प्रकाशित वाक्य 12:11 - बारेली पावरी

¹¹ चे गाडरान लुयोन वोजेसी एने आपना गोवायीन वचनोन वोजेसी तिना पोर जयवंत होया, एने चे आपना जीवो काजे मोंगावू नी जाण्या, या तोक कि मोरोन बी सोहोनेन कोर लेदा.

प्रकाशित वाक्य 12:11 ပူးပေါင်းရင်းမြစ်များ

लुका 14:26

“अगर कुदू मारेंचा आवे, एने आपनु बास एने आश एने लाडी एने पुऱ्या एने भाश ने बहोनिश एने आपना जीव काजे मोंगावू नि जाणे, ती चू मारू चेलू नी बोन सोके;.

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

प्रेषित 21:13

बाकीन पौलुस जोवाब आप्यू, “तुमु काय कोरणे बाज रोया कि रोडी-रोडीन मारो मोन दुखाळतला? मे ते प्रभू येसुन नावोसी यरुशलेममा नि सुतू बांधायनेन नी बाकीन मोरनेन कोरता बी तीयार छे.”

रोमी 16:20

शांतीन परमेश्वर भुतडा काजे तुमरा पायोसी मामार छेंद देसे आमरा प्रभू येसु मसिहन दया तुमरे पोर होयती रोये.

1 कुरीन्थियो 15:57

बाकीन परमेश्वरोन धन्यवाद होये, जू आमरा प्रभू येसु मसिहन लारे आमु काजे जयवंत कोरलु छे.

1 योहान 4:4

हे पुऱ्या, तुमु परमेश्वरोन छे, एने तुमु तीना पोर जीत गोयला छे; काहाकि जो तुमरेमा छे चू तेरेमा जो जोगोमा छे मोटलु छे.

1 योहान 5:5

जोगो पोर जय हासील कोरणे वावु कून छे? बाकीन चू तेरु भुरसू छे कि, येसु परमेश्वरोन पुऱ्यु छे.

प्रकाशित वाक्य 1:2

जू परमेश्वरोन वचन एने येसु मसिहन गोवायी, मतलब जो काय चू देखलू होतु तेरी गोवायी आप्यू.

प्रकाशित वाक्य 1:9

मे योहान, जू तुमरू भाश, एने येसुन दुख, एने राज, एने धीरोमा तुमरू सहभागी छे, परमेश्वरोन वचन एने येसुन गोवायीन वोजेसी पतमुस वावान टापू होतु.

प्रकाशित वाक्य 11:7

जेतार चे आपनी गोवायी आप सोके, ती चो जोनावर जिना उंडा खाडामा गोथू निकवसे तिंदरे पुठी लोळायीन तीनुक जीकसे एने हिनुक मार नाखसे.

प्रकाशित वाक्य 12:17

तेत्यार अजगर बायरो पोर रीसवाय गोयू एने तेरी बाकी पुऱ्या पुठी जू परमेश्वरोन आग्या काजे मानतला एने येसुन गोवायी आपनेपोर स्थिर रोये,

प्रकाशित वाक्य 19:10

तेत्यार मे हिनाक नोमोन कोरणेन कोरता तेरा पायो पोर पोड गोयू चू मेसे काजे कोयू, “देख, ओसू मा कोरे, मे तारो एने तारा भाशो साते वावू दास छे जू येसुन गोवायी देणेपोर पाकु छे परमेश्वर काजे नोमोन कोर; काहाकि येसुन गोवायी भविष्यवाणीन आत्मा छे.”

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 2:17

जेरा कानटा होसे चू सोमवी लेये कि आत्मा मंडव्या काजे काय कोये. जो जय हासील कोरे, तीनु काजे मे डूकाळला मोनोमा गोथो आपीस, एने तीनाक एक धोव्वु दोगळू बी आपीस; एने तिना दोगळा पोर एक नाव लिखलो रोयसे, जीनाक एरू लेणे वावा सिवाय कुदू नी जाणे.

प्रकाशित वाक्य 2:26

जे जय हासील कोरे एने मारा कामोन अनसारे आखरी तोक कोरता रोये, मे हिनुक जाती जातीन माणसो पोर होक आपीस,

प्रकाशित वाक्य 2:7

जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, मे तीनु काजे तिना जीवनोन झाडोमा गोथू जो परमेश्वरोन सोरगो लोकमा छे, फोव खाणेन कोरीन आपीस.

प्रकाशित वाक्य 20:4

ओवतेन मे सिहासन देख्यू, एने तिना पोर माणसे बोस गोया, एने तीनुक नियाव कोरनेन होक आपाय गोयू, मे तिंदरी आत्मा काजे बी देख्यू, जिंदरा मुंडका येसुन गोवायी देणे एने परमेश्वरोन वचनोन वोजेसी काटाय गोयला होता, एने जे नी तिना जोनावरोन, एने नी तेरा मूर्तीन पूजा होती. एने नी तेरा छापू आपना निंडावा पोर एने हातो पोर ली लेदला होता. चे जीवतला होयीन मसिह साते होजार साल तोक राज कोरता रोये.

प्रकाशित वाक्य 3:12

“जो जय हासील कोरे हीनाक मे मारा परमेश्वरोन मंदीरमा एक खांबु बोनावीस, एने पोछु कोबी बारथे नी निकवे; एने मे मारा परमेश्वरोन नाव एने मारा परमेश्वरोन नोगोर मतलब नोवलो यरुशलेमोन नाव, जो मारा परमेश्वर जू गोथो सोरग गोथो उतरणे वावो छे एने मारो नोवलो नाव तिना पोर लिखीस.

प्रकाशित वाक्य 3:21

जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.

प्रकाशित वाक्य 3:5

जे जय हासील कोरे तीनुक इना रितीन धोव्वा छिंदरा पेरावसे, एने मे तेरो नाव जीवनोन किताबमा गोथो कानला रितीसी नी निकावो; बाकीन हेरो नाव आपनु बास एने आपना सोरग दूतो सामने मान लीस.

प्रकाशित वाक्य 6:9

जेतार चू पाचवू छापू उगाळ्यु, ती मे वेदीन नेचू तिंदरा जोनावरे काजे देख्यू जो परमेश्वरोन वचनोन वोजेसी एने तिना गोवायी वोजेसी जे चे आपला होता माराय गोयलु होतु.