प्रकाशित वाक्य 11:2 - बारेली पावरी

² बाकीन मंदीरोन बारथेलो आंगनो छुळ दे; तीनाक मा मापे काहाकि चो दिसरा जाती काजे आपाय गोयलो छे, एने चुखला गाव काजे बेचाळीस मोहना तोक रोंदवसे.

प्रकाशित वाक्य 11:2 ပူးပေါင်းရင်းမြစ်များ

मत्ती 27:53

एने हेरा जीव उठनेन ओवतेन चे मोळवाट्यामा गोथा निकवीन चुखला नोगोरमा गोया एने जादा जोना काजे देखाय पोळ्या.

मत्ती 4:5

तेत्यार भुतडू तीनाक चुखला सोहोरोमा लीगोयू एने मंदीरोन काठोपोर उभू कोऱ्यु,

मत्ती 5:13

तुमु धोरतीन मीठो छे; बाकीन अगर मीठान सोवाद बीगळी जाय ती चो पोछो काहना चीजोसी खारो कोरायसे? ओवतेन चो काय कामोन नी होय, निसतो एरू कि बारथे नाखाय जाय एने माणसोन पायो तोवे रोंदवाय जाय.

लुका 21:24

चे तलवारोन धारसी पोळसे, एने आखा देसोन माणसोमा बोंदी बोनीन पुगडाइ जासे; एने जेतार तोकून दिसरा जात्यान टेम पुरी नी होये, तेत्यार तोक यरुशलेम दिसरा जात्यासी छेंदाय जासे.

इब्रानियो 10:29

ती तुमु विचार कोरु कि चू माणूस एने बी कोतरा मुशकीलोन दोंडोन भागीदार होयसे, जू परमेश्वरोन पुऱ्या काजे पाये कोरीन रोंदव्या एने वायदान लुय काजे जिनान लारे चू चुखला ठेराय गोयू, अपवित्र सोमव्या एने दयान आत्मान अपमान कोऱ्या.

प्रकाशित वाक्य 11:11

बाकीन साळे तीन दाहळान ओवतेन परमेश्वर जुव गोथो परमेश्वरोन स्वास हिंदरेमा बोस गोयू, एने चे आपना पायो पोर उबरोय गोया, एने तीनाक देखने वावा पोर जादा बिक देखाय पोडी.

प्रकाशित वाक्य 11:3

मे दुय गोवाणु काजे यु होक आपीस कि गोनटो पांघोरला एक हजार दुय सोव साठ दाहळा तोक भविष्यवाणी कोरे.

प्रकाशित वाक्य 12:6

एने ची बायोर बोयळा भूनी ढास गोयी जा परमेश्वरोन भूनी गोथी तेरेन कोरता एक जागा तोयार कोराय गोयली होती कि चा एक हजार दुय सोव साठ दाहळा तोक पावाय जाय.

प्रकाशित वाक्य 21:10

तेत्यार चू मेसेक आत्मामा एक मोटला एने उचला बोयडा पोर लीगोयू, एने चुखला यरुशलेम गाव काजे सोरगोसी परमेश्वरोनचा गोथू उतरतेलु देखाळ्यू.

प्रकाशित वाक्य 21:2

पोछु मे चुखला गाव नोवलो यरुशलेम काजे सोरगसी परमेश्वरोनचा गोथो उतरतेलो देख्यू, चो हिनी लाडीन तोसो होतो जी आपना पाहणान कोरता सिंगार कोरली होसे.

प्रकाशित वाक्य 22:19

कोदि कुदू इना भविष्यवाणी किताबोन वाते मा गोथू काहीन निकाव नाखे, ती परमेश्वर तिना जीवनोन झाड एने चुखला गावोमा गोथू, जेरो वर्णन इना किताबमा छे तेरु वाटू निकाव देसे.