प्रकाशित वाक्य 1:7 - बारेली पावरी

⁷ देखू, चू वादवा पुठी आवने वावू छे, एने होर एक डूवू तीनाक देखसे, नी तेत्यार जे हिनाक छेळला होता चे बी येसुक देखसे, एने धोरतीन आखा जाती हीनान वोजेसी छाती ठूकसे होव. आमेन.

प्रकाशित वाक्य 1:7 ပူးပေါင်းရင်းမြစ်များ

मत्ती 16:27

माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.

मत्ती 16:28

मे तुमु काजे छाचलीन कोयो कि जे न्या उबरोय रोया, इंदरे माहीन कुदु ओसा छे कि चे जेतार तोक माणसोन पुऱ्याक तेरा राजमा आवतेलु नी देखे, तेत्यार तोक मोतोन सोवाद कोबी नि चाखे.

मत्ती 24:30

तेत्यार माणसोन पुऱ्यान चिन्ह सोरगोमा देखायसे, एने तेत्यार धोरतीन आखा जातीन माणसे छाती ठुकसे; एने माणसोन पुऱ्याक मोटो ताकतसी महिमा पुठी सोरगोन वादवोपोर आवतेलु देखसे.

मत्ती 25:31

“जेतार माणसोन पुऱ्यु तेरा महिमामा आवसे एने आखा सोरग दूत तेरे साते आवसे ती चू महिमान सिहासन पोर बोससे.”

मत्ती 26:64

येसु तीना काजे कोयू, “तू आपसुत कोय देदू; बाकीन मे तुमु काजे यो भी कोयो कि हिमी गोथा तुमु माणसोन पुऱ्या काजे सर्वशक्तिमानोन जेवळे धोळे बोसलू एने सोरगोन वादवा पोर आवतेलु देखसु.”

मरकुस 13:26

तेत्यार माणसे माणसोन पुऱ्या काजे मोटी ताकत एने महीमा साते वादवामा आवतेलु देखसे.

मरकुस 14:62

येसु कोयू, “मे छे” एने तुमु माणसोन पुऱ्या काजे सर्वशक्तिमानोन जेवळे धोळे बोसीन, एने सोरगोन वादवा पुठी आवतेलु देखसु.

लुका 21:27

तेत्यार चे माणसोन पुऱ्याक ताकत एने मोटली महिमा साते वादवा पोर आवतेलु देखायसे.

योहान 19:34

बाकीन सिपायळा मायला एक जोणु भाले कोरीन तेरा कुखीमा भालू गुप्यू, एने तीनामा गोथो तेतारुत लुय एने पाणी निकव्यो.

योहान 19:37

एने ओवते पवित्र शास्त्रमा यो लिखलो छे, “जीनाक चे भालू देदला छे, तीना पोर चे नोजोर लागाळसे”.

1 थिस्सलुनीकियो 1:10

एने तेरा पुऱ्यान सोरगोपोर गोथू आवनेन वाट जुवता रोयू जीनाक चू मोरलामा गोथू जीवाळ्यु, मतलब येसुन, जो आवने वावा मोटला दोंडोन गोथो वाचाडलो छे.

1 थिस्सलुनीकियो 4:17

तेत्यार आमु जे जीवतला एने वाचीन रोयसु तिंदरे साते वादवा पोर चुटाय जासु कि हवामा प्रभू काजे भेटसे; एने इना रितीसी आमु सोदा प्रभून साते रोयसु.

इब्रानियो 10:29

ती तुमु विचार कोरु कि चू माणूस एने बी कोतरा मुशकीलोन दोंडोन भागीदार होयसे, जू परमेश्वरोन पुऱ्या काजे पाये कोरीन रोंदव्या एने वायदान लुय काजे जिनान लारे चू चुखला ठेराय गोयू, अपवित्र सोमव्या एने दयान आत्मान अपमान कोऱ्या.

इब्रानियो 6:6

अगर चे भोटकी जाय ती तीनु काजे मोन फिरावनेन कोरता एने पोछा नोवला बोनने काठो छे, काहाकि चे परमेश्वरोन पुऱ्या काजे आपनेन कोरता एने पोछा ख्रूसपोर चोळवतला एने प्रगटमा तेरे पोर डाग लागतला छे.

1 योहान 3:2

हे मोंगावा, हिमी आपु परमेश्वरोन पुऱ्या छे एने हिमी तोक यो प्रगट नि होयो कि आमु काय-काय होयसु, ओतरो जान लेतला छे कि जेतार चू प्रगट होयसे ती आमु तेरे सामने होयसू, काहाकि तीनाक तोसुच देखसु जोसू चू छे.

यहुदा 1:14

हनोख बी जो आदोम सी सातवी पीडी मा होतु, इंदरा बारामा यी भविष्यवाणी कोऱ्यु, “देखू, प्रभू आपना लाखो चुखला साते आयु,

प्रकाशित वाक्य 22:20

जू इना वातोन गोवायी आपतलु छे चू यो कोये, “होव, मे मामार आवने वावू छे.” आमेन. हे प्रभू येसु आव.

प्रकाशित वाक्य 22:4

चे तेरो मूय देखसे, एने हेरो नाव आपना निंडावा पोर लिखलो रोयसे.