प्रकाशित वाक्य 13:14 - बारेली पावरी

¹⁴ तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 13:14 ပူးပေါင်းရင်းမြစ်များ

2 थिस्सलुनीकियो 2:4

जे विरोध कोरतेला छे, एने होर एक साते जे परमेश्वरोन आराधना कोवायतेलो छे, खुदो काजे मोटलु ठेरावतलु छे, न्या तोक कि चू परमेश्वरोन मंदीरमा बोसीन खुदो काजे परमेश्वर ठेरावतलु छे.

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 13:1

तेत्यार मे एक चिल्ला काजे दोरीयामा गोथो निकवतेलु देख्यू, जेरा दोस सिंगळा एने सात मुंडका होता तेरा सिंगडापोर दोस राजमुगुट, एने तेरा मुंडका पोर परमेश्वरोन बुराईन नावोसी लिखलो होतो.

प्रकाशित वाक्य 13:15

तीनाक तिना जोनावरोन मूर्तीमा जीव घालनेन होक आपाय गोयो कि चिल्लान मूर्ती बुलने बाज जाय, एने जोतरा माणसे तिना चिल्लान मूर्तीक पूजा नि कोरे, तीनाक छापू देवाळ देय.

प्रकाशित वाक्य 13:8

कोवीन चे आखा रोयने वावा, जिंदरे नावे तिना गाडरा काजे जीवनोन किताबमा लिखाय नी गोयो जू जोगोन पेहलेत टेमे घात होयलू छे, तिना चिल्लान पूजा कोरसे.

प्रकाशित वाक्य 14:11

“तिंदरा तोकलीतोन धुवाळू कायम उळतू रोयसे, एने जू तिना चिल्लान एने मूर्तीन पूजा कोरतेला, एने जे हेरा नावोन छाप लेतला छे, तीनुक रात दाहळे चेन नी जोळे.”

प्रकाशित वाक्य 14:9

पोछो इंदरे ओवते एक एने, दिसरू सोरग दूत मोटला बुलोसी यो कोयतू जायीन आव्यु, “जो कुदू तिना चिल्लान एने तेरी मूर्तीन पूजा कोरे, एने आपना माथा नीती आपने हातो पोर तिनान छापू लेये.

प्रकाशित वाक्य 15:2

तेत्यार मे आगठो मेवायलो काचो सारखो एक दोरीयु देख्यू; एने जे माणसे तिना चिल्ला पोर एने तेरी मूर्ती पोर एने तेरे नावोन आकळा पोर जीत गोयला होता, तीनुक तिना आरसीन दोरीयान साते परमेश्वरोन फेपाऱ्या काजे लीन उबरोयलु देख्यू.

प्रकाशित वाक्य 16:13

एने मे तीना अजगरोन मुयोसी, एने तिना झुटा भविष्य कोरतान मुयोसी तीन भुंडली आत्मा डेटकान रूपोमा निकेवतेलो.

प्रकाशित वाक्य 16:2

आखरी, पेहलू सोरग दूत जायीन तेरी वाटकी कोवी पोर जायीन पोखडी देदू तेत्यार तिना माणसोन, जिंदरे पोर चिल्लान छापा होता एने जो तेरी मूर्तीन पूजा कोरता होता, तिंदरे पोर एक भातीन भुंडलो एने दुख देणे वावु फुडू निकव्यू.

प्रकाशित वाक्य 18:23

एने दिवान विजावो पोछो कोबी तारेमा नि चोमके, एने लाडू लाडीन बुल पोछु कोबी तारेमा सोमवाये नि; काहाकि तारा व्यापारी कोवीन प्रधान होता, एने तारा कुहराय सी आखा जात्या भुलवाय गोयला होता.

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 2:10

जे दुख तुसेक झेलणो पोळसे, तीनु काजे मा बिहे काहाकि देखू, भुतडू तुमरेमा गोथू काहनास काजे जेल खाणामा घालणेमा छे, काहाकि तुमु पारखाय जावू एने तुमु काजे दोस दाहळा तोक दुख झेलणो पोळसे जीव आपता तोक विश्वासी रोयजी, ती मे तुसेक जीवनोन मुकुट आपीस.

प्रकाशित वाक्य 20:10

तीनुक भूलवावने वावु भुतडू आखठो एने गंधकोण तिना झीलमा, जिनामा चू जोनावर एने झुटू भविष्य कोरणे वावू बी होसे, घालाय जासे; एने चे रात दाहळू कायम पिढामा तोडपता रोयसे.

प्रकाशित वाक्य 3:10

तू मारा डीलोन वचन काजे उभराख रोयू, इनान कोरता मी बी तुसेक पारखोन तिने टेमे वाचाडीन राखीस, जू धोरतीन रोयने वावान पारखनेन कोरता आखा जोगो पोर आवने वावु छे.