प्रकाशित वाक्य 1:16 - बारेली पावरी

¹⁶ चू तेरे जेवळ्या हातमा सात चांदण्या लेदू, एने तेरो मुयोसी दुयधारी तलवार निकवती होती, तेरो मूय ओसो तेजोमोय होतु, जोसू दाहळू ज्यादा तोपोन टेमे चोमोकतो होतो.

प्रकाशित वाक्य 1:16 ပူးပေါင်းရင်းမြစ်များ

मत्ती 17:2

चा तिंदरे सामने तेरो रूप बदली गोयो, एने तेरो मुय सूर्यान तोसो चोमक्यो एने तेरा डोगला दिवा सारखा विजावो होय गोया.

प्रेषित 26:13

ती हे राजा मे दिसून टेमे वाटे दाहळा गोथू बी जादा विजावो सोरगोमा गोथो आवलो देख्यू जे मारे साते एने मारे साते वावा साते चारू धोळे चोमोकती होती.

इफिसीयो 6:17

एने छुटकारान टूपी एने आत्मान तलवार जो परमेश्वरोन वचन छे, ली लेवू.

इब्रानियो 4:12

काहाकि परमेश्वरोन वचन जीवतलो, ताकत एने काहनाबी दुय धारवावा तोलवार गोथो तीखलो छे, चो जीव एने आत्मा, सांधा एने गुरदा काजे आरपार भोराईन एने मोनोन विचार एने भावना काजे पारखतलो छे.

प्रकाशित वाक्य 1:20

मतलब तीना सात चांदण्यान भेद जीनाक तू मारा जेवळ्या हातोमा देखलू होतु, एने तीनु सात सोना वावान दिवठान भेद, चे सात चांदण्या सात मंडव्यान दूते छे, एने चे सात दिवठा सात मंडव्या छे.

प्रकाशित वाक्य 10:1

पोछु मे एक ओवी ताकत वावू सोरगो दूत काजे वादवो पांघरलु सोरग गोथू उतरतेलु देख्यू, तेरा मुंडका पोर वादवान धोंदली होती. तेरो मूय सूर्या सारखो होतो एने तेरा पाये आगठान खांबा सारखो होता.

प्रकाशित वाक्य 12:1

ओवतेन सोरगोमा एक मोटलु चिन्ह देखाय पोळ्यो, मतलब एक बायोर जी सूर्यो पांघरली होती, एने चांद तेरे पायो तोवे होतु एने तेरा मुंडका पोर बारा चांदण्यान मुकुट होतु.

प्रकाशित वाक्य 19:15

जाती-जाती काजे मारनेन कोरता तेरा मुयोमा गोथी एक धार वावी तोलवार निकवतली छे चू लुहळान राज दोंड लीन हिंदरे पोर राज कोरसे, एने आखा गोथो ताकतवान परमेश्वर भयानक रीसोन जलजलाहटन आंगुरोन रोसोन कुंडामा आंगुरोन रोस रोंदवसे.

प्रकाशित वाक्य 19:21

रोयला माणसे तिना घुल्ला पोर बोसने वावान तोलवार सी, जी हेरा मुयोसी निकवती होती, माराय गोया; एने आखा चिल्ला तेरा माणसोसी आफराय गोया.

प्रकाशित वाक्य 2:1

इफिसोन मंडवीन दूतो काजे यो लिख, जे सात चांदण्या हेरा जेवळ्या हातोमा छे, एने सोनान सात दिवान इचमा फिरतलु छे, चू जो कोये कि.

प्रकाशित वाक्य 2:12

“पीरगमून मंडव्या दूतो काजे यो लिख जेरे जुव दुयधारी एने तेज तोलवार छे, चू यो कोये कि.

प्रकाशित वाक्य 2:16

आखरी, मोन फिराव, नीती मे तारेनचा तेतारुत आवीन मारा मुयोन तोलवार सी तिंदरे पुठी लोळायीस.

प्रकाशित वाक्य 3:1

सर्दीसोन मंडव्यान दूतो काजे यो लिख, “जेरे जुव परमेश्वरोन सात आत्मा एने सात चांदण्या छे, चू यो कोये कि मे तारा कामो काजे जानतलु छे तू जीवतलु ते कोवायतलु छे, बाकीन मोरलु छे.”