प्रकाशित वाक्य 12:3 - बारेली पावरी

³ एक एने चिन्ह सोरगोमा देखाय पोळ्यु; एने देखू एक मोटलु रातलु अजगर होतु, जेरा सात मुंडका एने दस सिंगडा होता, एने तेरा मुंडका पोर सात राजमुगुट होता.

प्रकाशित वाक्य 12:3 ပူးပေါင်းရင်းမြစ်များ

प्रकाशित वाक्य 12:1

ओवतेन सोरगोमा एक मोटलु चिन्ह देखाय पोळ्यो, मतलब एक बायोर जी सूर्यो पांघरली होती, एने चांद तेरे पायो तोवे होतु एने तेरा मुंडका पोर बारा चांदण्यान मुकुट होतु.

प्रकाशित वाक्य 12:13

जेतार अजगर देख्यू कि मे धोरती पोर नाखाय गोयलु छे ती तिनी बायर काजे जी पुऱ्या जोनली होती, विताड्यू.

प्रकाशित वाक्य 12:17

तेत्यार अजगर बायरो पोर रीसवाय गोयू एने तेरी बाकी पुऱ्या पुठी जू परमेश्वरोन आग्या काजे मानतला एने येसुन गोवायी आपनेपोर स्थिर रोये,

प्रकाशित वाक्य 12:4

तेरो चो मूय वादवान तारा काजे एक तिहाई काजे हापकीन धोरती पोर घाल देदू, चू अजगर तीना बायरोन सामने यो च्या होती उबरोय गोयू कि जेतार ची पुऱ्या काजे जोने ती तिना पुऱ्या काजे गिव जाय.

प्रकाशित वाक्य 12:7

एने सोरगमा लोळाय होयी, मिकाईल एने तेरा सोरग दूत, अजगर पुठी लोळायने निकव्या; एने अजगर एने तेरा दुते तेरे पुठी लोळाया,

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 13:1

तेत्यार मे एक चिल्ला काजे दोरीयामा गोथो निकवतेलु देख्यू, जेरा दोस सिंगळा एने सात मुंडका होता तेरा सिंगडापोर दोस राजमुगुट, एने तेरा मुंडका पोर परमेश्वरोन बुराईन नावोसी लिखलो होतो.

प्रकाशित वाक्य 13:2

जो चिल्ला मे देख्यू चो चिता सारखो होतो एने तेरु पाय रिछडान सारखो एने मूय वाघो सारखो होतो चू अजगर तेरा ताकत एने तेरा सिहासन एने मोटो होक तीनाक आप्या.

प्रकाशित वाक्य 13:4

माणसे अजगरोन पूजा कोऱ्या, काहाकि चे चिल्ला काजे आपनु होक आप देदलु होतु, एने यो कोयीन चिल्लान पूजा कोऱ्या, “इना चिल्लान सारखो कून छे? कून इना पुठी लोळाय सोकतलु?”

प्रकाशित वाक्य 15:1

पोछु मे सोरगोमा एक एने मोटू एने नेवलायन निशाणी देख्यू, मतलब सात सोरग दूत जिंदरे जुव सात आखरी तोकलीत होता, काहाकि तिंदरो सोर जाणेसी परमेश्वरोन रीसोन आखरी छे.

प्रकाशित वाक्य 16:13

एने मे तीना अजगरोन मुयोसी, एने तिना झुटा भविष्य कोरतान मुयोसी तीन भुंडली आत्मा डेटकान रूपोमा निकेवतेलो.

प्रकाशित वाक्य 17:12

जे दोस सिंगडा तू देख्यू चे दोस राजा छे बाकीन हिनुक हिमी तोक राज नी जोळ्यो, बाकीन तीना जोनावरोन पुठी घोळीभोरोन कोरता राजान तोसो होक जोळसे.

प्रकाशित वाक्य 17:16

“जे दोस सिंगडा तू देख्यू, चे एने जोनावर तिनी वेश्यापुठी दुष्मोनी राखसे, एने तिनीक लाचार एने उगाळली कोर देसे, एने तेरो मास खाय जासे, एने तिना आगठामा धोपाळ देसे.

प्रकाशित वाक्य 17:7

तेत्यार चू सोरग दूत मेसे काजे कोयू, “तू काहा वाहाराय रोयु? मे तिनी बायर एने तिनी जोनावरोन, जीना पोर ची बोस रोय होती एने जेरा सात मुंडका एने दोस सिंगडा छे तुसेक भेद देखाळो.

प्रकाशित वाक्य 19:12

तेरा डूवा आगठान ज्वाला छे, एने तेरा मुंडका पोर जाफात राजमुगुट छे बाकीन तिना पोर एक नाव लिखलो छे, जीनाक हिनाक छुळीन एने कुदू नी जानतलो.

प्रकाशित वाक्य 20:2

चू तिना अजगर, मतलब जूनला घोळसा काजे, जू इबलीस एने भुतडू छे, धोरीन होजार सालोन कोरता बांध देदु,