते जे परमेश्वरोन आराधना कोवायतेलो छे, खुदो काजे मोटलु ठेरावतलु छे, न्या तोक कि चू परमेश्वरोन मंदीरमा बोसीन खुदो काजे परमेश्वर ठेरावतलु छे.
तेत्यार चू अधोरमी प्रगट होयसे, जीनाक प्रभू येसु तेरा मुयोसी फुकिन मार नाखसे, एने तेरा आवनेन तेजोसी भस्म कोरसे.
जेतार चे आपनी गोवायी आप सोके, ती चो जोनावर जिना उंडा खाडामा गोथू निकवसे तिंदरे पुठी लोळायीन तीनुक जीकसे एने हिनुक मार नाखसे.
बाकीन तिनी बायर काजे मोटला घुवळान दुय पाखळा आपाय गोया कि घोळसान ओगोव गोथू उळीन बोयळामा तिनी जागाम पुग जाय, जा चू एक टेम एने टेमोन, एने आदा टेम तोक पावाय जाय.
एने ची बायोर बोयळा भूनी ढास गोयी जा परमेश्वरोन भूनी गोथी तेरेन कोरता एक जागा तोयार कोराय गोयली होती कि चा एक हजार दुय सोव साठ दाहळा तोक पावाय जाय.
तीनाक यु बी होक आपाय गोयू कि चुखला माणसोसी लोळाये एने तिंदरे पोर जय हासील कोरे, एने तीनाक होर एक जातीन एने माणसे एने भाषा एने जाती पोर होक आपाय गोयो.