3 प्रधान पुजारा तीना पोर लोकेत वातोन गुणा लागाळता होता.
जेतार प्रधान पुजारू एने डायला पोर गुणू लागाळ रोया होता, ती चू काय जोवाब नी आप्यू.
पिलात तीना काजे पुछु, “काय तू यहुदिन राजा छे?” येसु तीना काजे जोवाब आप्यू, “तू खुद कोयने बाज रोयू.”
पिलात तीना काजे एने पुछु, “काय तू काहीन जोवाब नि आपतू, देख ये तारे पोर कोतरी वातोन गुणू लागाळ रोया?”
येसु ओवी काहीन जोवाब नि आप्यू; न्या तोक कि पिलात काजे मोटी नोवलाय लागी.
इनापोरसी पिलात तीना काजे छुळ देनेन कोऱ्यु, बाकीन यहुदि आयळीन-आयळीन कोया, “कोदि तू इना काजे छुळ दिस, ती तू केसरोन दुस्ती नि होय, जो कुदु आपना खुदो काजे राजा बोनावतलु छे चू केसरोन सामना कोरतेलू छे.”
