प्रकाशित वाक्य 1:4 - बारेली पावरी

⁴ योहान जू गोथो आसियान सात मंडव्यान नाव, तेरेनचा गोथु दया एने शांती जुळे, जू छे एने जू होतो एने जू आवने वावू छे; एने तीनु सात आत्मा जुव गोथो जो हेरा सिहासनोन ओगोव छे,

प्रकाशित वाक्य 1:4 ပူးပေါင်းရင်းမြစ်များ

योहान 1:1

आखान पेहेल वचन होतो, एने वचन परमेश्वर साते होतो, एने वचन परमेश्वर होतु.

प्रेषित 19:10

दुय साल तोक योत होयतो रोयो, न्या तोक कि आसियान रोयने वावा काय यहुदि काय युनानी आखा प्रभून वचन सोमवी लेदा.

प्रेषित 2:9

आमु ते परदेशी एने मेदी, एने एलाम, एने मेसोपटेमीया एने यहुदि एने कप्पदूकिया, पुन्तुस आसिया.

रोमी 1:7

तीनु आखान नावे जे रोममा परमेश्वरोन मोंगावा छे एने चुखला होयनेन कोरीन बुलावला छे; आखान बास परमेश्वर एने प्रभू येसु मसिहनचा गोथो तुमु काजे दया एने शांती जोळतली.

1 कुरीन्थियो 1:3

आमरू बास परमेश्वर एने प्रभू येसु मसिहन भूनी गोथो तुमुक दया एने शांती जोळती रोये.

2 कुरीन्थियो 1:2

आमरू बास परमेश्वर एने प्रभू येसु मसिहन भूनी गोथो तुमुक दया एने शांती जोळती रोये.

इब्रानियो 13:8

येसु मसिह काल ने आज कायम एक सारखु छे.

याकुब 1:17

काहाकि होर एक वारलो वरदान एने होर एक वारलो दान उपोर गोथो छे, एने विजावान बासोनचा गोथो जूळतलो छे, जीनामा नि ओदोल बोदोल होयनेन वोजेह हीनापोर सहावू पोळतेलु छे.

प्रकाशित वाक्य 1:1

येसु मसिहन प्रकाशित वाक्य, जो योहान काजे परमेश्वर इनान कोरता आप्यू कि आपना दास काजे चे वाते, जेरु तेत्यारुत होयनो जोरुरी छे, देखाळ्यू; एने चू आपना सोरग दूत काजे मुकलीन तेरे लारे आपनु दास योहान काजे कोयू,

प्रकाशित वाक्य 1:11

“जो काय तू देखतलु छे तीना किताबमा लिखीन सात मंडव्या काजे मुकली दे, मतलब इफिस, स्मुरना, पीरगमून, थुआतीरा, एने सर्दीस, एने फिलादिलफिया, एने लौदीकिया काजे.”

प्रकाशित वाक्य 1:17

तेत्यार मे तीनाक देख्यू ती तेरा पाय पोर मोरलू ओसू पोड गोयू, तेरा मुयो पोर आपनु जेवळ्या हात मेकीन कोयू, “मा बिहे; मे पेहेलु एने आखरी एने जीवतलु छे.”

प्रकाशित वाक्य 1:20

मतलब तीना सात चांदण्यान भेद जीनाक तू मारा जेवळ्या हातोमा देखलू होतु, एने तीनु सात सोना वावान दिवठान भेद, चे सात चांदण्या सात मंडव्यान दूते छे, एने चे सात दिवठा सात मंडव्या छे.

प्रकाशित वाक्य 1:8

प्रभू परमेश्वर जो छे जो होतो एने जो आपने वावो छे, जू आखा गोथू ताकत वावु छे, जो कोयतलु “मेत सुरवात एने आखरी छे.”

प्रकाशित वाक्य 1:9

मे योहान, जू तुमरू भाश, एने येसुन दुख, एने राज, एने धीरोमा तुमरू सहभागी छे, परमेश्वरोन वचन एने येसुन गोवायीन वोजेसी पतमुस वावान टापू होतु.

