मरकुस 13:9 - बारेली पावरी

⁹ “बाकीन तुमु आपना बारामा हुशारीमा रोयू; काहाकि माणसे तुमु काजे मोटला सभान होवाले कोरसे एने तुमु प्रार्थना घोरमा मार खासु, एने मारे वजेसी सुभेदारोन एने राजान ओगोव उबा कोराय जासे, काहाकि तिंदरेन कोरीन गोवा होये.”

मरकुस 13:9 ပူးပေါင်းရင်းမြစ်များ

मत्ती 5:22

बाकीन मे तुमु काजे यो कोयो, कि यु कुदु आपना भाशो पोर रीस कोरसे, चू कुरोटमा दोंडोन लायक रोयसे, एने यु कुदू आपना भाशो काजे गांडवायलु कोयसे चू महासभान दोंडोन कोरता रोयसे; एने जो कुदु कोये, “हे बिना दिमाकोन चू नोरोग आगठान दोंडोन कोरता रोयसे.”

मरकुस 1:44

एने तीना काजे कोयू, “देख, कुदा काजे काहीन झुन कोयतू, बाकीन जायीन खुदो काजे पुजारू काजे देखाळ, एने तारो चुखो होयनेन बारामा जो काय मुसा ठेरावलू छे तीनाक भेट चोळाव कि तीना पोर गोवायी होयनो जुवे.”

मरकुस 13:5

येसु तीनु काजे कोये बाज गोयू, “हुशारीमा रोयु कि कुदू तुमु काजे नि फोसाळे.”

मरकुस 13:8

काहाकि जाती पोर जाती, एने राज पोर राज चोढाइ कोरसे. जागो जाग धोरती फाटसे, एने काव पोळसे यो ते पीळान सुरवातुत होयसे.

मरकुस 6:11

जिने जागे माणसे तुमरो स्वीकार नी कोरे एने तुमरो नि सोमवे, चा जाताच आपना पायोन छोयळू झोटकी देयू कि तीनु पोर गोवा होये.”

लुका 9:5

“जू कुदू तुमरू स्वीकार नी कोरे, तीना सोहोरोमा चालता जायीन आपना पायोन छोयळू झोटकी देवू कि तीनु पोर गोवायी होये.”

योहान 15:20

जे वाते मे तुमु काजे कोयलु होतु, गुलाम आपना मालिक गोथू मोटलु नि रोयतलु, “इनाक फोम राखू. ओगर चे मेसेक तोकलीत आप्या, ती तुमु काजे बी तोकलीत आपसे, ओगर चे मारी वात मानता, ती तुमरी बी माणसे.”

योहान 16:2

चे तुमु काजे प्रार्थना घोरोमा गोथो निकाव देसे, बाकीन ची टेम आवली छे, कि जो कुदु तुमुक मार नाखसे चू समजसे कि मे परमेश्वरोन सेवा कोरतेलु छे.

प्रेषित 21:11

चू आमरेनचा आवीन पौलुस काजे तेरे साते लीन तेरु कोळ्यान पोटटू लीन तेरा हात पाय बांधिन कोयू, “पवित्र आत्मा यो कोयो कि जिना माणसोन यो कोळ्यान पोटटू छे, तीना काजे यरुशलेममा यहुदि इना रितीसी बांधसे, एने परराष्ट्रीयान हातोमा आप देसे.”

प्रेषित 7:54

जे वाते सोमवीन चे कुहराया एने तीना पोर दात कोकळावने बाज गोया.

प्रेषित 9:16

एने मी तीनाक देखाळीस कि मारा नावोन कोरीन तीनाक कोतरो दुख सहन कोरनो पोळसे.

फिलिप्पि 1:29

काहाकि मसिहन वजेसी तुमरे पोर यो गिन होयी कि नी तीनु पोर जो भुरसू कोरे बाकीन तिंदरेन कोरता दुख भी उठाव्यू.

2 थिस्सलुनीकियो 1:5

यो परमेश्वरोन खोरला नियावन सबूत छे कि तुमु परमेश्वरोन राजोन कोरता खोरला ठोरु जिनान कोरता तुमु दुख बी उठावतला.

2 योहान 1:8

आपना बारामा हुशारीमा रोयू, कि जो मेहनत आमु कोरतेला छे तिनाक तुमु वायबार मा जावाळू पुन तेरो पुरो इनाम लेवु.

प्रकाशित वाक्य 1:9

मे योहान, जू तुमरू भाश, एने येसुन दुख, एने राज, एने धीरोमा तुमरू सहभागी छे, परमेश्वरोन वचन एने येसुन गोवायीन वोजेसी पतमुस वावान टापू होतु.

प्रकाशित वाक्य 2:10

जे दुख तुसेक झेलणो पोळसे, तीनु काजे मा बिहे काहाकि देखू, भुतडू तुमरेमा गोथू काहनास काजे जेल खाणामा घालणेमा छे, काहाकि तुमु पारखाय जावू एने तुमु काजे दोस दाहळा तोक दुख झेलणो पोळसे जीव आपता तोक विश्वासी रोयजी, ती मे तुसेक जीवनोन मुकुट आपीस.

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”