प्रकाशित वाक्य 1:5 - बारेली पावरी

⁵ एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 1:5 ပူးပေါင်းရင်းမြစ်များ

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

मत्ती 28:18

येसु तिंदरेनचा आवीन कोयू, “सोरग एने कोवीन आखो होक मेसेक आपाय गोयलो छे.

योहान 13:1

वोलांडोनोन तीहीवारोन पेहेले, जेतार येसु जान लेदू कि ची टेम आव लागली छे कि जोग छुळीन बासोनचा जायीस, ती आपना माणसे जे जोगोमा होता जोसू मोंग चू कोरतू होतु आखरी तोक तोसुच मोंग कोरतू रोयू.

योहान 13:34

मे तुमु काजे एक नोवली आग्या आपो कि एक दिसरा पोर मोंग कोरु; जोसू मे तुमरे पोर कोरतेलू, तोसोच तुमु बी एक दिसरा पोर मोंग कोरु.

योहान 15:9

जोसू बास मार पोर मोंग कोरलु, तोसुच मे तुमरे पोर मोंग कोरलु; मारा मोंगमा जुळाय रोयू.

योहान 18:37

पिलात तीना काजे कोयू, “तू काय राजा छे?” येसु जोवाब आप्यू, “तू कोये कि मी राजा छे मे इनान कोरता पोयदा होयू एने इनान कोरता जोगोमा आव रोयू कि खोरलायीन गोवायी आपो जो कुदू खोरलायीन छे, चू मारू बुल सोमवतलु छे.”

योहान 3:11

मी तुसेक छाचलीन कोयो कि आमु जानतला छे चोत कोयतेला एने जिनाक आमु देखला छे तेरी गोवायी आपला, एने तुमु आमरी गोवायी मानतला नी.

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 3:32

जो काय चू देखलू एने सोमवलू, तेरीत गोवायी आपतलु; एने कुदु तेरी गोवायी मानतलु नि.

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

प्रेषित 26:23

बाकीन जो कि मसिह काजे दुख उठावणे पोळसे एने चू मोरलामा गोथू जीव उठने वावामा पेहेलू होईन यहुदिन प्रजान एने दिसरा जातीमा विजावान प्रचार कोरसे.

रोमी 3:25

तीना काजे परमेश्वर तेरो लुयसी एक ओसू पोस्तावू ठेराव्यू, जू भुरसू कोरणेसी ठेरायतलु छे, कि जो पाप पेहेल कोराय गोयलो एने जीना पोर परमेश्वर तेरी सहन शीलतान लारे ध्यान नी लागाळ्यु तेरे बारामा चू तेरी धारमिकता सामने लावे.

रोमी 8:37

बाकीन इनी आखी वातोमा आमु तेरे लारे जू आमरेपोर मोंग कोरलु छे, जयवंतसी भी बोढीन छे.

1 कुरीन्थियो 6:11

एने तुमरेमा गोथा कोतरा ओसात होता, बाकीन तुमु प्रभू येसु मसिहन नावोसी एने आमरा परमेश्वरोन आत्मासी धुवाय गोया एने चुखो होया एने धोरमी ठेराया.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

इफिसीयो 2:4

बाकीन परमेश्वर जू दयान मालिक छे, आपना तिना मोटला मोंगोन वजेसी जीनामा चू आमरेपोर मोंग कोऱ्यु.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

कुलुस्सि 1:18

चू डील, मतलब मंडवीन मुंडको छे, चू पेहेलू छे, एने मोरलामा गोथू जीव उठने वावामा पेहेलू चू प्रधान ठोरे.

1 तीमथी 6:13

मे तुसेक परमेश्वरोन जू आखा काजे जीवतलु राखतलु, एने मसिह येसु काजे गोवायी कोरीन जू पुन्तियुस पिलातूसन ओगोव वारलु रोयलु जू आग्या आपो,

1 तीमथी 6:15

जीनाक चू वारले टेमो पोर देखाळसे, जू सोयावू एने एखला अधिपती एने राजान राजा एने प्रभून प्रभू छे.

इब्रानियो 10:29

ती तुमु विचार कोरु कि चू माणूस एने बी कोतरा मुशकीलोन दोंडोन भागीदार होयसे, जू परमेश्वरोन पुऱ्या काजे पाये कोरीन रोंदव्या एने वायदान लुय काजे जिनान लारे चू चुखला ठेराय गोयू, अपवित्र सोमव्या एने दयान आत्मान अपमान कोऱ्या.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

1 पतरस 1:19

बाकीन निरदोष एने चुखलो गाडरो, मतलब मसिहन किमतीन लुयोन लारे होयलो.

1 योहान 1:7

बाकीन कोदि जोसो चू विजावामा छे तोसोत आपनु बी विजावामा चालू, ती एक दिसरा पुठी सहभागीता रोयतला छे एने तेरु पुऱ्यु येसुन लुय आमुक आखा पापोमा गोथू चुखो कोरतेलू छे.

1 योहान 4:10

मोंग इनामा नि कि आमु परमेश्वर पोर मोंग कोऱ्या, बाकीन इनाम छे कि चू आमरेपोर मोंग कोऱ्यु एने आमरा पापोन पश्चातापन कोरता हेरा पुऱ्या काजे मूकल्यु.

प्रकाशित वाक्य 11:15

तेत्यार सातवू सोरग दूत फेपाऱ्यो फुक्यू, ती सोरगोमा एरा बारामा मोटला-मोटला बुले होयने बाज गोया, “जोगोन राज आमरा प्रभून एने हेरा मसिह होय गोयो, एने चू कायम राज कोरसे.”

प्रकाशित वाक्य 11:3

मे दुय गोवाणु काजे यु होक आपीस कि गोनटो पांघोरला एक हजार दुय सोव साठ दाहळा तोक भविष्यवाणी कोरे.

प्रकाशित वाक्य 17:14

चे गाडरा पुठी लोळायसे, एने गाडरो तिंदरे पुठी जय हासील कोरसे, काहाकि चू प्रभून प्रभू एने राजान राजा छे, एने जे बुलावला एने नेवाळला एने विस्वासी छे, चे तेरे पुठी छे; चे बी जय हासील कोरसे.

प्रकाशित वाक्य 19:11

पोछु मे सोरगोन राज उगाडलु देख्यू, एने देख्यू कि एक धोव्वु घुल्लु छे; एने तिना पोर एने तेरे पोर बोस रोयलू छे, जू भुरसान लायक एने खोरलू कोवायतलु छे एने चू धोरमोन पुठी नियाव एने लोळायी कोरतेलू छे.

प्रकाशित वाक्य 19:16

तेरा छिंदरापोर एने तेरा जागा पोर यो नाव लिखलो छे, “राजान राजा एने प्रभून प्रभू.”

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 3:14

लौदीकियान मंडव्यान दूतो काजे यो लिख, “जो आमेन एने भुरसान लायक एने खोरलो गोवा छे, एने परमेश्वरोन कोवीन खास वोजा छे, चू यो कोये कि

प्रकाशित वाक्य 7:14

मे तीना काजे कोयू, “हे स्वामी, तूत जानतलु छे” चू मेसे काजे कोयू “जे चे छे, चे तिना मोटला दुखोमा गोथा निकवीन आवला छे चे आपना-आपना छिंदरा गाडरान लुयमा धुवीन धोव्वा कोरला छे.”