प्रकाशित वाक्य 11:3 - बारेली पावरी

³ मे दुय गोवाणु काजे यु होक आपीस कि गोनटो पांघोरला एक हजार दुय सोव साठ दाहळा तोक भविष्यवाणी कोरे.

प्रकाशित वाक्य 11:3 ပူးပေါင်းရင်းမြစ်များ

मत्ती 11:21

“हाय खुराजीन! हाय, बेथसदा, जे मोटला कामे तुमरेमा कोरायला, ओगर चे सोर एने सिदोनमा कोरायता, ती गोनटो पांघरीन, एने रुखळामा बोसीन चे तेतारुत मोन फिराव लेता.”

मत्ती 18:16

ओगर चू नी सोमवे, ती एक नीती दुय जोना काजे आपने साते ओवी लीन जा, कि होर एक वात दुय नीती तीन गोवान मूय सी पाको कोराय जाय.

लुका 10:13

“हाय खुराजीन हाय बेथसदा जे मोटला कामे तुमरेमा कोरला, अगर चे सोर एने सिदोनमा कोरायता ती गोनटो पांगरीन एने रुखळामा बोसीन चे कोत्यारून मोन फिराव लेता.”

लुका 24:48

तुमु इनी आखी वातोन गोवा छे.

योहान 15:27

एने तुमु बी मारा गोवा छे काहाकि तुमु पेहेले गोथा मारे साते रोयला छे.

योहान 3:27

योहान जवाब आप्यू, “जेतार तोक माणसो काजे सोरगोमा गोथो नि आपाये, तेत्यार तोक तीनाक काय नी जोळ सोकतलो.”

प्रेषित 1:8

बाकीन जेतार पवित्र आत्मा तुमरे पोर आवसे तेत्यार तुमुक ताकत जोळसे; एने यरुशलेम एने आखा यहुदियामा, एने सामरिया, एने धोरतीन जोगोन धोळे तोक मारा गोवा बोनसू.

प्रेषित 13:31

एने जे तिंदरे साते गलीली गोथा यरुशलेम आवला होता तीनु पोर घोणा सोवटा दाहळा तोक देखतू गोयू, जे चेत छे हिमी माणसो सामने तेरा गोवा छे.

प्रेषित 2:32

इनात येसुक परमेश्वर जीवाळ्यु जीनाक आमु आखा गोवा छे.

प्रेषित 3:15

बाकीन जीवन आपनेवावा काजे मार देदा, जीना काजे परमेश्वर मोरलामा गोथू जीवाळ्यु जे आमु गोवा छे.

1 कुरीन्थियो 12:28

एने परमेश्वरोन मंडवीमा मे ओलोग-ओलोग माणसोक नेमलू छे, पेहेले प्रेषितोन दुसरू भविष्य कोरता, तीसरु मास्तर, ओवते मोटला काम कोरणे वावा, एने आरगाई आपने वावो वरदान, एने एहेसान कोरणे वावा एने शास्त्र पावणे वावा एने होर एक भाती-भातीन भाषा बुलने वावा.

2 कुरीन्थियो 13:1

हिमी तिसरी कावार मे तुमरेनचा आवो, दुय नीती तीन गोवान मुयोसी होर एक वात ठेराय जासे.

इफिसीयो 4:11

चू कुदा काजे प्रेषित नेवाळीन, एने काहनास काजे भविष्य कोरता नेवाळ्या एने वारली खोबर सोमवाळनेवावा नेवाळीन एने काहनास काजे राखवावी कोरने वावा एने प्रचारक नेवाळीन आप देदु.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 11:2

बाकीन मंदीरोन बारथेलो आंगनो छुळ दे; तीनाक मा मापे काहाकि चो दिसरा जाती काजे आपाय गोयलो छे, एने चुखला गाव काजे बेचाळीस मोहना तोक रोंदवसे.

प्रकाशित वाक्य 11:6

तीनुक होक छे कि सोरग काजे बोंद कोरे, कि हिंदरी भविष्यवाणीन दाहळामा पाणी नी पोळे; एने तीनु काजे आखा पाणी पोर होक छे कि हिनाक लुय बोनावे, एने जेतार-जेतार जुवे तेत्यार-तेत्यार कोवी पोर होर एक भातीन पिढा लावे.

प्रकाशित वाक्य 12:6

एने ची बायोर बोयळा भूनी ढास गोयी जा परमेश्वरोन भूनी गोथी तेरेन कोरता एक जागा तोयार कोराय गोयली होती कि चा एक हजार दुय सोव साठ दाहळा तोक पावाय जाय.

प्रकाशित वाक्य 13:5

मोटला बुले बुलने एने बुराई कोरनेन कोरता तीनाक एक मूय आपाय गोयो, एने तीनाक बेचाळीस मोहना तोक काम कोरनेन होक आपाय गोयो.

प्रकाशित वाक्य 19:10

तेत्यार मे हिनाक नोमोन कोरणेन कोरता तेरा पायो पोर पोड गोयू चू मेसे काजे कोयू, “देख, ओसू मा कोरे, मे तारो एने तारा भाशो साते वावू दास छे जू येसुन गोवायी देणेपोर पाकु छे परमेश्वर काजे नोमोन कोर; काहाकि येसुन गोवायी भविष्यवाणीन आत्मा छे.”

प्रकाशित वाक्य 20:4

ओवतेन मे सिहासन देख्यू, एने तिना पोर माणसे बोस गोया, एने तीनुक नियाव कोरनेन होक आपाय गोयू, मे तिंदरी आत्मा काजे बी देख्यू, जिंदरा मुंडका येसुन गोवायी देणे एने परमेश्वरोन वचनोन वोजेसी काटाय गोयला होता, एने जे नी तिना जोनावरोन, एने नी तेरा मूर्तीन पूजा होती. एने नी तेरा छापू आपना निंडावा पोर एने हातो पोर ली लेदला होता. चे जीवतला होयीन मसिह साते होजार साल तोक राज कोरता रोये.