प्रकाशित वाक्य 12:9 - बारेली पावरी

⁹ तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 12:9 ပူးပေါင်းရင်းမြစ်များ

मत्ती 13:39

जू दुष्मोन तीनु काजे वेऱ्यु चू भुतडू छे; काटनी जोगोन आखरी छे, एने काटनी कोरणे वावु सोरग दूत छे.

मत्ती 24:24

“काहाकि झुटा मसिह एने झुटा भविष्य कोरता उठीन उभरोय, एने मोटा निशाणी एने नेवलायीन काम देखाळसे, कि ओगर होय सोके ती नेवाळला माणसो काजे बी फोसाळ देसे.”

मत्ती 25:41

“तेत्यार चू डाखऱ्या धोळे वावा काजे कोयसे, ‘हे शापित माणसो मारे ओगोव गोथा तिना ओमोरकाईन आगठामा जात रोयू जो भुतडान एने तेरा दूतोन कोरता तीयार कोरलो छे,

मत्ती 4:1

तेत्यार परमेश्वरोन आत्मा येसु काजे बोयळामा लीगोयू काहाकि भुतडासी तेरी पारख होये.

मत्ती 4:10

तेत्यार येसु तीना काजे कोयू, “हे भुतडा नांबे होय जा, काहाकि लिखलो छे, तू प्रभू आपना परमेश्वर काजे नमस्कार कोर, एने निस्तु तेरीत आराधना कोर.”

मत्ती 4:5

तेत्यार भुतडू तीनाक चुखला सोहोरोमा लीगोयू एने मंदीरोन काठोपोर उभू कोऱ्यु,

मत्ती 4:8

ओवतेन भुतडू तीनाक घोना सोवटा उचला बोयळा पोर लीगोयू एने आखा जोगोन राज एने तेरो कला देखाळीन

लुका 10:18

येसु तीनु काजे कोयू, मे भुतडा काजे विजवीन तोसु सोरगोमा गोथू पोळतेलु देख रोयू होतु.

लुका 13:16

“ती काय वारू नि होतो कि ची बायर जी अब्राहामन बेटीस छे जीनीक भुतडू आठरा सालोसी बांदीन मेक रोयू होतु, शब्बाथोन दाहळे इना बंधनमा गोथी छुळवाय जाय?”

लुका 22:3

तेत्यार भुतडू यहुदामा भोराय गोयू, जू इस्कारीयोत कोवायतलु एने बारा चेलामा गीनायतू होतु.

लुका 22:31

“शिमोन हे शिमोन देख, भुतडू तुमु माणसो काजे मांग लेदलु छे कि गोहून तोसो झाडे,

लुका 8:12

वाटी धोळे वावो चे जे छे, जे सोमव्या; तेत्यार भुतडा आवीन तिंदरे मोनोमा गोथो वचन चुटीन ली जाती रोयतलु कि कोदि ओसो नि होये कि चे भुरसू कोरीन छुटकारू लेये.

योहान 12:31

हिमी इना जोगोन नियाव होयसे, हिमी इना जोगोन सरदार; निकवाय जासे.

योहान 14:30

मे हिमी तुमरे साते ओवी वाते नि कोरो, काहाकि इना जोगोन सरदार आव रोयू मारे पोर तेरु काय होक नी होय;.

योहान 16:11

नियावोन बारामा इनान कोरता कि जोगोन सरदार गुणावू ठेराय गोयलु छे.

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

प्रेषित 5:3

पतरस कोयू हे हनन्या! भुतडो तारा मोनोमा जी वात काहा नि कोयू कि तू पवित्र आत्माक झूट बुलने एने जागान दामोमा गोथो काहीन निकावीन मेक लेदू.

रोमी 16:18

काहाकि ओसला माणसे आमरा प्रभू मसिहन नी, बाकीन आपना पेटोन सेवा कोरतेला छे; एने चिकनी चूपडी वातोसी सुदा-सादा मोनोन माणसो काजे बोहोकाव देतला.

