प्रकाशित वाक्य 13:15 - बारेली पावरी

¹⁵ तीनाक तिना जोनावरोन मूर्तीमा जीव घालनेन होक आपाय गोयो कि चिल्लान मूर्ती बुलने बाज जाय, एने जोतरा माणसे तिना चिल्लान मूर्तीक पूजा नि कोरे, तीनाक छापू देवाळ देय.

प्रकाशित वाक्य 13:15 ပူးပေါင်းရင်းမြစ်များ

याकुब 2:26

आखरी जोसो डील आत्मा बिगर मोरली छे, तोसो भुरसू कामो बिगुर मोरलु छे.

प्रकाशित वाक्य 13:1

तेत्यार मे एक चिल्ला काजे दोरीयामा गोथो निकवतेलु देख्यू, जेरा दोस सिंगळा एने सात मुंडका होता तेरा सिंगडापोर दोस राजमुगुट, एने तेरा मुंडका पोर परमेश्वरोन बुराईन नावोसी लिखलो होतो.

प्रकाशित वाक्य 13:12

चू तिना पेहला जोनावरोन आखू होक तेरे सामने कामोमा लावतू होतु; एने कोवी एने तेरेमा रोयने वावासी तिना पेहला चिल्लान, जेरु जीव लेने वावू वारू होय गोयलु होतु, पूजा कोरतू होतु.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 14:11

“तिंदरा तोकलीतोन धुवाळू कायम उळतू रोयसे, एने जू तिना चिल्लान एने मूर्तीन पूजा कोरतेला, एने जे हेरा नावोन छाप लेतला छे, तीनुक रात दाहळे चेन नी जोळे.”

प्रकाशित वाक्य 14:9

पोछो इंदरे ओवते एक एने, दिसरू सोरग दूत मोटला बुलोसी यो कोयतू जायीन आव्यु, “जो कुदू तिना चिल्लान एने तेरी मूर्तीन पूजा कोरे, एने आपना माथा नीती आपने हातो पोर तिनान छापू लेये.

प्रकाशित वाक्य 16:2

आखरी, पेहलू सोरग दूत जायीन तेरी वाटकी कोवी पोर जायीन पोखडी देदू तेत्यार तिना माणसोन, जिंदरे पोर चिल्लान छापा होता एने जो तेरी मूर्तीन पूजा कोरता होता, तिंदरे पोर एक भातीन भुंडलो एने दुख देणे वावु फुडू निकव्यू.

प्रकाशित वाक्य 16:5

तेत्यार मे पाणीन सोरग दूतो काजे यो कोयतेला सोमव्यू, “हे चुखला, जू छे एने जू होतु, तू नियाव कोरन्यू छे एने तू यो नियाव कोरलु छे.

प्रकाशित वाक्य 17:14

चे गाडरा पुठी लोळायसे, एने गाडरो तिंदरे पुठी जय हासील कोरसे, काहाकि चू प्रभून प्रभू एने राजान राजा छे, एने जे बुलावला एने नेवाळला एने विस्वासी छे, चे तेरे पुठी छे; चे बी जय हासील कोरसे.

प्रकाशित वाक्य 17:17

काहाकि परमेश्वर तिंदरा मोनोमा यो घालसे कि चे तेरी मोर्जी पुरी कोरे, एने जेतार तोक परमेश्वरोन वचन पुरो नी होये, तेत्यार तोक एक मोन होयीन आपनो राज जोनावर काजे आप दे,

प्रकाशित वाक्य 17:6

मे तिनी बायर काजे चुखला माणसोन लुय एने येसुन गोवान लुय पिणेसी छाकली देख्या; तिनीक देखीन मे नोवलाय गोयू.

प्रकाशित वाक्य 18:20

“हे सोरग, एने चुखला माणसे, एने प्रेषितोन, एने भविष्य कोरता, तिना पोर खुशी कोरु, काहाकि परमेश्वर नियाव कोरीन तिनी जुव गोथू यु बोदलू लेदलु छे.”

प्रकाशित वाक्य 18:24

भविष्य कोरता एने चुखला माणसे, एने धोरती पोर आखा खुन कोरलान लुय तीनुमा देखाय पोळ्यो.”

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 20:4

ओवतेन मे सिहासन देख्यू, एने तिना पोर माणसे बोस गोया, एने तीनुक नियाव कोरनेन होक आपाय गोयू, मे तिंदरी आत्मा काजे बी देख्यू, जिंदरा मुंडका येसुन गोवायी देणे एने परमेश्वरोन वचनोन वोजेसी काटाय गोयला होता, एने जे नी तिना जोनावरोन, एने नी तेरा मूर्तीन पूजा होती. एने नी तेरा छापू आपना निंडावा पोर एने हातो पोर ली लेदला होता. चे जीवतला होयीन मसिह साते होजार साल तोक राज कोरता रोये.