प्रकाशित वाक्य 12:4 - बारेली पावरी

⁴ तेरो चो मूय वादवान तारा काजे एक तिहाई काजे हापकीन धोरती पोर घाल देदू, चू अजगर तीना बायरोन सामने यो च्या होती उबरोय गोयू कि जेतार ची पुऱ्या काजे जोने ती तिना पुऱ्या काजे गिव जाय.

प्रकाशित वाक्य 12:4 ပူးပေါင်းရင်းမြစ်များ

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

1 पतरस 5:8

शांत एने सावध रोयू, तुमरु दुष्मोन भुतडा डोखारनेवावा नाहारो सारखो इना हेरमा रोयतलु छे, कि कुदा काजे फाडीन खाम.

प्रकाशित वाक्य 12:7

एने सोरगमा लोळाय होयी, मिकाईल एने तेरा सोरग दूत, अजगर पुठी लोळायने निकव्या; एने अजगर एने तेरा दुते तेरे पुठी लोळाया,

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 13:2

जो चिल्ला मे देख्यू चो चिता सारखो होतो एने तेरु पाय रिछडान सारखो एने मूय वाघो सारखो होतो चू अजगर तेरा ताकत एने तेरा सिहासन एने मोटो होक तीनाक आप्या.

प्रकाशित वाक्य 13:4

माणसे अजगरोन पूजा कोऱ्या, काहाकि चे चिल्ला काजे आपनु होक आप देदलु होतु, एने यो कोयीन चिल्लान पूजा कोऱ्या, “इना चिल्लान सारखो कून छे? कून इना पुठी लोळाय सोकतलु?”

प्रकाशित वाक्य 16:13

एने मे तीना अजगरोन मुयोसी, एने तिना झुटा भविष्य कोरतान मुयोसी तीन भुंडली आत्मा डेटकान रूपोमा निकेवतेलो.

प्रकाशित वाक्य 17:18

ची बायर, जीनीक तू देखलू छे, ची मोटलु नोगोर छे जे कोवीन राजापोर राज कोरतेली छे.”

प्रकाशित वाक्य 20:2

चू तिना अजगर, मतलब जूनला घोळसा काजे, जू इबलीस एने भुतडू छे, धोरीन होजार सालोन कोरता बांध देदु,

प्रकाशित वाक्य 8:10

तीसरु सोरग दूत फेपाऱ्यो फुक्यू, एने एक मोटली चांदणी जी दिवा सारखी धोपती होती सोरगसी तुटी, एने नोंद्यामा एक तिहाई पोर एने पाणीन झोरा पोर आवीन पोडी.

प्रकाशित वाक्य 8:11

तिना चांदणीन नाव नागदौना छे; एने एक तीहाईन पाणी नागदौना सारखो कोळवो होय गोयो, एने जुदा सोवटा माणसे तिना पाणीन कोळवो होय जाणेसी मोर गोया.

प्रकाशित वाक्य 8:12

चौथू सोरग दूत फेपाऱ्यो फुक्यू, एने दाहळान एक तिहाई, एने चांदोन एक तिहाई एने चांदण्यान एक तिहाई पोर सोंकोट आव्यो, न्या तोक कि हिंदरो एक तिहाई डील आंदारो होय गोयो एने दाहळान एक तिहाई मा विजावा नी रोयो, एने तोसोच रातमा बी.

प्रकाशित वाक्य 8:7

पेहेलु सोरग दूत फेपाऱ्यो फुक्यू, एने लुयसी मेवायला गारा एने आगठो पोयदा होयो, एने कोवी पोर नाखाय गोयो; एने कोवोन एक तिहाई धोप गोयी, एने झाडोन एक तिहाई धोप गोयी, एने आखो निव्वू चारू बी धोप गोयू.

प्रकाशित वाक्य 8:8

दुसरू सोरग दूत फेपाऱ्यो फुक्यू, ती माणू आगठा सारखो धोपतलो एक मोटलु बोयडू दारीयामा मा घालाय गोयू; एने दोरीयान एक तिहाई लुय बोन गोयो,

प्रकाशित वाक्य 8:9

एने दोरीयान एक तिहाई जोनावरे मोर गोया, एने एक तिहाई जहाज नाश होय गोयो.

प्रकाशित वाक्य 9:10

तिंदरा छेमटो विछान तोसा होता, एने तीनामा डंक होती, एने तीनुक पाच मोहोना तोक माणसो काजे दुख आपनेन जी ताकत जोळली होती, ची तिंदरा छेमटामा होती.

प्रकाशित वाक्य 9:19

काहाकि तिना घुल्लान ताकत तिंदरा मूय एने तिंदरा छेमटामा होतो; इनान कोरता कि तिंदरा छेमटा घोळसान तोसा होता, एने तिंदरा छेमटान मुंडका भी होता एने तीनुसी चे तोकलीत देता होता.