रोमी 16:20

शांतीन परमेश्वर भुतडा काजे तुमरा पायोसी मामार छेंद देसे आमरा प्रभू येसु मसिहन दया तुमरे पोर होयती रोये.

2 कुरीन्थियो 11:14

जी काहीन नोवलायीन वात नी होय काहाकि भुतडू खुद भी तेजस्वी सोरग दूतोन रूप धारण कोरतेलू.

2 कुरीन्थियो 11:3

बाकीन मे बिहतेलु कि जोसू घोळसु आपनी चोतूरायसी हव्वा बायर काजे फोसाळ्यु, तोसुत तुमरो मोन इना सुधा एने चुखलासी जे मसिह साते होयनो जुवे, काहनोत नाश नी होयनो जुवे.

2 कुरीन्थियो 12:7

इनान कोरता कि देखाळला वातोसी मे जादासी फुल नी जाम, मारा डीलोमा एक काटू गुपाय गोयू, मतलब भुतडान एक दुत मेसेक धुमा देदू काहाकि मे फुल नी जाम.

2 कुरीन्थियो 2:11

कि भुतडान आपनेपोर डाव नी चाले काहाकि आमु तेरे युक्ती सी अनजानला नी होय.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

इफिसीयो 4:14

काहाकि आपनु ओगा पुऱ्या नी रोये चे माणसोन झुटा विद्या एने हुशारीमा तिंदरा भ्रोमोन विचारोन एने प्रचारोन होर एक वावाक उछवाय जाय इंखुर तिन्खुर फिराव देतला छे.

2 थिस्सलुनीकियो 2:3

काहना रितीसी, कुदान धोकामा नि आवनो काहाकि चू दाहळू नि आवे जा तोक धोरमोन त्याग नि होये, एने चू अधोरमी माणूस मतलब नाशोन पुऱ्यु प्रगट नि होये.

1 तीमथी 2:14

एने आदोम बहकावमा नी आव्यु बाकीन बायर बहकावमा आवीन गुणावी होय गोयी.

2 तीमथी 3:13

पुन दुष्ट एने भडकावने वावा धोकू देतला एने धोकू खातला, बिगडी जातला.

इब्रानियो 2:14

आखरी; जिना रितीसी पुऱ्या मास एने लुयोन सहभागीता छे, ती चू खुद बी तीना रितीसी सहभागी होय गोयू, कि मोरोनोन लारे तीनाक मोरने पोर ताकत जोळी मतलब भुतडा काजे रिकामो कोर देये.

1 पतरस 5:8

शांत एने सावध रोयू, तुमरु दुष्मोन भुतडा डोखारनेवावा नाहारो सारखो इना हेरमा रोयतलु छे, कि कुदा काजे फाडीन खाम.

1 योहान 5:19

आमु जानतला कि आमु परमेश्वरोनचा गोथा से एने आखो जोग भुतडान वशमा छे.

यहुदा 1:9

बाकीन प्रधान सोरग दूत मिकाईल, जेतार भुतडासी मुसान धोळन बारामा वाद विवाद कोऱ्यु, ती तीनाक भुंडो-भुंडो कोयीन गुणू लागाळनेन हिंमत नि कोऱ्यु बाकीन यो कोयू, “प्रभू तुसेक लोळे.”

प्रकाशित वाक्य 12:12

इनान वोजेसी हे सोरग एने तीनामा रोयने वावा, मगन छे; हे धोरती, एने दरियु, तुमरे पोर हाय, काहाकि भुतडू मोटला रीसो पुठी तुमरे जुव उतरीन आवलु छे, काहाकि जानतलु छे कि तेरु थुलिक टेम रोय-रोय.

प्रकाशित वाक्य 12:3

एक एने चिन्ह सोरगोमा देखाय पोळ्यु; एने देखू एक मोटलु रातलु अजगर होतु, जेरा सात मुंडका एने दस सिंगडा होता, एने तेरा मुंडका पोर सात राजमुगुट होता.