प्रकाशित वाक्य 16:5

तेत्यार मे पाणीन सोरग दूतो काजे यो कोयतेला सोमव्यू, “हे चुखला, जू छे एने जू होतु, तू नियाव कोरन्यू छे एने तू यो नियाव कोरलु छे.

प्रकाशित वाक्य 2:12

“पीरगमून मंडव्या दूतो काजे यो लिख जेरे जुव दुयधारी एने तेज तोलवार छे, चू यो कोये कि.

प्रकाशित वाक्य 2:18

थुआतीरा मंडव्या दूतो काजे यो लिख, “परमेश्वरोन पुऱ्यु जेरा डूवा आगठान ज्वालान तोसो, एने जेरा पाय वारला पितोवोन तोसा छे, चू यो कोये कि,

प्रकाशित वाक्य 2:8

स्मुरना मंडव्यान दूतो काजे यो लिख, “जो पेहेलू एने आखरी छे, जो मोर गोयलु होतु एने हिमी जीवतू होय गोयलो छे, चू यो कोये कि,

प्रकाशित वाक्य 22:16

“मेसेक येसु तेरा सोरग दूतो काजे इनान कोरता मूकल्यु कि तुमरे ओगोव मंडव्यान बारामा इनी वातोन गोवायी आपे मे दाऊदन मुव एने पिढी, एने सोंदारेन चोमोकने वावी चांदणी छे.”

प्रकाशित वाक्य 22:8

मे चू योहान छे, जू जे वाते सोमवतलु एने देखतू होतु जेतार मे सोमव्यू एने देख्यू, ती जू सोरग दूत मेसेक जे वाते देखाळतू होतु, मे तेरा पायो पोर नोमोन कोरनेन कोरता पोळ गोयू.

प्रकाशित वाक्य 3:1

सर्दीसोन मंडव्यान दूतो काजे यो लिख, “जेरे जुव परमेश्वरोन सात आत्मा एने सात चांदण्या छे, चू यो कोये कि मे तारा कामो काजे जानतलु छे तू जीवतलु ते कोवायतलु छे, बाकीन मोरलु छे.”

प्रकाशित वाक्य 3:14

लौदीकियान मंडव्यान दूतो काजे यो लिख, “जो आमेन एने भुरसान लायक एने खोरलो गोवा छे, एने परमेश्वरोन कोवीन खास वोजा छे, चू यो कोये कि

प्रकाशित वाक्य 3:7

फिलादिलफियान मंडव्यान दूतो काजे यो लिख, “जे चुखला एने खोरला छे, एने जे दाऊदन कुच्या राखतलु छे, जेरा उगळला काजे कुदु बोंद नी कोर सोके एने बोंद कोरला काजे कुदू उगाळी नी सोकतो चू यो कोये कि,

प्रकाशित वाक्य 4:5

तिना सिहासन मा गोथा विजव्या एने मोटलु ओवाज निकवतला छे एने सिहासनोन सामने आगठान सात दिवा धोप रोया, चे परमेश्वरोन सात आत्मा छे,

प्रकाशित वाक्य 4:8

चारू जोनावरोन छोव-छोव पाखळा छे, एने चारू धोळे एने माहिय डूवात डूवा छे; एने चे रात दाहळू बिना आराम कोरे यो कोयता रोयतला, “चुखलो, चुखला, चुखला प्रभू परमेश्वर, आखा गोथू ताकत वावू, जू होतु एने जू छे एने जु आवने वावू छे.”

प्रकाशित वाक्य 5:6

तेत्यार मे तिना सिहासन एने चार जोनावरे एने तीनु पुढाऱ्यान इचमा, जोसो एक खुन कोरलु गाडरो उबरोयलु देख्यू. तेरा सात शिंगडा एने सात डूवा होता; जे परमेश्वरोन सात आत्मा छे जे आखी कोवी पोर मुकली रोया.

प्रकाशित वाक्य 8:2

तेत्यार मे तीनु सात सोरग दूतो काजे देख्यू जे परमेश्वर ओगोव उभा रोयतला छे, एने तीनु काजे सात फेपाऱ्यो आपाय गोया.