प्रकाशित वाक्य 11:19 - बारेली पावरी

¹⁹ तेत्यार परमेश्वरोन यो मंदीर सोरगमा छे, उगळी गोयो, एने तेरा मंदीरमा तेरी वायदान संदूक देखाय पोळ्यो; एने वीजव्या एने बुल एने गाजनो एने भूकंपो होयो एने मोटला गारा पोळ्या.

प्रकाशित वाक्य 11:19 ပူးပေါင်းရင်းမြစ်များ

प्रकाशित वाक्य 11:13

ओवतेन तिने टेमे एक मोटलो भूकंप होयो, एने गावोन दोसवू भाग पोड गोयू; एने तीना भूकंपसी सात हजार माणसे मोर गोया एने बाकी बिह गोया एने सोरगोन परमेश्वरोन महिमा कोऱ्या.

प्रकाशित वाक्य 11:15

तेत्यार सातवू सोरग दूत फेपाऱ्यो फुक्यू, ती सोरगोमा एरा बारामा मोटला-मोटला बुले होयने बाज गोया, “जोगोन राज आमरा प्रभून एने हेरा मसिह होय गोयो, एने चू कायम राज कोरसे.”

प्रकाशित वाक्य 12:1

ओवतेन सोरगोमा एक मोटलु चिन्ह देखाय पोळ्यो, मतलब एक बायोर जी सूर्यो पांघरली होती, एने चांद तेरे पायो तोवे होतु एने तेरा मुंडका पोर बारा चांदण्यान मुकुट होतु.

प्रकाशित वाक्य 16:1

पोछु मे मंदीरमा गोथू काहनास काजे उचला बुलोमा तीनु सात सोरग दूतो काजे यो कोयतेलो सोमव्यू, “जावू, परमेश्वरोन रीसोन सात वाटक्या काजे कोवी पोर उलटाव दे.”

प्रकाशित वाक्य 16:18

ओवतेन विजवी चोमकी, एने बुल एने गाज्यो, एने एक ओसो मोटलो भुंकप आयो कि जेतार गोथी माणसोन घोडनो धोरती पोर होयो, तेतार गोथो ओसलो मोटो भुंकप कोबी नि आवलो होतो.

प्रकाशित वाक्य 16:21

सोरगमा गोथो माणसो पोर मोन-मोन भोरीन मोटला गारा पोळ्या, एने इनान कोरता कि यो सोंकोट जादात भारी होतो, माणसे गारान सोंकोटोन वजेसी परमेश्वरोन बुराई कोऱ्या.

प्रकाशित वाक्य 19:11

पोछु मे सोरगोन राज उगाडलु देख्यू, एने देख्यू कि एक धोव्वु घुल्लु छे; एने तिना पोर एने तेरे पोर बोस रोयलू छे, जू भुरसान लायक एने खोरलू कोवायतलु छे एने चू धोरमोन पुठी नियाव एने लोळायी कोरतेलू छे.

प्रकाशित वाक्य 4:1

इनी वातोन ओवतेन जेतार मे नोजोर नाख्यू ती काय देख्यू कि सोरगोमा एक झोपलू उगेडलु छे, एने जीनाक मे पेहेला फेपाऱ्यान बुल सी आपने पुठी वात कोरतेलू सोमवलू होतु, चू कोये, “न्या उपोर आव लाग; एने मे चे वाते तुसेक देखाळीस, जेरो इनी वातोन ओवतेन पुरो होयनो जोरुरी छे.”

प्रकाशित वाक्य 4:5

तिना सिहासन मा गोथा विजव्या एने मोटलु ओवाज निकवतला छे एने सिहासनोन सामने आगठान सात दिवा धोप रोया, चे परमेश्वरोन सात आत्मा छे,

प्रकाशित वाक्य 7:15

इनान वोजेसी चे परमेश्वरोन सिहासनोन ओगोव छे, एने तेरा मंदीरमा रात-दाहळू तेरी सेवा कोरतेला छे, एने जू सिहासन पोर बोसलु छे, चू हिंदरे उपोर आपनु तोंबू बांधसे.

प्रकाशित वाक्य 8:5

तेत्यार सोरग दूत धूपदान लीन तिना वेदीन आगठो भोऱ्यु एने कोवी पोर नाख देदु; एने गाज्यो एने बुल एने वीजव्या एने भूकंप होयने बाज गोयू.

प्रकाशित वाक्य 8:7

पेहेलु सोरग दूत फेपाऱ्यो फुक्यू, एने लुयसी मेवायला गारा एने आगठो पोयदा होयो, एने कोवी पोर नाखाय गोयो; एने कोवोन एक तिहाई धोप गोयी, एने झाडोन एक तिहाई धोप गोयी, एने आखो निव्वू चारू बी धोप गोयू.