प्रकाशित वाक्य 12:7

एने सोरगमा लोळाय होयी, मिकाईल एने तेरा सोरग दूत, अजगर पुठी लोळायने निकव्या; एने अजगर एने तेरा दुते तेरे पुठी लोळाया,

प्रकाशित वाक्य 12:8

बाकीन जीत नी होयी एने सोरगमा तिंदरेन कोरता पोछि जागा नी रोयी.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 16:14

यो निशाणी देखणे वावा भुंडली आत्मा छे, यो आखो जोगोन राजान साथे निकवीन इनान कोरता जातलो छे कि तीनुक आखी ताकत वावु परमेश्वर तीना मोटला दाहळान लोळायीन कोरता एखठा कोरे.

प्रकाशित वाक्य 18:2

चे मोटला बुलोसी आयळीन कोया, “पोळ गोयू, मोटलु बाबेल पोळ गोयलु छे, जो भुंडली आत्मान रोयनो, एने हर एक भुंडली आत्मान वस्ती, एने होर एक विटोवला एने भुंडला नी ते चिल्लान पांजरु होय गोयू.”

प्रकाशित वाक्य 18:23

एने दिवान विजावो पोछो कोबी तारेमा नि चोमके, एने लाडू लाडीन बुल पोछु कोबी तारेमा सोमवाये नि; काहाकि तारा व्यापारी कोवीन प्रधान होता, एने तारा कुहराय सी आखा जात्या भुलवाय गोयला होता.

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 2:24

बाकीन तुमु थुआतीरा रोयला माणसो काजे, जोतरा इना शिक्षा काजे नी मानतला एने ती नी वात काजे जीनुक भुतडान उंडली वाते कोयतेला छे नी जानतला, यो कोय कि मे तुमरे पोर एने भार नी मेको.

प्रकाशित वाक्य 2:9

‘मे तारा दुख एने गोरीबी काजे जानतलु छे (बाकीन तू धोन वावू छे,) एने जे माणसे आपना खुदो काजे यहुदि कोयतेला छे एने होय नी, बाकीन भुतडान मीटिंग छे, तिंदरे बुराई काजे बी जानतलु छे.’”

प्रकाशित वाक्य 20:10

तीनुक भूलवावने वावु भुतडू आखठो एने गंधकोण तिना झीलमा, जिनामा चू जोनावर एने झुटू भविष्य कोरणे वावू बी होसे, घालाय जासे; एने चे रात दाहळू कायम पिढामा तोडपता रोयसे.

प्रकाशित वाक्य 20:8

चू तिना जात्या काजे जे कोवीन चारू धोळे होसे, मतलब गोग एने मागोक काजे जोतरी गिनती दोरीयान रेवतो बोराबोर होसे भूलवाडीन लोळायीन कोरता एखठा कोरनेन निकवसे.

प्रकाशित वाक्य 3:9

“देख, मे भुतडान तीनु स्वभाव वावानुक काजे तारा ताबामा कोर दिस जे यहुदि बोनीन बोसला छे, बाकीन होय नी तेत्यार झूट बुलतला छे-देख, मे ओसो कोरिस कि चे आवीन तारा पायो पोर पोळसे, एने यो जान लेसे कि मे तुमरे पोर मोंग कोरलु छे.

प्रकाशित वाक्य 9:1

जेतार पाचवू सोरग दूत फेपाऱ्यो फुक्यू, ती मे सोरग गोथू कोवी पोर एक चांदणी पोळतेली देख्यू, एने तीनाक उंडा कुंडान कुची आपाय गोयी.

प्रकाशित वाक्य 9:20

बाकी माणसे जे तिना महामारीसी नि मोऱ्या, आपना हातोन कामोसी मोन नि फिराव्या, कि भुंडली आत्मान, एने सोनो एने चांदी एने पितोव एने दोगळान एने काठोन मूर्तीन पूजा नी कोरे यो नी देखे, नी सोमवे, नी चाल सोकतली छे.